📮NAMAZ ME ZUBAN SE NIYAT KARNA SUNNAT YA BIDD’AT❓

📮NAMAZ ME ZUBAN SE NIYAT KARNA SUNNAT YA BIDD’AT❓

Jawab📕

🍂🍃Bismillahhirrahmanirrahim🍃🍂

Sabse pahle to ham ye janle ke niyat dil ke irade ka nam hai, Namaz ke liye dil me Niyat karna zaruri hai isliye ke Namazi ko malum rahe ke wo konsi Namaz padh raha hai. Namaz e Zohar ya Asar aur konsi rakat farz ya Sunnah.

✔☘Rasool’Allah Sal-Allahu Alaihi Wasallam farmate hain: Aamal ka daromadar Niyat par hai.
📚[Sahi Bukhari 5070]

🔴✔“Niyat karna Dil ke Irade ke naam hai”
📒[Kitab ul Fiqah.ali ul mazahib ul arbah:209/1 w sharah w qayah wagera]

Lekin Aksar log Niyat ke Alfaz zaban se ada karte hain jaise “Iss Imam ke pichhe me Namaz padh raha hun,itni rakat sunnat ya farz,falan Namaz ki.Munh mera kaabe ki tarf wagera.”
Gaur karne wali ye bat hai ke saari namaz to ham arabi me padhte hai lekin namaz ki niyat jo ham padhte hai wo apni khud ki zaban me padhte hai.Aisa kyu hai? Agar ye amal sahi hai to iski bhi koi dua arabi me zarur honi chahiye thi lekin ahadees me kahi maujood nahi hai kyunki aisa na Hamare Nabi(saw) ne kiya aur naahi sahaba( r.a) ne kiya.

🔴Ulemaao ne Zaban se niyat ke alfaz ko ada karna Bidd’at kaha hai

✔Allama Ibn e Taymiyah (RahimUllah) farmate hain: “Zaban se Niyyat karna Deen aur aqal dono ke khilaf hai, Deen ke khilaf isliye ke ye Bid’at hai aur aqal ke khilaf isliye ke iski misaal aise hi hai jaise koi khana tannawul karna chahta ho(Yani khana khana chahta ho) to kahe: “Main Niyat karta hun apne hath ko iss bartan me rakhne ki,isme se luqma lunga phir isko munh me rakhunga, phir isko chabaunga, akhir(me) isko nigal lunga taki main ser hosakun(yani itminan me ho saku).
” Koi aqalmand iss qism ki harkat nahi karega kyuke jab aadmi ko ilm hai ke wo kya kar rha hai to usne uss baat ki Niyat bhi zarur ki hogi. Aur charo Imamo ka iss baat per ittefaq hai ke zaban se Niyat krna jayez nahi.”
📘[fatawa Ibne Tahmiya 232/1].

✔Imam Ibne Qaim(RahimUllah) farmate hain: “Rasool-Allah Sal-Allahu Alaihi Wasallam jab Namaz ke liye khade hote to ALLAHU AKBAR kahte aur isse pahle kuch na kahte aur na inn alfazo ke sath Namaz ki Niyat karte the jo alfaz ada karna logo m faila hua hai. Kisi ne iske muttaliq ba sanad koi chiz naqal nahi ki,hatta ke(yaha tak ke) kisi zaeef(weak) wa Mursal riwayat me bhi inme se ek lafz bhi marwi nahi hai,balke Sahabi se bhi ye alfaz sabit nahi aur naahi Taba’een se aur charo Imamo me se bhi kisi ne zaban ke sath Niyat karne ko Mustahsan(achha) qarar nahi diya hai.
📘[Zaad ul ma’ad ul Ibne Qaim:201]

✔☘Rasool’Allah sallallaho alyehi wasallam jab namaz ke liye khade hote to apne hath kando tak uthate aur takbeer kahte⁠⁠⁠⁠ (Allahu Akbar kahte)
📚Sahih Muslim 390

Iss Hadees me iss baat ki tarf ishara hai ke Rasool-Allah Sal-Allahu Alaihi Wasallam “Niyat karta hun wastey Namaz ke wagera” alfaz se Namaz shuru nahi karte the,lehaza ye bil ittefaq Bid’at hai.

🔴Yaad Rakhne wali baat

✔☘Rasool-Allah Sal-Allahu Alaihi Wasallam ka irshad hai ke: “( ﺭﺎﻨﻟﺍ ﻲﻓ ﺔﻟﻼﺿ ﻞﻛﻭ ﺔﻟﻼﺿ ﺔﻋﺪﺑ ﻞﻛ) “(-kullu bid’atin dalalatun wa-kullu dalalatin fi’l- nari-)
“har biddat gumrahi hai aur har gumrahi ka thikana jahannum hai.”
📘[Safat ul Salat ul Nabi (Sal-Allahu Alaihi Wasallam),page-76]

ALLAH Ta’ala Hume shirk wa Bid’at se mahfuz farmaye aur Sunnato per sahi tariqe se Amal karne ki toufiq ata farmaye. Ameen

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: