📮NAMAZ E NABWI (Part-8)✔

📮NAMAZ E NABWI (Part-8)✔
📬Join Our Telegram Channel📬

https://ⓣelegram.me/paighaameislam

♻Bismillahhirrahmanirrahim ♻

🔴Sajdey mein kalaaiyan zameen se na chhuye

✔☘Sajdey ki halat mein Nabi Rahmat Sallallahu Alaihi Wa Sallam apni kalaaiyon ko zameen par nahi lagaate they balke unhey utha kar rakhte aur pehluon se door rakhte aur paao ki ungliyo k sirey qibley ki taraf mudey hue hoote they. 

📚(Sahih Bukhari Kitabul Azaan Hadees no. 828)

🔴Sajdey me pairo ki aediya mili hui ho

✔☘Ummul Momineen Ayesha Radi Allahu Anha bayan karti hai k maine Rasool Allah Sallallahu Alaihi Wa Sallam ko sajdah ki halat mein dekha aapke paao ki dono aediya mili hui thi aur paao ki ungliyo k sirey qiblah rukh they. 

📚(Behaqui 2:116, ise Ibne Khuzaima 654, Hakim 1:1228 aur Zahbi ne sahih kaha)

🔴JALSA(yaani Do sajdo ke darmiyan baithna)

✔☘Rasool Allah Sallallahu Alaihi Wa Sallam sajdey se apna sar uthate aur apna baaya paaon modte (yaani bichaate) phir us par baithte, aur seedhey hote yaha tak ke har haddi apne thikaane par aa jati (yaani pehle sajdey se sar utha kar nihayat aaraam wa itminan se baith jaate aur phir (doosra) sajdah karte. 

📚(Abu Dawood Hadees no. 730, Tirmizi Hadees no. 304)

✔☘Aap Sallallahu Alaihi Wa Sallam ka namaz me mamool tha ke baithte waqt apna daaya paaon(qadam) khada kar lete. 

📚(Sahih Bukhari Kitabul Azaan Hadees no. 828)

✔☘Abdullah bin Umar Radi Allahu Anhu riwayat karte hai k namaz mein sunnat ye hai ke daaya paao(qadam) khada kiya jaye aur uski ungliya qiblah rukh ki jaaye aur baaye paao par baitha jaye. 

📚(Nasai Kitabut Tatbeeq Hadees no. 1158, Ise Imam Ibne Khuzaima aur Imam Ibne Hibban ne sahih kaha) 

🔹🔹🔹Aur kabhi kabhi Aap Sallallahu Alaihi Wa Sallam apne qadmo aur apni aediyo par baithte

✔☘Abdullah bin Abbas Radi Allahu Anhu se qadmo aur aediyo par baithne ke baare mein pucha gaya to aapne farmaya k ye tumhare Nabi E Akram Sallallahu Alaihi Wa Sallam ki sunnat hai. 

📚(Sahih Muslim Kitabul Masajid Hadees no. 536)

✔☘Nabi Sallallahu Alaihi Wa Sallam ka jalsa sajdey k barabar hota tha, kabhi kabhi ziyaadah (der tak) baithte yaha tak ke baaz log kehte k aap (doosra sajdah karna) bhool gaye. 

📚(Sahih Bukhari Hadees no. 821, Sahih Muslim Hadees no. 472)

📮NAMAZ E NABWI (Part – 7)✔

📮NAMAZ E NABWI (Part – 7)✔
📬Join Our Telegram Channel📬

https://ⓣelegram.me/paighaameislam

♻Bismillahhirrahmanirrahim ♻

🔴Sajde ke ahkaam

Allah ke samne ajizi ka izhar karte hue pahla sajdah kare, sajde me jate waqt Allahu Akbar kahe aur saat aza par sajda kare, peshani naak ke saath dono hatheliya, dono ghutne aur dono paao ki ungliyon par. 

📚(Bukhari : 812, Muslim : 490)

🔴Sajde me jane ke liye ghutno se pahle haatho ko rakhna chahiye

Nabi Sallallahu Alaihi Wasallam ka farman hai 

” jab tumme se koi sajdah kare to ounth ke tarah na baithe balki apne dono haath apne ghutno se pahle rakhe. 

📚(Abu Dawud :840)

Note:-Jis rivayat me haath se pahle ghutne rakhne ki baat hai usey Muhaddiseen ne zaeef(unauthentic) qarar diya hai yani naqabile aitbar. 

Apne baazuon ko apne pahluon se alag rakhe, haatho ko zameen par bichhaye aur ungliyo ke sire ko qibla rukh rakhe. 

📚(Bukhari : 828)

Haatho ko kandho ke barabar rakhe. 

📚(Abu Dawud : 734)

Haatho ko kaano ke barabar bhi rakhna sabit hai. 

📚(Abu Dawud : 726)

Haatho ki ungliyan ek dusre se mili hui ho. 

📚(Abu Dawud : 734)

Jabki pairo ki ungliyan qibla rukh ho aur aur dono qadam (bilkul) khade ho. 

📚(Bukhari : 828)

🔴Apne baazuon ko zameen se na milaaye

Allah ke Rasool Sallallahu Aalaihi Wasallam farmate hai: “Tum mein se koi aapne bazu Sajde mein is tarha na bichaye jis tarha kutta bichhaata hai.”

📚(Bukhari : 822)

“Allah ke Rasool Sallallahu Aalaihi Wasallam jab Sajdah karte to apne dono haatho ko pahlu se alag rakhte the(away from sides) ke agar koi Bakri ka Bachcha baazuon ke niche se guzarna chahta to guzar sakta tha.”

📚(Ibn Majah : 880)

🔴Sajde ke azkaar

Huzaifa “Radi Allahu’anhu” riwayat karte hai ke Allah ke Rasool Sallallahu Aalaihi Wasallam sajde mein (ye dua) padhte: سُبْحَانَ رَبِّيَ الأَعْلَى

(Subhaana Rabbi’yal Aa’la) 

📚(Muslim Hadees 772)

Nabi sallallaho alaihi wasallam aksar sajde aur ruku me ye padha karte the. 

سُبْحَانَكَ اللَّهُمَّ رَبَّنَا وَبِحَمْدِكَ، اللَّهُمَّ اغْفِرْ لِي

(Subhaanakal-lahumma Rabbana wa bihamdika, Allahum-maghfir li) 

📚(Sahih Bukhari : 817)

📮NAMAZ E NABWI (Part – 6)✔

📮NAMAZ E NABWI (Part – 6)✔

📬Join Our Telegram Channel📬

https://ⓣelegram.me/paighaameislam

Bismillahhirrahmanirrahim

🔴Ruku ke azkaar

✔☘Huzaifa Radiallahu anhu farmate hai ke Nabi Sallallahu Aalaihi Wasallam Ruku me “Subhana Rabbiyal Aazeem” farmate. 

📚(Muslim Hadees 772)

✔☘Nabi Sallallahu Aalaihi Wasallam ne farmaya: “Jisne Ruku mein 3 baar “Subhana Rabbiyal Aazeem” kaha iska Ruku pura hogaya magar ye adna darja (kam az kam tadaad) hai.

📚(Abu Dawood, Ibne majah) Ibne Kuzaima aur Immam Ibne Habbaan ne ise saheeh kaha)

Phir

سمع الله لمن حمده

 (Sami Allaahu liman Hamidah) kahte hue apna sar uthaate aur Rafulyadain karte. 

📚(Sahih Bukhari :795,736)

🔴Ruku se sar uthakar sidhe khade hona

✔☘Anas Radiallahu anhu hame Rasool’Allah sallallaho alaihi wasallam ki namaz ka tareeqa batate the chunanche Aap Sallallaho alaihi wasallam namaz padhte aur jab apna sar ruku se uthate to itni der tak khade rahte ke ham sochne lagte ke Aap sallallaho alaihi wasallam bhul gaye hai. 

📚(Sahih Bukhari, 800)

Phir

Jab Aap Sidhe khade ho jate to رَبَّنَا وَلَكَ الْحَمْدُ،

(Rabbanaa wa Lakal- hamd) kahte . 

📚(Sahih Bukhari : 797)

✔☘Rifaa bin Rafi Az-Zuraqi Radiallahu anhu se rivayat hai ki Ham Nabi Sallallahu Alaihi Wasallam ke piche namaz padh rahe the. Jab ap ruku se sar uthate to 

 سمع الله لمن حمده

Kahte. Ek shaks ne piche se kaha

رَبَّنَا وَلَكَ الْحَمْدُ، حَمْدًا كَثِيرًا طَيِّبًا مُبَارَكًا فِيهِ

(Rabbana Wa Lakal humdu humdan Kaseeran Taaiyiban Mubarakan Feeh)

Aap sallallaho alaihi wasallam ne namaz se farigh hokar dariyaft farmaya ke kisne ye kalimat kahe hain us shaks ne jawab diya ke maine. 

Is par Aap sallallaho alaihi wasallam ne farmaya 

“Maine 30 se zyada farishto ko dekha ke wo in kalimat ko likhne me apas me sabqat kar rahe the(yani ke kaun pahle likhega iske liye apas me compete kar rahe the)

📚(Sahih Bukhari : 799)

Isse in kalimat ki fazeelat sabit hui

Phir Allahu Akbar kahte aur sajde me chale jate. 

📚(Sahih Bukhari : 789)

📮NAMAZ E NABWI (Part – 5)✔

📮NAMAZ E NABWI (Part – 5)✔

📬Join Our Telegram Channel📬

https://ⓣelegram.me/paighaameislam

Bismillahhirrahmanirrahim

Surah fatiha ki tilawat ke baad Quran ki surah ya ayaatein padhna. 
🔴Mazeed Qiraat

Phir Quran majeed ki jo surah ya ayaatein yaad ho wo padhe. 

📚(Abi Dawud : 818,820)Sahih Al Albani

📚(Nasai : 911)

🔴Surah ki tarteeb(sequence)

✔☘Aap sallallaho alaihi wasallam ne raat ki namaz me pahle “surah baqra”  phir “surah Nisa ” phir “surah Aale imran” ki tilawat farmayi. 

📚(Muslim : 772)

Isse malum hua ke namaz me surato ki tarteeb se tilawat zaruri nahi, isi tarah Anas Radiallahu anhu se rivayat hai :

“Ek shaks hamesha namaz me apne sathiyo ki imamat ke dauran har surah ke saath ” قُلْ هُوَ ٱللَّهُ أَحَدٌ ” padhta tha. Rasool’Allah sallallaho alaihi wasallam ne usse pucha: iss surat ko hamesha padhne par tumhe kis chiz ne amaadah kiya ❓

Usne arz kiya : Mujhe ye surat khas taur pe mahboob hai to Aap sallallaho alaihi wasallam ne farmaya :

Is surat ke saath tumhari ye mohabbat tumhe jannat me pahucha degi. 

📚(Bukhari Mu’allaqan : 774)

📚(Tirmizi : 2906)

➖Par mustahab yahi hai ke tarteeb ke saath tilawat ki jaaye isliye ke Aap sallallaho alaihi wasallam ki aam qirat Tarteeb se hi marwi hai.

🔴Achhi Qirat 

✔☘Rasool’Allah sallallaho alaihi wasallam ka irshad hai:

“Allah Ta’ala kisi awaz par uss qadar kaan nahi lagata jis qadar wo achhi awaaz ke sath quran paak padhne par lagata hai.”

📚(Bukhari : 5023,Muslim : 792)

🔴Ruku

✔☘Ruku mein jate waqt Allahu Akbar keh kar Dono hath khandho ya kano tak utthaye. Jaise Ibne Umar (Radi Allahu’anhu) ka farman hai:

“Nabi (Sallallahu Aalaihi Wasallam) jab Ruku ke liye takbeer kehte tab bhi aapne dono hath khandho tak utthate.”

📚(Bukhari Hadees 735, 736, 738)

📚(Muslim Hadees 390, 391)

✔☘Ruku mein peeth bilkul seedhi rakkhe aur sar ko peeth ke barabar yani sar na to uncha ho aur na niche aur dono haatho ki hatheliya dono Ghutno par rakkhe.

📚(Saheeh Muslim Hadees 498)

✔☘Haatho ki ungliya khuli hui kushada rakkhe.

📚(Abi Dawood Hadees 731)

✔☘Dono haath (bazuo) ko taan kar rakkhe, Ungliyo ke darmiyaan fasla ho aur Ghutne thame.

📚(Abi Dawood Hadees 731, 734)

✔☘Ruku ki halat me Nabi Sallallahu Aalaihi Wasallam ki hatheliya aap ke Ghutno par yu rakkhi hoti thi jaise ke aap ne Ghutno ko pakda hua ho.

📚(Tirmizi Hadees 260)

✔📚Ruku ki halat me Nabi Sallallahu Aalaihi Wasallam aapni khoniyo ko pehluo se door rakhte the.

📚(Tirmizi Hadees 260)

📮NAMAZ E NABWI (Part – 4)✔

📮NAMAZ E NABWI (Part – 4)✔

📬Join Our Telegram Channel 📬

https://ⓣelegram.me/paighaameislam

Bismillahhirrahmanirrahim

Seene par haath bandhne ke baad ki dua

🔴Dua e Istifta ya Sana

🚩Chahe to ye dua padhe :

اللَّهُمَّ بَاعِدْ بَيْنِي وَبَيْنَ خَطَايَاىَ كَمَا بَاعَدْتَ بَيْنَ الْمَشْرِقِ وَالْمَغْرِبِ، اللَّهُمَّ نَقِّنِي مِنَ الْخَطَايَا كَمَا يُنَقَّى الثَّوْبُ الأَبْيَضُ مِنَ الدَّنَسِ، اللَّهُمَّ اغْسِلْ خَطَايَاىَ بِالْمَاءِ وَالثَّلْجِ وَالْبَرَدِ ‏”‏‏.

📚(Bukhari : 744, Muslim : 806)

🚩Ya fir ye padhe :

“‏ سُبْحَانَكَ اللَّهُمَّ وَبِحَمْدِكَ وَتَبَارَكَ اسْمُكَ وَتَعَالَى جَدُّكَ وَلاَ إِلَهَ غَيْرُكَ”

(📚Tirmizi 243)

🔴Surah fatiha ki tilawat
Phir Aoozu billahi minash shaytanir rajeem Bismillahhirrahmanirrahim padhe phir uske baad surah fatiha ki tilawat kare. 

🚩Surah fatiha ke baghair namaz nahi

✔☘Rasool’Allah sallallaho alaihi wasallam ne farmaya: “Jis shaks ne (namaz mein) Surah Fatiha nahi padhi us ki Namaz nahi.”
📚(Bukhari : 756,Muslim : 394)

📚(Abu Dawud : 822, Tirmizi : 247)

🚩Imam ke piche surah fatiha padhna

✔☘Rasool’Allah Sallallahu Aalaihi Wasallam ne imam ke piche ahista ahista surah fatiha padne ka hukum diya.

📚(Ibne Habbaan 162,152/5. Bihaqi 166/2 ibne hajar ne is se Hasan kahan hai)

🔵Ameen ka masla

Jab zohar aur asar imam ke piche padhe to bhi aahista kahe, Lekin jab aap fajr, maghrib aur isha ki namaz me imam ke piche ho (jis mein qiraat unchi awaaz se ki jaye) to jis waqt imam Aameen kahe to aap ko unchi awaaz se Aameen kehna chahiye, balki imam bhi Sunnat ki pairwi mein Aameen pukar kar kahe. 

🔴Aameen kahne ki fazeelat

✔☘Abu Huraira Radiallahu farmate hai ke Allah ke Rasool’Allah Sallallahu Aalaihi Wasallam ne farmaya :

“Jab Imam Aameen kahe to tum bhi Aameen kaho, jis shaks ki Aameen farishto ki Aameen ke barabar ho gayi to us ke pehle ke sab gunah maaf kar diye jate hai.”

📚(Bukhari Hadees 780)

(Tirmizi Hadees 248)

(Baihaqi 58/2 Ibne Khuzaima Hadees 571 Ibne Habbaan Hadees 462)

[Muslim Hadees 410]

[Saheeh Ibne Kuzaima 286/1]

[Nasayi 134/2, Ibne Kuzaima 251/1, Hadees 499]

🔴Buland awaaz me Aameen kahna

✔☘Abu Hurairah Radiallahu anhu kahte hain ki jab Rasool’Allah sallallaho alaihi wasallam غَيْرِ ٱلْمَغْضُوبِ عَلَيْهِمْ وَلَا ٱلضَّآلِّينَ

padhte to aap AAMEEN (itni unchi awaz se)kahte ki pahli saf me aapke aas paas ke log sun lete ”

📚(Baihaqi 2/58, ibne Ibne khuzaima 571, ibne hibban 462, ise imam hakim aur imam zahbi ne sahih kaha hai)

🔴Kasrat se Aameen kahne ka hukm

✔☘Rasool’Allah sallallaho alaihi wasallam ne farmaya 

“Jis qadar yahudi salaam aur aameen se chhidte hai, utna kisi aur chiz se nahi chidhte, to tum kasrat se aameen kaho”

📚(Ibn Majah : 856)

📮NAMAZ E NABWI (Part – 3)✔

📮NAMAZ E NABWI (Part – 3)✔
📬Join Our Telegram Channel 📬

https://ⓣelegram.me/paighaameislam

Bismillahhirrahmanirrahim

🔷Rafulyadain ke deegar masail aur Seene par haath bandhna
🔴Rafulyadain karte waqt ungliya kis tarah rahe

Haath uthate waqt ungliya (normal tariqe par) khuli rakkhe. Ungliyo ke darmiyaan na zyada fasla kare na Ungliya milaye.

📚[Abu Dawood Hadees 753]

🔴Rafulyadain ke waqt haath kaha tak uthaye

Dono haatho ko kandho ke barabar tak uthaye. 

📚(Bukhari, 738)

Dono hatho ko kaan tak(kaano ke nichle kinare tak) uthana bhi sabit hai. 

📚(Muslim, 391)

Rafulyadain(dono haatho ko uthana) ke waqt haatho se kaano ko chune ki koi daleel nahi hai.

🔴Seene par haath bandhna

Daheni hatheli ko baayi hatheli par rakh kar seene par rakhle. 

📚(Ibn Khuzaimah :479,Ahmad : 5/226)

Sahl bin Saad Radiallahu anhu se rivayat karte hain :

“Logo ko hukm diya jata tha ke (har) admi apna daaya haath apne baayi “zira” par rakhe. ”

📚(Bukhari, Kitabul azan :740)

“Zira” kohni(elbow) ke sire se darmiyaani ungli ke sire tak ke hisse ko kahte hai, (Alqamoos-ul-waheed) is poore hisse par haath rakhne se laziman wo seene par aayega, iss riwayat ki wazahat mazeed dusri riwayat se hoti hai, 

Wail bin hujr Radiallahu anhu Rasool’Allah sallallaho alaihi wasallam ka namaz ka tareeqa bayan karte hue farmate hai:

“Rasool’Allah sallallaho alaihi wasallam ne daaye haath ki hatheli(ki pusht) kalai aur jod pe rakha. 

📚(Abu Dawud : 727 Nasai :490)

🔴Naaf ke niche haath bandhne ki riwayat zaeef(unauthentic /naqabile aitbar)

Naaf ke niche wali hadith me ek Taba Taabi’een hai unka pura naam “Abdur Rahmaan bin Ishaaq bin al-Haarith al-Koofi al-Waasiti” hai. Usool e Muhaddiseen ke nazdeek ye zaeef raawi hai, ye Imam Bukhari aur saare Muhaddiseen ka kahna hai.

Lehaza jo bhi mard hazrat naaf ke niche haath bandhte hai to wo ye janle ke naaf ke niche haath bandhana kisi bhi sahi hadees se sabit nahi hai. 

Is hadees ki Mazeed jankari ke liye is link pe click kare⬇

http://www.islamicleaks.com/2012/03/naaf-ke-neeche-hath-bandhne-wali-hadith.html?m=1

📮NAMAZ E NABWI (Part-2)✔

📮NAMAZ E NABWI (Part-2)✔
📬Join Our Telegram Channel 📬

https://ⓣelegram.me/paighaameislam

Bismillahhirrahmanirrahim

🔴Takbeer e Tehreema

Takbeer e Tehreema “Allahu Akbar kahe” 

📚(Abu Dawud : 618, Tirmizi :3 Ibn Majah:275,Ahmad:1/129)

🔴Rafulyadain(yani dono haatho ko uthana)

Rafulyadain Namaz mein 4 jagah sabit hai

  1. Shuru Namaz me takbeer-e-tehreema ke waqt

  2. Ruku se pehle

  3. Ruku ke baad

  4. Teesri rakat ki (shuruwaat) ibteda me. 

🚩Takbeer e Tehreema ke waqt Rafulyadain karna

Aur takbeer kahte waqt dono haatho ko kandho ke barabar tak uthaye. 

📚(Bukhari, 738)

🚩Ruku me jane se pahle aur ruku se uthne ke baad Rafulyadain karna

✔☘Wayel bin Hujr RadiAllahu Anhu farmate hai ke maine Rasool’Allah Sallallahu Alaihi Wa Sallam ko dekha, jab aap namaz shuru karte to Allahu Akbar kehte aur apne dono haath uthaate, phir apne haath kapde me dhaank lete phir daya haath baaye par rakhte, jab ruku karne lagte to kapdo se haath nikaalte, Allahu Akbar kehte aur rafulyadain karte, jab ruku se uthtey to (SAMI ALLAHULIMAN HAMIDAH) kehte aur rafulyadain karte. 

📚(Sahih Muslim Kitabus Salaat Hadees no. 401)

🚩Dusri rakat ke baad khade hote Rafulyadain karna

✔☘Abu Huraira Radiallahu anhu farmate hai ke Nabi Sallallahu Alaihi Wasallam do rakato ke baad baith kar jab khade hote to Allahu Akbar kahte. Naafe Rehmatullah Alaihi Farmate hain ke Abdullah ibne Umar Radiallahu Anhu jab do rakat se khade hote to Rafulyadain karte aur Farmate ke Nabi Sallallahu Alaihi Wasallam aisa hi kiya karte the. 

📚(Sahi Muslim Kitabus Salat, 868 Sahi Bukhari Kitabul Azaan, 739)

🔴Rafulyadain par 10 Sahaba Anhum ki ek sath gawahi

✔☘Abu Humaid Saadi Radiallahu Anhu ne 10 Sahaba E Kiraam Radi Allahu Anhum ke ek majme me bayan kiya ke “Rasool Allah Sallallahu Alaihi Wa Sallam jab namaz shuru karte aur jab ruku mein jaate, jab ruku se sar uthaate aur jab do rakaate padh kar khade hote to rafulyadain karte the, tamaam Sahaba e Kiram Radiallahu Anhum ne kaha “Tum sach bayan karte ho, Rasool Allah Sallallahu Alaihi Wa Sallam isi tarah namaz padhte the”. 

📚(Abu Dawood Kitabus Salaat Hadees no. 730, Tirmizi Kitabus Salaat Hadees no. 304, Ibne Hibban 5:182 ise Imam Tirmizi ne hasan sahih kaha) 

🔴Abu Humaid Radiallahu anhu ki ye hadees sunne ke baad jo Rafulyadain nahi karta uski namaz naqis hai

Imam Ibne Khuzaima Rahimahullah is hadees ko riwayat karne ke baad farmate hai ke mai Muhammad bin Yahya ko ye kehte hue suna ke jo shaks hadees e Abu Humaid sun’ne ke ba-wajood ruku mein jaate aur usse sar uthaate waqt rafulyadain nahi karta to uski namaz naqis hogi. 

📚(Sahih Ibne Khuzaima 1:298, 588)

🔴Rafulyadain namaz ki Khubsurti hai

✔☘Saeed bin Jubair(Tabaeen) se Namaz me Rafulyadain ke talluq se pucha gaya, unhone farmaya, Ye logo ki namaz ki Khubsurti hai aur RasoolAllah ke Sahabi Radiallahu anhum namaz shuru karte waqt, ruku se pehle aur ruku ke baad rafulyadain karte the.

📚(Sunan Al Kubra Behaqi Vol 2 page 75 hadeeth no: 2355) 

Allama Albani ne ise sahih qarar diya hai

📮NAMAZ E NABWI (Part – 1)✔

📮NAMAZ E NABWI (Part – 1)✔
📬Join Our Telegram Channel 📬

https://ⓣelegram.me/paighaameislam

Bismillahhirrahmanirrahim

🔴Namaz ke liye Qibla rukh khade hona shart hai
Allah Ta’ala Farmata hai 

✔”Aap apna muh masjid haraam ki taraf pher le aur aap jahaa kahi ho (namaz me) apna muh usi taraf phera kare” 

📘(Surah Baqara 2 : 144)

✔☘Rasool’Allah sallallaho alaihi wasallam ne farmaya 

“Jab Namaz ke liye khade ho to apna rukh qible ki taraf karlo.”

📚(Sahih Bukhari, 6251)

📚(Sahih Muslim, 397)

🔴Namaz me dil se niyat karna

“Niyat karna Dil ke Irade ka naam hai”

📗[Kitab ul Fiqah.ali ul mazahib ul arbah:209/1 w sharah w qayah wagera]

✔☘Rasool’Allah Sal-Allahu Alaihi Wasallam farmate hain: Aamal ka daromadar Niyat par hai.

📚[Sahi Bukhari 5070]

✒Dil me Niyat karna namaz ki sehat ke liye shart hai taki namazi ko malum rahe ke wo kis waqt ki namaz ada kar raha hai aur farz padh ya sunnat lekin wazeh(clear) rahe ke niyat ke alfaz zaban se ada karna biddat hai.

🚩Ulemaao ne Zaban se niyat ke alfaz ko ada karna Bidd’at kaha hai

Allama Ibn e Taymiyah (RahimUllah) farmate hain:

 “Zaban se Niyyat karna Deen aur aqal dono ke khilaf hai, Deen ke khilaf isliye ke ye Bid’at hai aur aqal ke khilaf isliye ke iski misaal aise hi hai jaise koi khana tannawul karna chahta ho(Yani khana khana chahta ho) to kahe: “Main Niyat karta hun apne hath ko iss bartan me rakhne ki,isme se luqma lunga phir isko munh me rakhunga, phir isko chabaunga, akhir(me) isko nigal lunga taki main ser hosakun(yani itminan me ho saku).

” Koi aqalmand iss qism ki harkat nahi karega kyuke jab aadmi ko ilm hai ke wo kya kar rha hai to usne uss baat ki Niyat bhi zarur ki hogi. Aur charo Imamo ka iss baat per ittefaq hai ke zaban se Niyat krna jayez nahi.”

📒[fatawa Ibne Tahmiya 232/1]

Zaban se niyat karna biddat ki zyada jankari ke liye ye link click kre.

https://paighaameislam.wordpress.com/2016/08/14/%f0%9f%93%aenamaz-me-zuban-se-niyat-karna-sunnat-ya-biddat%e2%9d%93/

🔴Qadam se Qadam aur kandhe se kandha milana
Pair jism ke mutabiq khole taki jamat ki surat me dusre namazi se qadam aur kandhe milane asaan ho. Sahaba ikram kandhe aur qadam baham milakar khade hua karte the. 

📚(Sahih Bukhari, 725)

✔☘Noman bin basheer Radiallahu se rewayat hai ke Rasool’Allah sallallaho alaihi ne logo ki taraf muh karke farmaya: 

logo! Apni safey seedhi karo

logo! Apni safey durust karo

logo! Apni safey barabar karo

Suno ! 

Agar tumne safey seedhi na ki to Allah ta’ala tumhare dilon me ikhtilaaf aur phoot daal dega, fir to ye haalat ho gayi ke har shaks apne saathi ke 

takhne se takhna, 

ghutne se ghutna aur

kandhe se kandha

chipka deta tha” 

📚(Abudawood-662, ibn hibban{396} ne isse sahih kaha hai)

📮AURAT AUR MARD KI NAMAZ ME Kya KOI FARQ HAI❓

📮AURAT AUR MARD KI NAMAZ ME Kya KOI FARQ HAI❓
📬Join Our Telegram Channel📬

https://ⓣelegram.me/paighaameislam

Bismillahhirrahmanirrahim

🅾Rasool’Allah sallallaho alaihi wasallam ka farman hai ke :

🍃 Aur namaz aise adaa karo jaise tum mujhe namaz adaa karte huye dekhte ho. 

📕(Bukhari : 631)

🔻is hadees me, mard aur aurat dono shamil hai. 

➖Fir bhi kuch log mard aur aurat ki namaz me farq karte hain. Jabki Naahi Rasool’Allah sallallaho alaihi wasallam ka koi farman maujood hai aur Naahi kisi sahabiya se koi hadees riwayat hai ke unhone kaha ho ke Rasool’Allah sallallaho alaihi wasallam ham aurato ko alag tarah se namaz padhne ka hukm dete the.

Balki….

Shariat e islamiya me jo bhi sunnate hai wo mard aur aurat ke liye yaksa(ek) hai. 

➖Ham ye aam taur se dekhte hai ke Aurato ko zameen se chipak kar sajda karne ko kaha jata hai jabki bukhari me iske khilaaf riwayat hai. 

🅾Farman e Rasool sallallaho alaihi wasallam hai ke :

🍃 “Tumme se koi apne baazu Sajde me is tarah na bichhaye jis tarah kutta bichhata hai”.

📙(Sahih Bukhari : 822)

🔻Ye hadees se clear hai ke aurato ko is tarah sajdah nahi karna chahiye balki jaisa Mard hazraat sajdah karte hai waise hi aurat ko bhi karna hai. 

🔻Aaiye dekhte hai ke Ulemaae deen ka mard aur aurat ki namaz me farq ke baare me kya kahna hai. 

1.Sheikh ibn Baaz Rahimahullah farmate hai ke :

➖Sahi bat yahi hai ke mard aur aurat ki namaz me koi farq nahi hai albatta fuqahaye kiram jo farq bayan karte hain uski koi daleel nahi hai, aur jo hadees zikr ki gayi hai ke Aap sallallaho alaihi wasallam ne farmaya:

🍃 (Aur Namaz aise adaa karo jaise tum mujhe namaz adaa karte hue dekhte ho)

isme sab mard wa khawateen shamil hai balki puri shariyat e islamia mard wa aurat ke liye yaksa(ek tarah) hai. 

➖Albatta farq waha dekha jayega jaha koi daleel maujood ho, lehaza sunnat yahi hai ke…..

     ▫🍃aurat bhi usi tarah namaz padhe jaise mard namaz padhta hai uske liye ruku, sajdah, tilawat, seene par haath bandhna waghairah tamam ke tamam umoor yaksa honge.

    ▫🍃 aur, isi tarah dauran e ruku haatho ko ghutno par rakha jayega aur sajde ke dauran kandho ya kano ke barabar zameen par haath rakhe jayenge, halat e ruku me kamar ko sidha rakhenge aur ruku wa sajde ki duaayein, qaume aur qayde ki duaayein, do sajdo ke darmiyan ki dua sab kuch mard ki tarah aurate bhi sab anjaam dengi.

✔Taaki Sahih Bukhari me maujood Rasool’Allah sallallaho alaihi wasallam ke farmaan (aur namaz aise padho jaise tum mujhe namaz padhte hue dekhte ho) par amal ho jaaye. 

➖Albatta Iqamat aur azaan namaz se alag amal hain isliye iqamat aur azaan sirf mard hi kahenge, kyunki iske baare me nas agayi hai ke mard hi azaan de aur iqamat kahe, khawateen iqamat aur azaan nahi kahengi. 

📜(Fataawa Noor Ala Darb 2/799)

2.Allama Albani Rahimahullah farmate hain ke :
➖Rasool’Allah sallallaho alaihi wasallam ki namaz ke tareeqe me jo kuch bayan kiya gaya hai usme mard aur aurat barabar hain, sunnat e Nabwi me koi bhi daleel(saboot) nahi milti jo ye taqaza karti ho ke usme se kuch me auratein mustsan(exception) hain,

Balki.. 

🔴Rasool’Allah sallallaho alaihi wasallam ka aam(general) farman hai ke : 

🍃 “Tum namaz is tarah ada karo jis tarah tumne mujhe namaz ada karte hue dekha hai”

🔻Jisme aurtein bhi shamil hain.

📗(Sifatul Salatun Nabi Sallallahu Alaihi Wasallam page 189) 

3. Imam Bukhari  Rahimahullah sahih sanad ke sath Umm e Darda Radiallahu anha ka amal bayan karte hai ki...

🍃 “wo (namaz me) mardo ki tarha baithti thi”.

📘(Al-Tarikh Al-Saghir Al-Bukhari 90)

4.Ibrahim Al-Nakhai Rahimahullah farmate hai ke :

🍃 “Aurto ko namaz me mardo ke tarah baithna chaiye.”

📗(Ibn e Abi Shaybah 1/170)

5. Imam Ibn e Hazm Rahimahullah farmate hai ke :

🍃 “Mard aur aurat ki namaz me koi farq nahi hai.”

📕(Al-Muhalla 3/37)

  1. Imam Ibn-e-Hajar Rahimahullah farmate hai ke :

🍃 “Mard aur Aurat ke Takbeer ke dauran hath uthane me koi farq nahi hai.”

📒(Fath Ul Bari 2/222) 

📮GARDAN KA MASAH KARNA EK BIDD’AT

​📮GARDAN KA MASAH KARNA EK BIDD’AT

📬Join Our Telegram Channel 📬

https://ⓣelegram.me/paighaameislam

Bismillahhirrahmanirrahim

Wuzu me gardan ka masah karna Rasool’Allah sallallaho alyehi wasallam se sabit nahi hai. Kisi bhi sahi hadees se ye sabit nahi hota ke Rasool’Allah sallallaho alaihi wasallam ne wuzu ke dauran gardan ka masah kiya.

Aaiye dekhte hai uleemaa e deen ka is baare me kya kahna hai. 

✔🔴Sheikh ul Islam Ibn Taymiyah Rahimahullah kahte hai :

Ye sahi nahi ke Rasool’Allah sallallaho alaihi wasallam ne wuzu me gardan ka masah kiya, balki kisi sahi hadees me bhi iska saboot nahi milta, balki jin sahi ahadees me Rasool’Allah sallallaho alaihi wasallam ke wuzu ka tareeqa bayan hua hai usme zikr nahi ke Rasool’Allah sallallaho alaihi wasallam gardan ka masah kiya karte the, isliye jamhoor(majority) ulemaa e kiram imaam malik, imaam shaafai, imaam Ahmad ke zahir maslak me gardan ka masah karna mustahab nahi. 

Aur jisne ise mustahab qarar diya hai usne Talha ibn Musarrif Radiallahu anhu se marwi zaeef hadees jiska naqal karna hi sahi nahi se istedal kiya hai, ke unhone guddi tak gardan ka masah kiya” is tarah ki hadees qabil hujjat nahi, aur sahi ahades ke muqable me pesh nahi ho sakti, ulemaa e kiraam ispar muttafiq(agree) hain ke gardan ka masah na karne se wuzu sahi hai. 

📚(Majmoo Al Fatawa  21/127)

🔵Wo Zaeef(unauthentic /naqabile aitbar) hadees jo ki Gardan ke masah me pesh ki jati hai

Talha ibn Musarrif riwayat karte hain ke

“Rasool’Allah sallallaho alaihi wasallam ne guddi tak gardan ka masah kiya”

📚Is hadees ko Abu Dawud ne hadees no. 132 me riwayat kiya hai aur ulemaa Albani Rahimahullah ne ise zaeef(naqabil e aitbar /unauthentic) kaha hai.

🔴✔Ibn Qayyim Rahimahullah kahte hai 

Aur gardan par masah karne me Rasool’Allah sallallaho alaihi wasallam se bilkul koi hadees sabit nahi. 

📒(Zaad Al Maad Al Ibn Qayyim 1/195)

✔🔴Sheikh ibn Baaz Rahimahullah kahte hain :

Gardan ka masah karna na to mustahab hai aur na hi mashru, balki sirf sar aur dono kaano ka masah kiya jayega, jaise ke kitab wa sunnat se sabit hai. 

📜🗞(Majmoo Fataawa Ibn Baaz 10/102)

🔴✔Imaam Nawvi Rahimahullah

Imaam Nawvi Rahimahullah ne ise Bidd’at likha hai. 
📓(Al Majmoo 1/489)

🔘Yaad rakhne waali baatein

✔☘Ayesha Radiallahu anha riwayat karti hai ke Rasool’Allah sallallaho alaihi wasallam ne farmaya ki Jisne hamare is deen me kuch aisi baat shamil ki jo usme se nai hai to wo mardud hai.

📚(Sahih al bukhari,2697)

📚(Sahih Muslim, 1718)

✔☘Abdullah Ibn Umar Radiallahu anhu farmaate hain:  TAMAAM Biddatein GUMRAAHI hain, agarche “Ba-Zaahir woh, logon ko ACHCHI lagein”.

📚(SUNAN KUBRA BAIHAQI : 138)

✔☘Rasool’Allah sallallaho alyehi wasallam ne farmaya meri sunnat aur khulfa Rashedeen ki sunnat ko daanto se mazbuti se pakde rahna aur har nayi chiz jo deen me nikali jaaye usse bachna Kyunki har nayi chiz ek gumrahi hai.

📚(Musnad Ahmad 4/126)

📚(Tirmizi 2676)