📮AURAT KI RAZAMANDI NIKAH KE LIYE BUNIYADI SHART HAI

📮AURAT KI RAZAMANDI NIKAH KE LIYE BUNIYADI SHART HAI

🍂🍃Bismillahhirrahmanirrahim🍃 🍂

Nikah ki sharto me se jaise ek shart Wali ki Razamandi aur uski maujoodgi hai usi tarah dusri shart nikah ki ye bhi hai ke aurat ka nikah uski marzi ke baghair na kiya jaye. Agar Ladka deen aur Ekhlaq se behtar hai aur ladki use pasand kar rahi to wali ka sirf apni marzi ke khatir ladki ka nikah na karna haram hai.Agar wali aisa karta hai yani ke wo galat kar raha. Lekin agar aurat apne nikah ke liye galat ladke ko pasand kar rahi hai yani wo ladka deen aur Ekhlaq ke aitbar se uske liye behatar nahi hai to wali ko pura haq hai ke ladki ko usse nikah karne se rok sakta hai.
📘Al-Mughni, 9/383

🔴Aurat se nikah ki ijazat lene ka hukm

✔☘Abu Hurairah Radiallahu anhu se rivayat hai ki Rasool’Allah Sallallaho alyehi wasallam ne farmaya
” Shadi shuda(Yani talaq shuda ya bewa) aurat se mashwara ke baghair is ka nikah nahi kiya jayega , aur kunwari aurat ka nikah is ki ijazat ke baghair nahi kiya jayega”.
sahaba ne arz kiya: Aye Allah ke Rasool Sallallaho alyehi wasallam : is ki ijazat kaisi hogi ?
Rasool’Allah sallallaho alyehi wasallam ne farmaya :
” Woh khamosh ho jaye “
📚Sahih Bukhari hadees number (5136 ) Sahih Muslim hadees number (1419)

🔴Wali ko Aurat ki marzi ke khilaf nikah karne ke liye zabardasti nahi karni chahiye

✔☘Hazrat Abu Hurairah Razi Allahu Anhu kehte hai Rasool E Akram Sallallahu Alaihi Wa Sallam ne farmaya “Kuwari aurat apne nikah k liye poochi jayegi agar (jawab mein) khamoshi rahe to yahi uski ijazat hai agar inkaar karde to uspar zabardasti na ki jaye”.
📚Sunan Abi Dawood Hadees no. 2093
Hasan Sahih(Al-Albani)

🔴Aurat chahe to apna zabardasti kiya gaya nikah todwa sakti hai

✔☘Hazrat Abdullah bin Abbas Razi Allahu Anhu farmate hai k ek kuwari ladki Nabi E Akram Sallallahu Alaihi Wa Sallam ki khidmat mein hazir hui aur arz kiya k uske walid ne uska nikah kar diya hai halankey wo use napasand karti hai, Nabi E Akram Sallallahu Alaihi Wa Sallam ne use ikhtiyaar de diya (yaani chahey to nikah baaqi rakkho chahey to khatam kar do).
📚Sunan Abi Dawood Hadees no. 2096
Grade:Sahih Al-Albani

✔☘Khansa Bint khazam ul ansariya (r.a) bayan krti hain ke :
” Un ke waalid ne un ki shadi krdi aur woh Saib ( Talaq Yafta ya bewi) thi, to is ne use napasand kiya aur Rasool’Allah sallallaho alyehi wasallam ke paas aayi to Rasool’Allah sallallaho alyehi wasallam ne is ke nikah ko radd kar diya “
📚Sahih Bukhari hadees number (5138 )
📚Sunan Abi Dawud, 2101
Sahih(Al-Albani)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: