Monthly Archives: January, 2017

​📮KYA Islam me CIGARETTE pina aur TAMBAKU khana Jayez hai❓

📬Join Our Telegram Channel📬
https://ⓣelegram.me/paighaameislam
🍃Bismillah🍃

🔴Cigarette pina aur Tambaku chabana haraam hai kyunki yeh khabees cheez hai aur bohat ziyada zarrar(injurious) o nuqsanaat par mushtamil hai, Allah Subhanahu Taa’la ne to apne bandon ke liye khane peene wali Pakiza Cheezein halal ki hain, aur un par khabees aur gandi Cheezein haraam ki hain :

🔴Allah Subhanahu Taala ka farmaan hai:

🍃▫”Aur unke liye Pakiza Cheezein halal krta aur khabees aur gandi Cheezein haraam karta hai.📗Surah Al-Araaf, Ayah : 157

☑Lehaza har qism ki cigarette pina khabees aur gandi Cheezon mein shaamil hota hai, aur phir yeh zarrar aur nuqsande aur nashawar mawaad(material) par mushtamil hai .

➖Kisi bhi haalat mein iski aadat haraam hai, chahe tambaku pi jaye, ya phir tambaku chaba kar khaya jaye ya kisi aur tareeqe se tambaku istemaal kiya jaye yeh haraam hai .

✔💯Har musalman shakhs par wajib hai ke woh fauri taur par is ko tark kar ke Allah Ta’ala se tauba o astaghfar kare, aur is gunahgaari (evilness) o nafarmani par nadim ho, aur aindah pukhta irada kare ke woh kabhi bhi dobarah aisa nahi karega.📜🗞(Fatawa Islamiyah : 3/442)

➖Aksar kuch log ye kahte hue bhi nazar ate hai ke ham ziyadah cigarette nahi pite ham ziyadah Tambaku nahi khate to unke liye ek farman e Rasool hazir hai

☑Rasool’Allah sallallaho alaihi wasallam ne farmaya : 

“Jis cheez ki ziyadah miqdar(quantity) nasha paida karde to uski thodi si miqdar bhi haram hai.”

📚Timizi :1865 (Hasan Sahih)

➖Jab Allah ta’ala ne hame paak cheeze ata ki hai aur uske bawajood ham gandi cheeze kha rahe to ye sarasar Allah ki neymato ka nashukra pan hai. Jin paak cheezo ko kha kar ek insan ki sehat banti hai to wohi insan saath saath gandi cheeze kha kha kar apni sehat bigaadta jata hai. 

Tambaqu aur Cigarette bechne wale packet pe likh likh kar bech rahe ke ye apki sehat ke liye hanikarak hai ise khane se apko CANCER ho sakta hai aur khareedne wale tab bhi khareedte jaa rahe. Allahu Akbar Ye paisa dekar bimari khareedna nahi to aur kya hai❓

🔴CIGARETTE aur TAMBAKU Fizul kharch hai

🕳Jo log apna paisa cigarette pi kar dhue me uda dete hai ya tambaku kha kar apna paisa thuk dete hai unhe sochna chahiye ke kitne ghareeb miskeen ko khane ko nahi hai aur wo bhook se tadap kar mar rahe aur aap us paise ko dhue me uda rahe aur thuk rahe.

Astaghfirullah ye Ghurur nahi to kya hai❓

Ye paisa Allah ne apko udane ko ya thukne ko nahi diya balki ye bhi ek azmaish hai ke ap in paiso ka sahi istemal karte hai ya nahi, logo ka haq ada karte hain ya nahi❓

🔴Allah Ta’ala farmata hai

“aur rishtedaaro ka aur miskino aur musaafiro ka haq adaa karte raho, aur israaf aur beja kharch se bacho.”📒(Surah Bani Israil – 17 : 26)

▫……… Aaiye dekhiye Aage ki ayat me Allah Ta’ala fizul kharch karne walo ke liye kya farmata hai

☑”Fizul kharch karne waale shaitaano ke bhai hai aur shaitaan apne parvardigaar ka bada hee na shukra hai.”📕(Surah Bani Israil – 17 : 27)

🔴Ab apka zameer kya kahta hai, kya ab bhi aap Cigarette piyenge aur tambaku khayenge aur Shaytan ke bhai kahlayenge❓

Advertisements

📮NAMAZ E NABWI (Part – 11)✔ (Completed)

📮NAMAZ E NABWI (Part – 11)✔  (Completed)
📬Join Our Telegram Channel📬

https://ⓣelegram.me/paighaameislam

♻Bismillahhirrahmanirrahim ♻

🔴Doosra Tashahhud aur uski masnoon duaayein
Akhiri rakat mukammal karne ke baad dusre tashahhud me baith jaye. Doosre tashahhud me baithne ka tareeqa pahle tashahhud se thoda alag hai. 

Akhiri tashahhud me baayi raan ko bicha kar uspar baithe aur daayein paaon(qadam) ko zameen par khada rakh kar uske(pindli ke niche se) niche se baayein paaon ko bahar nikaal le. 📚(Sahih Bukhari : 825) 

Aur daayein paaon ki ungliyan qibla rukh ho. 📚(Sunan Nasai : 1159) 

🔻🔻🔻Atahiyat padhne ke bad durood e ibraheem padhe. 

اللَّهُمَّ صَلِّ عَلَى مُحَمَّدٍ، وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ، وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ، وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ ‏”‏‏.‏

(Allahumma’salli Aala Muhammad, wa Aala aali Muhammad, kamaa’sallaita Aala ibraheema wa’aala aali ibraheema innaka Hamidum’majeed

Alhumma’barik Aala Muhammad, wa Aala aali Muhammad, kamaa’barakta aala Ibraheema wa aala Aali Ibraheema innaka Hamidum’majeed) 

” Ai Allah Rahmat nazil farma Mohammad aur Al- Mohammad par jis tarah tune rahmat nazil ki ibraheem par aur Al-Ibraheem par beshak tu Tareef ke layeq hai aur buzurg hai. Ai Allah!!  Barkat nazil farma Mohammad par aur Al – Mohammad par jis tarah tune barkat nazil ki ibraheem par aur Al-Ibraheem par beshak tu Tareef ke layeq hai aur buzurg hai.”📚(Sahih Bukhari : 3370)

✔☘Aisha Radhiallahu anha bayan karti hai ke Rasool’Allah sallallaho alaihi wasallam namaz me ye dua padha karte the. 

اللَّهُمَّ إِنِّي أَعُوذُ بِكَ مِنْ عَذَابِ الْقَبْرِ وَأَعُوذُ بِكَ مِنْ فِتْنَةِ الْمَسِيحِ الدَّجَّالِ، وَأَعُوذُ بِكَ مِنْ فِتْنَةِ الْمَحْيَا وَفِتْنَةِ الْمَمَاتِ، اللَّهُمَّ إِنِّي أَعُوذُ بِكَ مِنَ الْمَأْثَمِ وَالْمَغْرَمِ ‏”‏

(Allahumma inni auzu bika min azabil qabr, wa auzu bika min fitnatil masihid-dajjal, wa auzu bika min fitnatil mahya wa fitnatil mamat. Allahumma inni auzu bika minal ma’sami wal maghram.) 

“Ai Allah beshak mai azab e qabr se teri panah me ata hu aur masih dajjal ke fitne se teri panah me ata hu aur zindagi aur maut ke fitne se teri panah me ata hu. Ai Allah yaqeenan mai gunah aur qarz se teri panah me ata hu.” 📚(Sahih Bukhari : 832)

✔☘Abu bakr Siddique Radiallahu anhu bayan karte hain ki unhone Rasool’Allah sallallaho alaihi wasallam se arz kiya ke mujhe koi aisi dua sikha dije jo mai namaz me padha karu to Aap sallallaho alaihi wasallam ne kaha ke ye dua padha karo. 

اللَّهُمَّ إِنِّي ظَلَمْتُ نَفْسِي ظُلْمًا كَثِيرًا وَلاَ يَغْفِرُ الذُّنُوبَ إِلاَّ أَنْتَ، فَاغْفِرْ لِي مَغْفِرَةً مِنْ عِنْدِكَ، وَارْحَمْنِي إِنَّكَ أَنْتَ الْغَفُورُ الرَّحِيمُ ‏”‏‏.‏

(Allahumma inni zalumtu nafsi zulman kasiran, Wala yaghfiruz-zunuba illa anta, fa ghfir li maghfiratan min indika, wa r-hamni, innaka antal-ghafurur-rahim) 

“Ai Allah maine apni jaan pe bahut zulm kiye hain aur tere siwa gunaho ko maaf karne wala koi nahi,mujhe apni khaas bakshish ke sath maaf karde aur mujh par rahem farma beshak tu bahut tu bahut zyada maaf karne wala rahem karne wala hai.”📚(Sahih Bukhari : 834)

🔸🔸🔸Attahiyat ke baad koi bhi dua ki ja sakti hai jo apko pasand ho ya jaisi zarurat ho.Jaisa ke hadees me ata hai. 

✔☘Rasool’Allah sallallaho alaihi wasallam ne farmaya 

Atthahiyat ke baad dua ka ikhteyar hai jo dua pasand ho wo kare. (Sahih Bukhari : 835)

🔹🔹🔹Fir uske baad salam pher le. 

✔☘Abdul bin Masood (Radi Allahu’anhu) Riwayat kartey hai ke

Allah ke Rasool Sallallahu Aalaihi Wasallam Daayi (right) taraf salaam phairte (to kehte) “Assalamu Aalaikum wa Rahmatullah” aur baayi taraf salaam phairte to kehte “Assalamu Aalaikum wa Rahmatullah”📚(Abi Dawud : 996)

🔚

📮NAMAZ E NABWI (Part – 10)✔

​📮NAMAZ E NABWI (Part – 10)✔

📬Join Our Telegram Channel📬

https://ⓣelegram.me/paighaameislam

♻Bismillahhirrahmanirrahim ♻️

🔴Tashahhud(yani jab atthahiyat ke liye baitha jata hai) me Ungli uthana

✔☘Abdullaah bin zubair Radiallahu anhu riwayat karte hain ke Rasool’Allah sallallaho alaihi wasallam jab ( namaz me ) tasha’hud padhne baithe to apna daaya haath daayein , aur baaya haath baayein raan par rakhte aur shahadat ki ungli ke saath isharah karte aur apna angootha apni darmiyyani ungli par rakhte.📚(Sahih Muslim : 579)

✔☘Nabi sallallaho alaihi wasallam daayein haath ki tamaam ungliyon ko band kar lete , Anguthe ke saath wali ungli ko qibla rukh kar ke uske saath isharah karte.📚(Sahiilh Muslim : 580)
✔☘Wayel bin Hujr Radiallahu anhu riwayat karte hain ki Rasool’Allah sallallaho alaihi wasallam (dusre sajde se uth kar tashahhud me) baithe , do ungliyon ko band kiya ,(Anguthe aur darmiyaan ki badi ungli se halqah/circle banaya ) aur shahadat wali ungli se isharah kiya .

📚(Abu Dawood : 726)📚(imaam ibn Habban 485)📚(ibn khuzaima 713 , 714 ne sahi kaha hai)

✔☘Wayel bin Hujr RadiAllahu Anhu farmate hain ki Rasool’Allah sallallaho alaihi wasallam ne ungli uthaai aur usey hilaya. Aap sallallaho alaihi wasallam uske zariye se dua kar rahe they.

📚(Nisai Hadees :1269 Sahih-Darussalam – ise ibn habban , 485, aur ibn khuzaima , 714, ne sahi kaha hai)

Aur apni nigaah shahadat ki ungli par rakhe. 📚(Sunan Abi Dawud : 990)

✒Yaad rakhe Sirf Lailaha illallah kahne par ungli uthana aur fir kah dene ke baad wapas ungli rakh dena aisa kisi riwayat se sabit nahi hai. Balki in sahi ahadees me yahi alfaz hai ke Rasool’Allah sallallaho alaihi wasallam tashahhud me baithte to apni ungli utha lete aur phir usse ishara karte rahte aur uske zariye dua karte. Yani akhir tak hame ungli se isharah karte rahna hai jab tak na salam pher le. Kyunki hadees me alfaz tashahhud me dua ke hai aur dua atthahiyat se shuru ho jati hai aur salam pherne se pahle tak chalti hai. 

🔹🔹🔹Musnad Ahmad, Bazzar, aur Baihaqi ki riwayat ke mutabiq Rasool’Allah sallallaho alaihi wasallam ne farmaya :

“ye ungli shaytan ko lohe se zyada takleef pahuchati hai”📗(Sifatu Salatinnabi lil Albani Urdu page : 223)

📮NAMAZ E NABWI (Part – 9)✔

📮NAMAZ E NABWI (Part – 9)✔
📬Join Our Telegram Channel📬

https://ⓣelegram.me/paighaameislam

♻Bismillahhirrahmanirrahim ♻

🔴JALSE ki masnoon duayein

✔☘Ibne Abbas Radiallahu Anhu riwayat karte hai k Rasool Allah Sallallahu Alaihi Wa Sallam dono sajdo k darmiyaan (ye) padhte they: 

اللَّهُمَّ اغْفِرْ لِي وَارْحَمْنِي وَعَافِنِي وَاهْدِنِي وَارْزُقْنِي ‏”‏

(ALLAHUM MAGFIRLI WARHAMNI WA AAFINI WAHDINI WARZUQNI”) 

“Ae Allah! mujhe baksh de, mujh par rahma farma, mujhe aafiyat se rakh, mujhe hidayat de aur mujhe roozi ata kar”.

📚(Abu Dawood Kitabus Salaat Hadees no. 850, Tirmizi Kitabus Salaat Hadees no. 284, ise Hakim, Zahbi aur Nawawi ne sahih kaha)

✔☘Huzaifa Radiallahu Anhu riwayat karte hai k Rasool Allah Sallallahu Alaihi Wa Sallam dono sajdo ke darmiyaan (ye) padha karte they” رَبِّ اغْفِرْ لِي رَبِّ اغْفِرْ لِي

 (RABBIG FIRLI, RABBIG FIRLI) 
 “Ae mere rabb mujhe maaf farma, ae mere rabb mujhe maaf farma”. 

📚(Abu Dawood Kitabus Salaat Hadees no. 874, Ibne Maja Hadees no. 897, Hakim 1:271 aur Zahbi ne sahih kaha) 

Fir Allahu Akbar kahte hue doosra sajdah kare. 

Pahli aur teesri rakat mukammal hone par dusre sajde ke baad thodi der baithe phir dusri ya chauthi rakat ke liye khade ho. 📚Sahih Bukhari : 823

Phir dono haatho par tek lagate hue Allahu Akbar kahte hue dusri rakat ke liye khade ho jaye. 📚(Sahih Bukhari : 824)

Fir se waise hi kare jaise pahli rakat me kiya tha. 

Uske bad dusri rakat ke sajdo se farigh hokar tashahhud me baith jaye. 

🔴Tashahhud

Tashahhud yani ke do rakat mukammal karne ke baad aur akhiri(yani char rakat padh rahe to uski akhiri rakat aur teen padh rahe to uski akhiri rakat ) rakaat mukammal karne ke baad itminan se baithna.

🔴Pahla Tashahhud(do rakat ke baad itminan se baithna) aur atthahiyat padhna

Dusri rakat ke baad (dusre sajde se uth kar) baya paaon bichaa kar is par baith jaye aur daya paao(qadam) khada rakkhe. 📚(Saheeh Bukhari Hadees 827- 828)

✔☘Nabi Sallallahu Aalaihi Wasallam ne farmaya: “Bas jab tum Namaz mein (tashahhud ke liye) baitho to ye padho.”

التَّحِيَّاتُ لِلَّهِ، وَالصَّلَوَاتُ وَالطَّيِّبَاتُ، السَّلاَمُ عَلَيْكَ أَيُّهَا النَّبِيُّ وَرَحْمَةُ اللَّهِ وَبَرَكَاتُهُ، السَّلاَمُ عَلَيْنَا وَعَلَى عِبَادِ اللَّهِ الصَّالِحِينَ‏.‏ ، أَشْهَدُ أَنْ لاَ إِلَهَ إِلاَّ اللَّهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ ‏”‏‏.‏

“Atta’haiyaatu lillahi wassalawaatu wattaiyibaatu Assalamu Aalaika Ayiyuhan Nabiyu wa Rahmatullahi wa Barkatuh Assalamu aalaina waaala Ebadilla his’ saleheen, Ashhadu Al’laailaha illallah, wa Ashhadu anna Muhammadan Abduhu wa Rasuluh.”

(Tamam Qauli badni aur maali ibadate Allah hi ke liye hain, Aue Nabi (Sallallahu Alaihi Wasallam) aap Par Allah ki salamti, rahmat aur barkate ho, ham par aur Allah ke sare nek bando par bhi salamti ho, mai gawahi deta hu ke Allah ke siwa koi ibadat ke layeq nahi aur Mohammad sallallaho alaihi wasallam Allah ke bande aur uske Rasool hain) .

📚(Bukhari Hadees 831, 835 wa Muslim Hadees 402)

📮NAMAZ E NABWI (Part-8)✔

📮NAMAZ E NABWI (Part-8)✔
📬Join Our Telegram Channel📬

https://ⓣelegram.me/paighaameislam

♻Bismillahhirrahmanirrahim ♻

🔴Sajdey mein kalaaiyan zameen se na chhuye

✔☘Sajdey ki halat mein Nabi Rahmat Sallallahu Alaihi Wa Sallam apni kalaaiyon ko zameen par nahi lagaate they balke unhey utha kar rakhte aur pehluon se door rakhte aur paao ki ungliyo k sirey qibley ki taraf mudey hue hoote they. 

📚(Sahih Bukhari Kitabul Azaan Hadees no. 828)

🔴Sajdey me pairo ki aediya mili hui ho

✔☘Ummul Momineen Ayesha Radi Allahu Anha bayan karti hai k maine Rasool Allah Sallallahu Alaihi Wa Sallam ko sajdah ki halat mein dekha aapke paao ki dono aediya mili hui thi aur paao ki ungliyo k sirey qiblah rukh they. 

📚(Behaqui 2:116, ise Ibne Khuzaima 654, Hakim 1:1228 aur Zahbi ne sahih kaha)

🔴JALSA(yaani Do sajdo ke darmiyan baithna)

✔☘Rasool Allah Sallallahu Alaihi Wa Sallam sajdey se apna sar uthate aur apna baaya paaon modte (yaani bichaate) phir us par baithte, aur seedhey hote yaha tak ke har haddi apne thikaane par aa jati (yaani pehle sajdey se sar utha kar nihayat aaraam wa itminan se baith jaate aur phir (doosra) sajdah karte. 

📚(Abu Dawood Hadees no. 730, Tirmizi Hadees no. 304)

✔☘Aap Sallallahu Alaihi Wa Sallam ka namaz me mamool tha ke baithte waqt apna daaya paaon(qadam) khada kar lete. 

📚(Sahih Bukhari Kitabul Azaan Hadees no. 828)

✔☘Abdullah bin Umar Radi Allahu Anhu riwayat karte hai k namaz mein sunnat ye hai ke daaya paao(qadam) khada kiya jaye aur uski ungliya qiblah rukh ki jaaye aur baaye paao par baitha jaye. 

📚(Nasai Kitabut Tatbeeq Hadees no. 1158, Ise Imam Ibne Khuzaima aur Imam Ibne Hibban ne sahih kaha) 

🔹🔹🔹Aur kabhi kabhi Aap Sallallahu Alaihi Wa Sallam apne qadmo aur apni aediyo par baithte

✔☘Abdullah bin Abbas Radi Allahu Anhu se qadmo aur aediyo par baithne ke baare mein pucha gaya to aapne farmaya k ye tumhare Nabi E Akram Sallallahu Alaihi Wa Sallam ki sunnat hai. 

📚(Sahih Muslim Kitabul Masajid Hadees no. 536)

✔☘Nabi Sallallahu Alaihi Wa Sallam ka jalsa sajdey k barabar hota tha, kabhi kabhi ziyaadah (der tak) baithte yaha tak ke baaz log kehte k aap (doosra sajdah karna) bhool gaye. 

📚(Sahih Bukhari Hadees no. 821, Sahih Muslim Hadees no. 472)

📮NAMAZ E NABWI (Part – 7)✔

📮NAMAZ E NABWI (Part – 7)✔
📬Join Our Telegram Channel📬

https://ⓣelegram.me/paighaameislam

♻Bismillahhirrahmanirrahim ♻

🔴Sajde ke ahkaam

Allah ke samne ajizi ka izhar karte hue pahla sajdah kare, sajde me jate waqt Allahu Akbar kahe aur saat aza par sajda kare, peshani naak ke saath dono hatheliya, dono ghutne aur dono paao ki ungliyon par. 

📚(Bukhari : 812, Muslim : 490)

🔴Sajde me jane ke liye ghutno se pahle haatho ko rakhna chahiye

Nabi Sallallahu Alaihi Wasallam ka farman hai 

” jab tumme se koi sajdah kare to ounth ke tarah na baithe balki apne dono haath apne ghutno se pahle rakhe. 

📚(Abu Dawud :840)

Note:-Jis rivayat me haath se pahle ghutne rakhne ki baat hai usey Muhaddiseen ne zaeef(unauthentic) qarar diya hai yani naqabile aitbar. 

Apne baazuon ko apne pahluon se alag rakhe, haatho ko zameen par bichhaye aur ungliyo ke sire ko qibla rukh rakhe. 

📚(Bukhari : 828)

Haatho ko kandho ke barabar rakhe. 

📚(Abu Dawud : 734)

Haatho ko kaano ke barabar bhi rakhna sabit hai. 

📚(Abu Dawud : 726)

Haatho ki ungliyan ek dusre se mili hui ho. 

📚(Abu Dawud : 734)

Jabki pairo ki ungliyan qibla rukh ho aur aur dono qadam (bilkul) khade ho. 

📚(Bukhari : 828)

🔴Apne baazuon ko zameen se na milaaye

Allah ke Rasool Sallallahu Aalaihi Wasallam farmate hai: “Tum mein se koi aapne bazu Sajde mein is tarha na bichaye jis tarha kutta bichhaata hai.”

📚(Bukhari : 822)

“Allah ke Rasool Sallallahu Aalaihi Wasallam jab Sajdah karte to apne dono haatho ko pahlu se alag rakhte the(away from sides) ke agar koi Bakri ka Bachcha baazuon ke niche se guzarna chahta to guzar sakta tha.”

📚(Ibn Majah : 880)

🔴Sajde ke azkaar

Huzaifa “Radi Allahu’anhu” riwayat karte hai ke Allah ke Rasool Sallallahu Aalaihi Wasallam sajde mein (ye dua) padhte: سُبْحَانَ رَبِّيَ الأَعْلَى

(Subhaana Rabbi’yal Aa’la) 

📚(Muslim Hadees 772)

Nabi sallallaho alaihi wasallam aksar sajde aur ruku me ye padha karte the. 

سُبْحَانَكَ اللَّهُمَّ رَبَّنَا وَبِحَمْدِكَ، اللَّهُمَّ اغْفِرْ لِي

(Subhaanakal-lahumma Rabbana wa bihamdika, Allahum-maghfir li) 

📚(Sahih Bukhari : 817)

📮NAMAZ E NABWI (Part – 6)✔

📮NAMAZ E NABWI (Part – 6)✔

📬Join Our Telegram Channel📬

https://ⓣelegram.me/paighaameislam

Bismillahhirrahmanirrahim

🔴Ruku ke azkaar

✔☘Huzaifa Radiallahu anhu farmate hai ke Nabi Sallallahu Aalaihi Wasallam Ruku me “Subhana Rabbiyal Aazeem” farmate. 

📚(Muslim Hadees 772)

✔☘Nabi Sallallahu Aalaihi Wasallam ne farmaya: “Jisne Ruku mein 3 baar “Subhana Rabbiyal Aazeem” kaha iska Ruku pura hogaya magar ye adna darja (kam az kam tadaad) hai.

📚(Abu Dawood, Ibne majah) Ibne Kuzaima aur Immam Ibne Habbaan ne ise saheeh kaha)

Phir

سمع الله لمن حمده

 (Sami Allaahu liman Hamidah) kahte hue apna sar uthaate aur Rafulyadain karte. 

📚(Sahih Bukhari :795,736)

🔴Ruku se sar uthakar sidhe khade hona

✔☘Anas Radiallahu anhu hame Rasool’Allah sallallaho alaihi wasallam ki namaz ka tareeqa batate the chunanche Aap Sallallaho alaihi wasallam namaz padhte aur jab apna sar ruku se uthate to itni der tak khade rahte ke ham sochne lagte ke Aap sallallaho alaihi wasallam bhul gaye hai. 

📚(Sahih Bukhari, 800)

Phir

Jab Aap Sidhe khade ho jate to رَبَّنَا وَلَكَ الْحَمْدُ،

(Rabbanaa wa Lakal- hamd) kahte . 

📚(Sahih Bukhari : 797)

✔☘Rifaa bin Rafi Az-Zuraqi Radiallahu anhu se rivayat hai ki Ham Nabi Sallallahu Alaihi Wasallam ke piche namaz padh rahe the. Jab ap ruku se sar uthate to 

 سمع الله لمن حمده

Kahte. Ek shaks ne piche se kaha

رَبَّنَا وَلَكَ الْحَمْدُ، حَمْدًا كَثِيرًا طَيِّبًا مُبَارَكًا فِيهِ

(Rabbana Wa Lakal humdu humdan Kaseeran Taaiyiban Mubarakan Feeh)

Aap sallallaho alaihi wasallam ne namaz se farigh hokar dariyaft farmaya ke kisne ye kalimat kahe hain us shaks ne jawab diya ke maine. 

Is par Aap sallallaho alaihi wasallam ne farmaya 

“Maine 30 se zyada farishto ko dekha ke wo in kalimat ko likhne me apas me sabqat kar rahe the(yani ke kaun pahle likhega iske liye apas me compete kar rahe the)

📚(Sahih Bukhari : 799)

Isse in kalimat ki fazeelat sabit hui

Phir Allahu Akbar kahte aur sajde me chale jate. 

📚(Sahih Bukhari : 789)

📮NAMAZ E NABWI (Part – 5)✔

📮NAMAZ E NABWI (Part – 5)✔

📬Join Our Telegram Channel📬

https://ⓣelegram.me/paighaameislam

Bismillahhirrahmanirrahim

Surah fatiha ki tilawat ke baad Quran ki surah ya ayaatein padhna. 
🔴Mazeed Qiraat

Phir Quran majeed ki jo surah ya ayaatein yaad ho wo padhe. 

📚(Abi Dawud : 818,820)Sahih Al Albani

📚(Nasai : 911)

🔴Surah ki tarteeb(sequence)

✔☘Aap sallallaho alaihi wasallam ne raat ki namaz me pahle “surah baqra”  phir “surah Nisa ” phir “surah Aale imran” ki tilawat farmayi. 

📚(Muslim : 772)

Isse malum hua ke namaz me surato ki tarteeb se tilawat zaruri nahi, isi tarah Anas Radiallahu anhu se rivayat hai :

“Ek shaks hamesha namaz me apne sathiyo ki imamat ke dauran har surah ke saath ” قُلْ هُوَ ٱللَّهُ أَحَدٌ ” padhta tha. Rasool’Allah sallallaho alaihi wasallam ne usse pucha: iss surat ko hamesha padhne par tumhe kis chiz ne amaadah kiya ❓

Usne arz kiya : Mujhe ye surat khas taur pe mahboob hai to Aap sallallaho alaihi wasallam ne farmaya :

Is surat ke saath tumhari ye mohabbat tumhe jannat me pahucha degi. 

📚(Bukhari Mu’allaqan : 774)

📚(Tirmizi : 2906)

➖Par mustahab yahi hai ke tarteeb ke saath tilawat ki jaaye isliye ke Aap sallallaho alaihi wasallam ki aam qirat Tarteeb se hi marwi hai.

🔴Achhi Qirat 

✔☘Rasool’Allah sallallaho alaihi wasallam ka irshad hai:

“Allah Ta’ala kisi awaz par uss qadar kaan nahi lagata jis qadar wo achhi awaaz ke sath quran paak padhne par lagata hai.”

📚(Bukhari : 5023,Muslim : 792)

🔴Ruku

✔☘Ruku mein jate waqt Allahu Akbar keh kar Dono hath khandho ya kano tak utthaye. Jaise Ibne Umar (Radi Allahu’anhu) ka farman hai:

“Nabi (Sallallahu Aalaihi Wasallam) jab Ruku ke liye takbeer kehte tab bhi aapne dono hath khandho tak utthate.”

📚(Bukhari Hadees 735, 736, 738)

📚(Muslim Hadees 390, 391)

✔☘Ruku mein peeth bilkul seedhi rakkhe aur sar ko peeth ke barabar yani sar na to uncha ho aur na niche aur dono haatho ki hatheliya dono Ghutno par rakkhe.

📚(Saheeh Muslim Hadees 498)

✔☘Haatho ki ungliya khuli hui kushada rakkhe.

📚(Abi Dawood Hadees 731)

✔☘Dono haath (bazuo) ko taan kar rakkhe, Ungliyo ke darmiyaan fasla ho aur Ghutne thame.

📚(Abi Dawood Hadees 731, 734)

✔☘Ruku ki halat me Nabi Sallallahu Aalaihi Wasallam ki hatheliya aap ke Ghutno par yu rakkhi hoti thi jaise ke aap ne Ghutno ko pakda hua ho.

📚(Tirmizi Hadees 260)

✔📚Ruku ki halat me Nabi Sallallahu Aalaihi Wasallam aapni khoniyo ko pehluo se door rakhte the.

📚(Tirmizi Hadees 260)

📮NAMAZ E NABWI (Part – 4)✔

📮NAMAZ E NABWI (Part – 4)✔

📬Join Our Telegram Channel 📬

https://ⓣelegram.me/paighaameislam

Bismillahhirrahmanirrahim

Seene par haath bandhne ke baad ki dua

🔴Dua e Istifta ya Sana

🚩Chahe to ye dua padhe :

اللَّهُمَّ بَاعِدْ بَيْنِي وَبَيْنَ خَطَايَاىَ كَمَا بَاعَدْتَ بَيْنَ الْمَشْرِقِ وَالْمَغْرِبِ، اللَّهُمَّ نَقِّنِي مِنَ الْخَطَايَا كَمَا يُنَقَّى الثَّوْبُ الأَبْيَضُ مِنَ الدَّنَسِ، اللَّهُمَّ اغْسِلْ خَطَايَاىَ بِالْمَاءِ وَالثَّلْجِ وَالْبَرَدِ ‏”‏‏.

📚(Bukhari : 744, Muslim : 806)

🚩Ya fir ye padhe :

“‏ سُبْحَانَكَ اللَّهُمَّ وَبِحَمْدِكَ وَتَبَارَكَ اسْمُكَ وَتَعَالَى جَدُّكَ وَلاَ إِلَهَ غَيْرُكَ”

(📚Tirmizi 243)

🔴Surah fatiha ki tilawat
Phir Aoozu billahi minash shaytanir rajeem Bismillahhirrahmanirrahim padhe phir uske baad surah fatiha ki tilawat kare. 

🚩Surah fatiha ke baghair namaz nahi

✔☘Rasool’Allah sallallaho alaihi wasallam ne farmaya: “Jis shaks ne (namaz mein) Surah Fatiha nahi padhi us ki Namaz nahi.”
📚(Bukhari : 756,Muslim : 394)

📚(Abu Dawud : 822, Tirmizi : 247)

🚩Imam ke piche surah fatiha padhna

✔☘Rasool’Allah Sallallahu Aalaihi Wasallam ne imam ke piche ahista ahista surah fatiha padne ka hukum diya.

📚(Ibne Habbaan 162,152/5. Bihaqi 166/2 ibne hajar ne is se Hasan kahan hai)

🔵Ameen ka masla

Jab zohar aur asar imam ke piche padhe to bhi aahista kahe, Lekin jab aap fajr, maghrib aur isha ki namaz me imam ke piche ho (jis mein qiraat unchi awaaz se ki jaye) to jis waqt imam Aameen kahe to aap ko unchi awaaz se Aameen kehna chahiye, balki imam bhi Sunnat ki pairwi mein Aameen pukar kar kahe. 

🔴Aameen kahne ki fazeelat

✔☘Abu Huraira Radiallahu farmate hai ke Allah ke Rasool’Allah Sallallahu Aalaihi Wasallam ne farmaya :

“Jab Imam Aameen kahe to tum bhi Aameen kaho, jis shaks ki Aameen farishto ki Aameen ke barabar ho gayi to us ke pehle ke sab gunah maaf kar diye jate hai.”

📚(Bukhari Hadees 780)

(Tirmizi Hadees 248)

(Baihaqi 58/2 Ibne Khuzaima Hadees 571 Ibne Habbaan Hadees 462)

[Muslim Hadees 410]

[Saheeh Ibne Kuzaima 286/1]

[Nasayi 134/2, Ibne Kuzaima 251/1, Hadees 499]

🔴Buland awaaz me Aameen kahna

✔☘Abu Hurairah Radiallahu anhu kahte hain ki jab Rasool’Allah sallallaho alaihi wasallam غَيْرِ ٱلْمَغْضُوبِ عَلَيْهِمْ وَلَا ٱلضَّآلِّينَ

padhte to aap AAMEEN (itni unchi awaz se)kahte ki pahli saf me aapke aas paas ke log sun lete ”

📚(Baihaqi 2/58, ibne Ibne khuzaima 571, ibne hibban 462, ise imam hakim aur imam zahbi ne sahih kaha hai)

🔴Kasrat se Aameen kahne ka hukm

✔☘Rasool’Allah sallallaho alaihi wasallam ne farmaya 

“Jis qadar yahudi salaam aur aameen se chhidte hai, utna kisi aur chiz se nahi chidhte, to tum kasrat se aameen kaho”

📚(Ibn Majah : 856)

📮NAMAZ E NABWI (Part – 3)✔

📮NAMAZ E NABWI (Part – 3)✔
📬Join Our Telegram Channel 📬

https://ⓣelegram.me/paighaameislam

Bismillahhirrahmanirrahim

🔷Rafulyadain ke deegar masail aur Seene par haath bandhna
🔴Rafulyadain karte waqt ungliya kis tarah rahe

Haath uthate waqt ungliya (normal tariqe par) khuli rakkhe. Ungliyo ke darmiyaan na zyada fasla kare na Ungliya milaye.

📚[Abu Dawood Hadees 753]

🔴Rafulyadain ke waqt haath kaha tak uthaye

Dono haatho ko kandho ke barabar tak uthaye. 

📚(Bukhari, 738)

Dono hatho ko kaan tak(kaano ke nichle kinare tak) uthana bhi sabit hai. 

📚(Muslim, 391)

Rafulyadain(dono haatho ko uthana) ke waqt haatho se kaano ko chune ki koi daleel nahi hai.

🔴Seene par haath bandhna

Daheni hatheli ko baayi hatheli par rakh kar seene par rakhle. 

📚(Ibn Khuzaimah :479,Ahmad : 5/226)

Sahl bin Saad Radiallahu anhu se rivayat karte hain :

“Logo ko hukm diya jata tha ke (har) admi apna daaya haath apne baayi “zira” par rakhe. ”

📚(Bukhari, Kitabul azan :740)

“Zira” kohni(elbow) ke sire se darmiyaani ungli ke sire tak ke hisse ko kahte hai, (Alqamoos-ul-waheed) is poore hisse par haath rakhne se laziman wo seene par aayega, iss riwayat ki wazahat mazeed dusri riwayat se hoti hai, 

Wail bin hujr Radiallahu anhu Rasool’Allah sallallaho alaihi wasallam ka namaz ka tareeqa bayan karte hue farmate hai:

“Rasool’Allah sallallaho alaihi wasallam ne daaye haath ki hatheli(ki pusht) kalai aur jod pe rakha. 

📚(Abu Dawud : 727 Nasai :490)

🔴Naaf ke niche haath bandhne ki riwayat zaeef(unauthentic /naqabile aitbar)

Naaf ke niche wali hadith me ek Taba Taabi’een hai unka pura naam “Abdur Rahmaan bin Ishaaq bin al-Haarith al-Koofi al-Waasiti” hai. Usool e Muhaddiseen ke nazdeek ye zaeef raawi hai, ye Imam Bukhari aur saare Muhaddiseen ka kahna hai.

Lehaza jo bhi mard hazrat naaf ke niche haath bandhte hai to wo ye janle ke naaf ke niche haath bandhana kisi bhi sahi hadees se sabit nahi hai. 

Is hadees ki Mazeed jankari ke liye is link pe click kare⬇

http://www.islamicleaks.com/2012/03/naaf-ke-neeche-hath-bandhne-wali-hadith.html?m=1