📮ISLAM, IMAAN AUR EHSAAN KYA HAI❓

📮ISLAM, IMAAN AUR EHSAAN KYA HAI❓

Bismillahhirrahmanirrahim

✔☘Umar Radiallahu anhu se rivayat hai ki ek din ham Allah ke Rasool Sallallahu Aalaihi wasallam ke pas baithe hue the ke ek shaks ayaa ke jiska libas nihayat hi sufaid tha, baal bilkul kaale the, uspar safar ka koi asar na tha aur ham me se koi usey pahchanta bhi na tha. Yaha tak ke wo aakar Rasool’Allah sallallaho alaihi wasallam ke paas baith gaya, apne ghutne Aap sallallaho alaihi wasallam ke ghutno se laga diye aur dono hatheliya raano pe rakh di aur kaha :
🔴Ai Mohammad sallallaho alaihi wasallam mujhe ISLAM ke baare me bataiye❓
Ispar Allah ke Rasool Sallallahu Aalaihi wasallam ne farmaya :
Islam ye hai ke tu is bat ki gawahi de ke Allah ke siwa koi (haqeeqi) mabud nahi aur Mohammad sallallaho alyehi wasallam Allah ke Rasool hai,Namaz qayam kare, zakaat ada kare, ramzan ke roze rakhe, aur agar istetat(to bear the expense of) ho to Allah ke ghar ka hajj kare. Usne kaha: Aap ne sach kaha.
Uski is baat par hame bada ta’ajjub hua ke khud hi puchta hai aur khud hi tasdeeq bhi karta hai. Fir usne kaha:

🔴Mujhe IMAAN ke bare me bataiye❓

Aap sallallaho alaihi wasallam ne farmaya :
(Imaan ye hai) ke tu Allah par, farishto par, uski kitabo par, uske rasoolo par, akhirat ke din par imaan laaye aur taqdeer ki bhalai aur burai par imaan laaye. Usne kaha: Aapne sach kaha. Fir kaha:
🔴Mujhe EHSAAN ke baare me bataiye
Aap sallallaho alaihi wasallam ne farmaya: (Ehsaan ye hai) ke tu Allah ki ibadat is tarah kar ke goya tu usey dekh raha hai,  agar tu usey nahi dekhta to wo to tujhe dekh hi raha hai. Usne kaha:
🔴Mujhe QIYAMAT ke waqt ke baare me bataiye❓
Aap sallallaho alaihi wasallam ne farmaya :
jisse pucha gaya hai wo uske baare me puchne wale se zada nahi janta. Usne kaha:
🔴Mujhe uski nishaniya hi bata dijiye❓
Aap sallallaho alaihi wasallam ne farmaya :
(Uski nishaniyo me se ek nishani ye hai ke) baandi(slave girl) apni malkin(mistress and master) ko janm degi aur tu nange paao, kapdo se mahroom, bakriya charane walo ko dekhega ke wo unchi unchi imaarato pe itraayenge. Iske baad wo shaks chala gaya, aur mai kaafi der tak baitha raha. Allah ke Rasool Sallallahu Aalaihi wasallam ne mujhse kaha : Ai Umar kya tum jante ho ke ye sawalat puchne wala kaun tha❓
Maine kaha: Allah aur uske Rasool hi behatar jante hai.Aap sallallaho alaihi wasallam ne farmaya :Ye Jibraeel the. Tumhe tumhara deen sikhane ke liye aaye the.
📚(Sahih Muslim, Kitabul Imaan, 8)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: