📮AQEEDA TAUHEED KI AHMIYAT KYU HAI ❓

📮AQEEDA TAUHEED KI AHMIYAT KYU HAI ❓

Bismillahhirrahmanirrahim

Jannat me hamesha ke daakhila ke liye tauheed ki zarurat hai. Tauheed yani ALLAH ko ek manna.Sari ibadato ka bas usko hi Haqdar samjhna.Uski ibadat me kisi ko shareek na karna.Agar amaalo me kuch kami bhi hai aur insan tauheed  pe raha to Allah uske gunah maf kar sakta hai ,lekin agar amal achhe rahe aur tauheed na rahi Yani Allah ke sath shirk kiya to qatai jannat me dakhila ni mil sakta.Jaisa ki Allah Ta’ala ne farmaya

Al Qur’an📘

✔”Beshak Allah(ye gunah) nahi bakshta ki uske sath shirk kiya jaye aur wo uske alawa jise chahe baksh deta hai Aur jisne Allah k sath shirk kiya usne jhoot gadha aur bade gunah ka kam kiya.
📘(Surah Nisa 4 : 48)

✔☘Rasool’Allah Sallallahu Alaihi Wasallam ne farmaya
“jo shakhs is halat me mar jaye ke wo Allah ke siwa auro ko bhi uska shareek thaira raha ho to wo jahannum me jata hai.
📚(Sahih Bukhari,4497)

✒Allah Ta’ala aise insan ke jisne uske sath shirk kiya ho uska koi amal qubool nahi karega, isliye aise shakhs ke liye jahannum muqarrar hai aur uspar jannat haraam hai, kyonki aise shakhs ke paas tauheed nahi aur tauheed na hone se agar usne koi nek kaam kiya bhi ho to Allah usey qubool nahi karega.

🔴Surah Anaam me taqreeban 18 nabiyo ke naam ginwane ke bad, aage Allah farmata hai

Al Qur’an📙

✔”Allah ki hidayat hi hai jiske zariye apne bandon me se jisko chaahe uski hidayat karta hai aur agar (maan lo) ye hazraat bhi shirk karte to jo kuch ye Aamaal karte to woh sab barbaad ho jaate”
📙(Surah An’aam 6 : 88)

✒Allah Hu Akbar❗Hame khauf karna chahiye, Is ayat me Allah Ta’ala ne nabiyo ke bare me bataya ke agar ye log bhi shirk karte to Allah unke bhi amaalo ko zaya kar deta.

Insan aur jinn ko Allah ne sirf Aqeeda-e-tawheed ko apnaane aur use amali zindagi me shamil karne ke liye paida kiya hai  Jaisa ki Allah ka farman hai:-

Al-Qur’an📗

✔” Maine jinnat aur insaano ko sirf isliye paida kiya hai ki woh sirf meri ibadat karen”
📗(Surah dhaarijat 51: 56)

✒Aur isi paighaam ko duniya me basne waalon tak pahunchaane ke liye Allah ne Rasoolon ko bheja jaisa ki Quran me Allah Ta’ala farmata hai.

Al-Qur’an📕

✔”hamne har ummat me Rasool bheja ki(logon) sirf Allah ki ibadat karo aur uske siwa tamaam maboodo se bacho”
📕(Surah Nahel 16 : 36)

Ek dusri jagah Allah Ta’ala ne aur zyada clear kar diya hai:-

Al -Qur’an 📘

✔” tujhse pahle bhi jo Rasool hamne bheja uski taraf yahi wahi naazil farmayi ki mere siwa koi mabood barhaq nahi bas tum sab meri hi ibadat karo”
📘(Surah Ambiya 21 : 25)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: