Monthly Archives: August, 2016

📮ZUL HIJJAH KE DINO KI AHMIYAT

📮ZUL HIJJAH KE DINO KI AHMIYAT

Bismillahhirrahmanirrahim

🔴ZUL HIJJAH KE 10 DINO KI FAZEELAT

✔☘Ibn Abbas Radi allahu anhu se rivayat hai ki Rasoollallah Sallallahu Alaihi Wasallam ne farmaya in dino (Zul Hijjah ke shuru ke 10 din) ke amal se ziyada kisi bhi dino ke amal ki fazilat nahi, logon ne pucha aur jihad mein bhi nahi ? Aap sallallahu alaihi wasallam ne farmaya haan jihad mein bhi nahi siwa us shaksh ke jo apni jaan aur maal khatre mein daal kar nikla aur wapas aaya to saath kuch bhi na laya.(sab kuch Allah ki raah mein qurban kar diya)
📚Sahih Bukhari, 969

🔴 ARAFAH KE ROZE KA SAWAB

✔☘Rasool’Allah sallallaho alaihi wasallam ne farmaya mai samjhta hun ki Arafah ke din Roza rakhne ka sawab Allah Ta’ala ye dega ke agle pichle ek sal ke gunah baksh dega.
📚Ibn Majah, 1730 Sahih

🔴HAJIYO AUR GHAIR HAJIYO KE LIYE ARAFAH KA ROZA

✔Sheikh Uthaymeen se sawal kiya gaya:
Arafa ke roze ke liye hajiyo aur ghair hajiyo ke liya kya hukm hai❓

📗Unhone jawab diya: Arafah ke din ghair hajiyo ka roza rakhna sunnat hai.

✔Rasool’Allah Sallallahu Alaihi Wasallam se Arafah ke roze ke bare me dariyaft kiya gaya to unhone jawab diya. Arafah ke din roza rakhne ka sawab Allah ye dega ke agle piche ek sal ke gunah baksh dega.
📚ibn Majah, 1730

Aur hajiyo ke liye Arafah ka roza rakhna sunnat nahi hai kyunki Rasool’Allah sallallaho alaihi wasallam ne Hajjatul wida ke mauqe pe Arafah ke din Roza nahi rakha tha. Jaisa ke Bukhari ki hadees me ata hai

✔Maimuna Radiallahu anha rivayat karti hai ke
Arafa ke din kuch logo ko Rasool’Allah sallallaho alaihi wasallam ke roze ke Mutalliq shak hua. Isliye unhone apki khidmat mein dhudh bheja. Aap us waqt Arfat me khade the. Aap ne dhudh pi liya aur sab log dekh rahe the.
📚Bukhari, 1989

📗Majmoo’ Fataawa Ibn’ Uthaymeen(part 20, question no. 404)

Advertisements

📮MARD KE LIYE SONA(GOLD) HARAM HAI

📮MARD KE LIYE SONA(GOLD) HARAM HAI

Bismillahhirrahmanirrahim

Hamare muslim mashre ki shadiyo me ek chiz bahut aam ho gayi  hai aur wo hai ladke ko tohfe me sona dena jaise ki sone ki ghadi, angoothi ya chain wagairah…Jabki Mardo ke liye sona pahenna haram hai.Ye sarasar galat tareeqa hai ki kisi nek kam ki shuruat haram chiz se ki jaye aur kisi ko haram kaam karne ki dawat di jaye.Aur sona lene wala(yani ladka) bhi us waqt usey ek qeemti tohfa jan kar khushi me qubool kar leta hai.
Log apni kam ilmi ki wajah se ek haram chiz ko achha samjh kar tohfe ke taur pe dete hai jabki unhe ye nahi pata hota hai ke Rasool’Allah sallallaho alaihi wasallam ne ise mard ke liye haram kaha hai.

☘Ali ibn Abu Talib Radi Allahu’Anhu se rivayat hai ki Rasool’Allah Sallallahu Alaihi Wasallam ne Resham liya usey dahine hath me pakda aur sona liya usey baye hath me pakda aur farmaya:  Ye do chize(yani resham aur sona) meri ummat ke mardo ke liye haram hai aur aurato ke liye halal hai.
📚Sunan Abi Dawud, 4057
📚Ibn Majah, 3597
Sahih(Darussalam)

☘Abdullah bin Abbas Radiallahu anhu se rivayat hai ki Rasool’Allah Sallallahu Alaihi Wasallam ne ek aadmi k haath mein sone ki angoothi pehne hue dekhi to Aap Sallallahu Alaihi Wa Sallam ne uske haath se utaar kar door phek di aur irshad farmaya:Kya tum me se koi ye pasand karega ke uske hath me jahannam ka jalta huwa (laal) koyla rakh diya jaaye.
Jab Aap Sallallahu Alaihi Wa Sallam tashreef le gaye to Sahaba E Kiram Radiallahu anhum ne usse kaha “Apni angoothi utha lo (use bech kar) faida hasil karo” us aadmi ne kaha “Allah ki qasam! jis angoothi ko Rasool’Allah Sallallahu Alaihi Wa Sallam ne (gusse se) pheka hai mein use kabhi nahi uthaunga”.
📚Sahih Muslim, 2090

Shiekh ibn baaz Rahimahullah se pucha gaya Chhote bachcho(little boys) ke liye sona pahenna jayez hai ya nahi, agar wo do saal ki umr se kam hai to❓

Unhone jawab diya: Mardo ke liye sona pahenna jayez nahi hai, chahe wo 2 saal ki umr se kam hi ke kyu na ho.Sona aurto ke liye halal aur mardo ke liye haram hai. Chahe wo anguthiya, ghadiya(watches) ho ya koi aur chiz. Chhote bachche ko sona pahnana jayez nahi hai, thik usi  tarah jis tarah mard ko pahenna jayez nahi. Balki sona sirf aurat ke liye hi hai.
📙Fataawa Noor’ala ad – Darb

📮TAHAJJUD KI FAZEELAT

📮TAHAJJUD KI FAZEELAT

Bismillahhirrahmanirrahim

✔☘Abu Hurairah Radiallahu anhu se rivayat hai ki Rasool’Allah Allah Sallallahu Alaihi Wa Sallam ne farmaya “Allah ta’ala har raat ko jab ek tihaayi raat baaqi rah jati hai aasmaan e dunya par nuzool farmata hai aur kahta hai “Koi hai jo mujhe pukaare mein uski dua qubool karu, koi hai jo mujhse maange mein usko dun, koi hai jo mujhse bakhshish talab kare mein usko baksh du”.
📚(Sahih Bukhari Kitabut Tahajjud Hadees no.1145

📚Sahih Muslim Kitabus Salaatul Musafireen Hadees no. 758)

✔☘Ubada bin As-Samit Riwayat karte hai ke Rasool’Allah sallallaho alaihi wasallam ne farmaya jo shakhs Raat ko uth kar ye padhe.

لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَىْءٍ قَدِيرٌ‏.‏ الْحَمْدُ لِلَّهِ، وَسُبْحَانَ اللَّهِ، وَلاَ إِلَهَ إِلاَّ اللَّهُ، وَاللَّهُ أَكْبَرُ، وَلاَ حَوْلَ وَلاَ قُوَّةَ إِلاَّ بِاللَّهِ‏.‏

‘La ilaha il-lallah Wahdahu la Sharika lahu Lahu-lmulk, waLahu-l-hamd wahuwa ‘ala kullishai’in Qadir. Al hamdu lil-lahi wa subhanal-lahi wa la-ilaha il-lal-lah wa-l-lahu akbar wa la hawla Wala Quwata il-la-bil-lah.’ .”

Allah ke siwaye koi maabud nahi wo akela hai uska koi shareek nahi,usi ke liye sari badshahat hai, aur tamam tareefe bhi usi ke liye hain aur wo har chiz par Qadir hai. Tamam tareefe Allah ke hi liye hai, Allah ki zaat paak hai, Allah ta’ala ke siwaye koi maabud nahi aur Allah sabse bada hai. Allah ki madd ke baghair na kisi ko gunaho se bachne ki taqat hai na neki karne ki himmat.”
Fir ye padhe

اللَّهُمَّ اغْفِرْ لِي
‏‏
“Allahumma igh firli”

“Ai Allah meri maghfirat farma” (ya koi aur dua kre) to uski dua qubool hoti hai fir agar usne wazu kiya (aur namaz padhi) to namaz bhi qubool hoti hai.
📚Sahih Bukhari,1154

📮SOOD KHANA 36 BAAR ZINA KARNE SE BHI BADTAR HAI

📮SOOD KHANA 36 BAAR ZINA KARNE SE BHI BADTAR HAI

Bismillahhirrahmanirrahim

🔴FARMAN E ILAHI

✔ “Jo log sood khate hain wo Qayamat ke din us shakhs ki tarah uthenge Jinhe shaitan  ne lipat kar deewana bana liya ho, ye halat unki is wajah se hogi ki unhone kaha tha ki kharid wa farokht (tijarat/businesses) bhi sood ki tarah hai jabki Allah Ta’ala ne kharid aur farokht ko halal qarar diya hai aur sood ko haram, phir jisko uske rab ki naseehat pahunchi aur wo (sood lene se) baaz aa gaya to wo jo kuch pahle le chuka hai wo usi ka hai aur uska muaamla Allah ke supurd hai lekin agar wo phir bhi sood leta rahta hai to ye log jahannami hai ye ismein hamesha rahenge”
📗 Surah Baqra 2 : 275

✔”Allah Ta’ala sood ko mitaata hai aur sadqe ko badhaata hai aur Allah Ta’ala kisi na-shukre aur gunehgaar se muhabbat nahi karta”
📗Surah Baqra 2 : 276

✔”Aye imaan waalo Allah Ta’ala se daro, jo sood baaqi reh gaya hai wo chhod do agar tum sach much imaandaar ho”
📘Surah Baqra – 2 : 278

✔”Aur agar aisa nahi karte, to Allah Ta’ala se aur uske Rasool (Sallallahu Aalaihi wasallam) se ladne ke liye tayyaar ho jaao, haan agar tauba karlo to tumhaara asal maal tumhaara hee hai, na tum zulm karo, na tum par zulm kiya jaaye”
📕Surah Baqra – 2 : 279

🔴Ahadees

✔☘Jabir Radi Allahu Anhu se rivayat hai ki Rasoollallah Sallallahu Alaihi Wasallam  ne Laanat ki hai Sood (byaaj) lene wale par aur Sood dene wale par , aur Sood likhne wale par aur Sood ke gawahon par aur farmaya wo sab barabar hain
📚Sahih Muslim, 1598

✔☘Abu Hurairah Radiallahu anhu se rivayat hai ki Rasool’Allah Sallallahu Alaihi Wasallam ne farmaya :sood me 70 darje hain, isme sabse halke darje ka gunah aise hai jaise mard ka apni maa ke sath zina karna( having intercourse with his mother).
📚Sunan ibn Majah, 2274 Hasan

✔☘Rasool’Allah sallallaho alaihi wasallam ne farmaya
“Koi shakhs agar Ek dirham bhi sood jan bujh kar khata hai to aisa shakhs Allah ke Qareeb 36 baar zina karne wale se bhi zyada badtar hai.
📚Narrated by Ahmad and al-Tabaraani; classed as saheeh by al-Albaani in Saheeh al-Jaami’, no. 3375

📮KYA AB BHI AAP SOOD KHAYENGE❓
Quran Aur Hadees ki roshni me hame ye malum chalta hai ke Sood khana kitna bada aur badtareen gunah hai aur iski saza jahannum hai. To Kya Ab bhi aap Sood Khayenge ❓
🔘Meri ye darkhwast hai ke ap sab Allah ke is paighaam ko zada se zada jaha tak bhi pahucha sakte hai ise pahucha de.Najane kitne log anjane me is gunah me mubtila hai aur kuch janbujh kar ise ek chhota gunah samjh kar. Ho sakta hai koi shakhs isse hidayat pa jaaye aur is badtareen gunah se tauba karle.
Ai Allah Ta’ala tamam Musalmano ko is badtareen Gunah se bacha aur sabko halal Rozi Nasib kar Duniya ki lalach se bachal aur Akhirat ka talabgaar banade.Beshak ye Maal o daulat yahi rah jana hai. Ameen

📮QARZ SE ADAYGI KI DUAAYEIN

📮QARZ SE ADAYGI KI DUAAYEIN

Bismillahhirrahmanirrahim

✔1.☘Ali bin abi talib Radiallahu anhu se rivayat hai ki ek bar ek makatib(yani tay kiye hue maal ki shart ki adaigi par azad kiya hua ghulam) ne unhe kaha ke mai apni qisto ki adaygi se ajiz agaya hu, unhone farmaya:mai tumhe wo dua sikhata hu jo mujhe Rasool’Allah sallallaho alyehi wasallam ne sikhai thi, agar tum par pahad jaisa bhaari Qarz bhi hoga to Allah Ta’ala usey ada kara dega, ye dua kiya karo,

اللَّهُمَّ اكْفِنِي بِحَلاَلِكَ عَنْ حَرَامِكَ وَأَغْنِنِي بِفَضْلِكَ عَمَّنْ سِوَاكَ

“Allahummak fini bi halalika an haramika wa aghnini bifazlika amman siwaka”

Tarjumah

(Ai Allah!!!! Mujhe Halal dekar Haram. Se bacha de aur apna fazl dekar apne siwa dusro se beniyaz karde.)
📚Sunan Tirmizi, 3563 Hasan

✔2.☘Aisha Radhi allahu anha se rivayat hai ki Rasool’Allah Sallallahu Alaihi Wasallam Salat(Namaz)me Allah se ye dua mangte the

“‏ اللَّهُمَّ إِنِّي أَعُوذُ بِكَ مِنْ عَذَابِ الْقَبْرِ وَأَعُوذُ بِكَ مِنْ فِتْنَةِ الْمَسِيحِ الدَّجَّالِ، وَأَعُوذُ بِكَ مِنْ فِتْنَةِ الْمَحْيَا وَفِتْنَةِ الْمَمَاتِ، اللَّهُمَّ إِنِّي أَعُوذُ بِكَ مِنَ الْمَأْثَمِ وَالْمَغْرَمِ ‏”‏‏.‏

“Allahumma inni auzubika min azabil qabri wa aoozubika min fitnatil masihid dajjali wa aoozubika min fitnatil mahyaab wal mamati Allahumma inni aoozubika minal masami walmaghram”

Tarjumah

Ai Allah Qabr ke azaab se mai teri panah mangta hu.Zindagi ke aur maut ke fitno se teri panah mangta hu. Dajjal ke fitno se teri panah mangta hu aur Ai Allah mai teri panah mangta hu gunaho se aur Qarz se.

Kisi ne Rasool’Allah sallallaho alaihi wasallam se arz kiya ke Aap sallallaho alaihi wasallam to Qarz se zada hi panah mangte hain❓Is par Aap sallallaho alaihi wasallam ne farmaya ke jab koi makruz(qarzdaar) ho jaye to wo jhoot bolta hai aur wada khilaf ho jata hai.
📚Bukhari:832, Baab:Salam pherne se pahle ki duaayein

✒👆Ye Dua attahiyat me durood ke bad, salam pherne se pahle padhni hai.

✔3.☘Anas bin Malik Radiallahu anhu se rivayat hai ki Rasool’Allah Sallallahu Alaihi Wasallam kahte the

اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ، وَالْعَجْزِ وَالْكَسَلِ، وَالْجُبْنِ وَالْبُخْلِ، وَضَلَعِ الدَّيْنِ، وَغَلَبَةِ الرِّجَالِ ‏

“Allahumma inni aoozubika minal hammi wal huzni wal ajzi wal kasali wal jubni wal bukhli wazalayd daini waghala batir rijali.”

Tarjumah

Ai Allah!!! mai yaqeenan teri panah me ata hu, pareshani aur gham se, ajiz hojane aur kahili se, buzdili aur bukhl se, aur qarz ke bojh aur logo ke ghalbe(asar/zor)se.
📚Bukhari,6369

📮ROZI KI DUA AUR FARMANE E ILAHI

📮ROZI KI DUA AUR FARMANE E ILAHI

Bismillahhirrahmanirrahim

🔴FARMAN E ILAHI

Al-Qur’an
“Kah dijiye! ke mera rab apne bando mein jis ke liye chaahe rozi kushaada karta hai(enlarges the provision) aur jis ke liye chaahe tang kar deta hai, tum jo kuch bhi Allah ki raah mein kharch karoge, Allah us ka (pura pura) badla dega aur wo sab se behtar rozi dene waala hai
📘(Surah Saba- 34 :39)

Al-Qur’an
“Aur jo shakhs Allah se darta hai Allah uske liye chutkaare(har pareshani se) ki shakl nikal deta hai”

“Aur usey aisi jagah se Rozi deta hai jiska usey guman bhi na ho. Aur Jo Shakhs  Allah pe tawakkal karega Allah usey Kaafi hoga.”
📗Surah Talaaq, Ayat:2-3

🔴Jo Shakhs chahta hai ke uski Rozi badhe……

Hadees
✔☘Anas ibn Maalik Radiallahu anhu se rivayat hai ki Rasool’Allah sallallaho alaihi wasallam ne farmaya ke jo shakhs apni rozi me kushadgi(yani rozi me badhautri) chahta ho ya umr ki darazi chahta ho to usey chahiye ke silah rahmi kare(yani apne rishtedaro se achha sulook kare aur tute Rishto ko jode).
📚Sahih Bukhari, 2067
📚Sahih Muslim, 2557

🔴Rozi Ke Liye Rasool’Allah sallallaho alaihi wasallam ki DUA

Hadees
✔☘Umm Salamah se rivayat hai ke Rasool’Allah sallallaho alaihi wasallam namaz fajr me jab salam pherte to ye dua padhte :

“‏ اللَّهُمَّ إِنِّي أَسْأَلُكَ عِلْمًا نَافِعًا وَرِزْقًا طَيِّبًا وَعَمَلاً مُتَقَبَّلاً ‏”

“Allahumma inni as aluka ilman nafi an, wa rizqan tayyiban, wa amalan mutaqabbalan”

(Ai Allah mai tujhse nafa bakhsh ilm, paakiza rozi aur qubool hone wale aamal ka sawal karta hu)
📚Ibn Maajah:925, Sahih

📮KYA AURAT BAGHAIR MEHRAM KE HAJ YA UMRAH KAR SAKTI HAI❓

📮KYA AURAT BAGHAIR MEHRAM KE HAJ YA UMRAH KAR SAKTI HAI❓

Jawab📕

🍃Bismillahhirrahmanirrahim🍃

🔴Mehram ke baghair aurat ke liye safar karna jayez nahi chahe uska safar farz  haj ya umrah ke liye hi kyu na ho.

✔☘ibn Abbas Radiallahu anhu se rivayat hai ke Rasool’Allah sallallaho alaihi wasallam ne farmaya
“Mehram ke baghair aurat safar mat kare aur nahi koi shaks uski tanhaai me uske paas jaaye siwaye iske ke aurat ka mehram uske sath ho.
To ek shaksh ne arz kiya
Mera to irada fala fala lashkar ke sath jane ka hai aur meri biwi haj pe jana chahti hai❓
To Rasool’Allah sallallaho alaihi wasallam ne farmaya tum apni biwi ke sath jaao.”

📚Sahi Bukhari, 3006
📚Sahi Muslim, 1341

Is hadees ke alawa dusri ahadees jo baghair mehram aurat ke safar ki hurmat karti hai uske bina pe ulemae deen ne aurat par haj farz hone ki sharto me ek shart aurat ka mehram ke sath hona bhi rakhi hai, isliye agar apke sath jane ke liye mehram nahi hai to ap par haj farz nahi hai aur ap mazoor hai aur in shaa’a Allah apko apni niyat ka ajr wa sawab hasil hoga.
Imam Ahmad Rahimahullah se sawal kiya gaya ke
Ek maaldaar aurat ke paas mehram nahi to kya us par haj farz hota hai❓
Imam Ahmad Rahimahullah ne jawab diya
Nahiiiii ❗
📘Al Mughni Ibn Qudaimah(3/97)

Standing committee ne kaha:

Sahi Qual ye hai ke aurat ka agar shauhar ya uska koi mehram nahi hai to us par haj farz nahi hai kyunki haj ke farz hone ki sharto me se ek shart ye bhi hai ke aurat ka mehram uske sath ho.
Allah Ta’ala Surah Al-Imran Ayat 97 me farmata hai ke jo haj kar sakta hai uspe haj farz hai

Allah Ta’ala ne un logo par jo uski taraf ki Raah pa sakte ho, us ghar ka haj farz kar diya hai.”
📘Fataawa al-Lajnah al-Daa’imah (11/90, 91)

🔴Ulemaae deen Qur’an ki tafseer me likhte hai ke:
Raah pa sakte ho” ka matlab ye hai ke Raste ke kharch ka intezam ho, yani itna maal ho ke Raste ka kharch asaani se pura ho jaaye,iske siwaye intezam se murad ye bhi hai ke raaste me aman ho aur jaan wa maal mahfooz ho, isi tarah ye bhi zaruri hai ke sehat safar ke layaq ho, iske alawa aurat ke liye uska mehram zaruri hai.
📗Fatahul Qadeer

📮BIRTHDAY MANANA KAISA HAI❓

📮BIRTHDAY MANANA KAISA HAI❓

Bismillahhirrahmanirrahim

🔴Allah Musalmano Ko Yahudiyon Aur Isayon Ke Raaste Se Bachaye’ Jinho Ne Sab Se Pehle Apne Ambiya (as) Ki Saalgirah Ko Manana Shuru Kiya Aur Fir Apni Khud Ki Bhi Saalgirah Manane Lage Aur Unki Salgiraah Dekh Hamare Kuch Muslaman Bhai Bahen Bhi Manane Lage Aur Ye Ab Is Qadar Aam Ho Gaya Hai Ke Musalmano Me Saalgirah Manana Ab Ek Status Ban Chuka Hai.Muslaman Ye Jante Hue Bhi Ke Ye Yahoodiyo Aur Isaaiyo Ka Tareeqa Hai Ise Ankh Band Karke Manaate Hai.
Hamare Islam Me Birthday Manane ka Quran Aur Ahadees Me Koi Bhi Saboot Nahi Milta hai.Agar Birthday Manana Islam Me Jaiz Hota To Rasool’Allah sallallaho Alaihi wasallam ne Zarur Apna Birthday Manaya hota lekin 63 saal ki umr me unhone kabi apna birthday nahi manaya, Naahi Sahabaao Ne Manaya.
Birthday Manana Yahoodi Aur Isaaiyo Ka Tareeqa Hai. Allah Ke Rasool Sallallahu Aalaihi Wasallam Ne Hame Kafiro Ki Copy Karne Se Mana Farmaya Hai.

✔☘Abdullah Ibn Umar Se Riwayat Hai Ke Rasool’Allah Sallallaho Alaihi Wasallam Ne Farmaya
“Jisne Kisi Qaum Ki Mushabehat(copy) Ki Wo Unhi Me Se Hai”
📚Abu Dawood, 3512; classed as saheeh by al-Albaani in Irwa’ al-Ghaleel, 2691


📗Allah Ta’ala Farmata hai

Al-Quran📘
“Humne Har Ek Ummat Keliye Ek raah (Ahkam-E-Shariyat) Muqarrar Kar Di Hai Aur Unhe Isi Par Chalna Hai”
📕( Surah Hajj 22, Ayat 67)

✒Allah Ta’ala ne to hamare Musalaman hone ke Tahat Deen e Islam ki Raah Muqarrar Ki Hai aur Ye Allah Ka Hukm Hai Ke Hame Usi Par Chalna Hai. Kya Hamare Islam Ke Tareeqe Achhe Nahi❓ Jo Ham Ghair Muslim Qaum Se Unke Tareeqe Le Rahe Hai. Ye To Nauzbillah Allah Ta’ala Ke Deen me Kami Nikalna Hua…❗Bhale Koi Zuban Se Na Kahe Lekin Is Baat Ka Matlab Yahi Nikalta Hai Ke Is Deen Me Kami Hai Tabhi Ham Apne Is Deen Ki Baato Ko Sikhne Ke Bajaye Ghair Muslimo Ke Tareeqe Sikh Rahe.

📗Allah Ta’ala Farmata Hai

Al-Quran📙
“Aaj Maine Tumhare Liye Tumhara Deen Mukammal Kar Diya Aur Apni Ney’mat Tum Par Puri Kar di Aur Islam Ko Bahaisiyat Deen Tumhare Liye Pasand Kar Liya.
📘( Surah Maeda5, Ayat 3)

✒SubhanAllah!!!! Allah Ta’ala Ne Gawahi De Di Hai Ke Hamara Deen Mukammal Ho Chuka Hai Aur Hamare Liye Islam Ko Allah Ne Pasand Kiya hai. KYA Hamare liye Allah Ta’ala Ki Ye Gawahi Kaafi Nahii ❓ To Fir Ham Kyu Bhatak Rahe Hai Aur Kafiro Se Milte Chale Ja Rahe Hai. Aur Is Qadar Mil Chuke Ke Badi Afsos Ki Baat Hai Ke Ab Agar Koi Sahi Raah Dikhata Bhi Hai To Log Usi Ko Hi Galat Khane Lagte Hai.
Hame Allah Ke Aage Ye Iqrar karna Chahiye Ke,
“Ya Allah Hum Utne Hi Deen Par Razi Hain, Jitna Muhammad Sallallahu Alaihi Wa Sallam Par Tune Nazil Kiya Aur Hume Yaqeen Hai Ke Nabi (Sallallahu Alaihi Wa Sallam) Ne Pura Deen Hum Tak Pahuncha Diya Hai..❗”
Jinhe Yaqeen Nahi Hai wo jo chahe izafa kare.

✔☘Aisha Radhi Allahu Anha Riwayat Karti Hai Ke Rasool’Allah Sallallaho Alaihi Wasallam Ne Farmaya Jisne Hamare Is Deen Me Koi Aisi Chiz Ijaad Ki Ke Jispe Hamara Amal Nahi To Wo Mardud hai”
📚Sahih Bukhari,2697
📚Sahih Muslim, 1718

🔴Meri Ye Musalman Bhai Baheno Se Darkhwast Hai Ke Birthday Parties Manana Chhod de Aur Na khud Manaye Aur Naahii birthday Ke Invitations Qubul Kare.Aur Ye Hamesha Yaad Rakhe Ke Ham Musalman Hai Aur Behatareen Deen E Isalm Se Nawaze Gaye Hai. Lehaza Kafiro Ka Tareeqa Chhod Kar Musalman Hone Ke Naate Allah Ke Diye Hue Deen Ko Hi Follow Kare…

📮SAFED BAALO KO KAALA KARNA HARAM HAI

📮SAFED BAALO KO KAALA KARNA HARAM HAI

Bismillahhirrahmanirrahim

Baalo ko colour karna sunnat hai Yani ke mard ke liye Sar ke baal aur dadhi aur Aurat ke liye sirf uske sar ke baal.

🔴Safed baalo ko na rangna Yahoodi aur issaiyo ka kaam hai

✔☘Abu Hurairah Radiallahu anhu se rivayat hai ki Rasool’Allah Sallallahu Alaihi Wasallam ne farmaya Yahoodi aur isaai apne baalo ko rangte nahi hai, isliye unse alag karo(yani alag dikho)
📚Sahih Muslim, 2103

🔴Baalo ko Kaala Rangna haram hai

Mafhoom e hadees:

✔☘Jabir Radiallahu anhu se rivayat hai ki Rasool’Allah Sallallahu Alaihi Wasallam ne Abu bakr Radiallahu anhu  ke walid ke baalo ko dekha to farmaya ke iske rang ko kisi chiz se badal do lekin kaale rang se bachna.
📚Sahih Muslim, 2102

🔴Baalo ko kaala rangne wala Jannat ki khushboo tak na payega

✔☘Rasool’Allah sallallaho alyehi wasallam ne farmaya akhir zamane me kuch log kabootar ke seene ki tarah siyaah khizaab(black dye)  lagayenge wo jannat ki khusbhu tak na payenge.
📚 (Narrated by Abu Dawood, 4212; al-Nasaa’i, 5075)Sahih

🔴Baalo ko Rangne ki sabse behatar chiz heena aur katam

✔☘Abu Dharr Radiallahu anhu se rivayat hai ki Rasool’Allah sallallaho alyehi wasallam ne farmaya sabse achhi chiz jisse is budhape ko(yani safed baalo ko) badla jaye, henna(mehndi) aur katam(wasmah) hai.
📚Al-Tirmizi:1753,Abu Dawud: 4205,ibn Majah: 3622

Ibn Al-Qayyim ne kaha:

Baalo ko bilkul kala karna mana hai, lekin agar koi chiz henna me miladi jaye, jaise katam(wasmah) waghaira tab usme koi burai nahi hai.
Katam aur henna milkar baalo ko wo rang dete hai joki laal aur kaale ke bich ka hota hai.Wasmah(woad leaves) ki tarah nahi jo baalo ko aise kaala karti hai jaise koyla(coal).
📒Zaad al-Ma’aad, 4/336

wasmah(woad) aisa paudha hai jo ke dye ke liye istemal hota hai.

To isse hame ye malum chalta hai ke ham katam ko akele ni istemaal kar sakte kyunki ye khalis kaala rang deta hai, lekin ise henna ke sath use kar sakte hai jisse ke hame Kaale aur laal ke bich ka rang milta hai jise ham reddish black kah sakte hai.

NoteKatam ek tarah ka paudha hota hai joki black colour deta hai, jaise ke henna yani mehndi ka paudha hota hai lekin wo laal rang deta hai

📮GHUSL KA SUNNAT TAREEQA

📮GHUSL KA SUNNAT TAREEQA

🍂🍃Bismillahirrahmanirraheem🍃🍂

💧TAREEQA

1.Ghusl karne se pahle apne dil me niyat karle ki hame napaki se paak hona hai.

2.Fir Bismillah kah kar 3 bar apne hatho ko dhoye aur phir apni sharmgah dhoye.

3.Fir wazu kare,jaise ki namaz k liye karte hain.

4.Uske bad 3 bar apne sar pe pani dale.Aur is tarah balo me ungliya chalaye ki pani balo ki jado tak pahuch jaye.

5.Uske bad pure jism pe pani dale yaha tak ki itminan kar le k pani pure jism ko bhigo chuka hai.jism k dahine hisse se shuruat kare aur uske bad baayein. Fir jism ko is tarah dhoye ki pure jism tak pani pahuch jaye.

💦AHADEES

Mafhoom e Hadees;

✔☘Rasool’Allah sallallaho alyehi wasallam ne farmaya: “Tamam aamal ka daromadar niyat pe hai Aur har amal ka nateeja har insan ko uski niyat k mutabiq hi milega”
📚(Sahi Bukhari,Bad’al Wahy,1 )

✔☘Ummul Momineen Maimoona Radiallahu anhu bayan karti hain ke Rasool Allah Sallallahu Alailhi Wa Sallam ne ghusl ka iraada farmaya to sab se pehle dono’n hath dhoe, phir sharamgaah ko dhoya, phir baya’n haath, jis se sharamgaah dhoya tha zameen par ragda phir is ko dhoya, phir kulli ki aur naak main paani daala, phir chehra dhoya, phir kohniyo’n tak haath dhoe phir sar par paani daala aur balo’n ki jado’n tak paani pon’hchaya. Teen baar sar par paani daala, phir tamaam badan par pani dala, phir jaha’n aapne ghusl kiya tha is jagah se hat kar paao’n dhoe.
📚(Bukhari:al Ghusl 265  Muslim al Haiz 317)

✔☘Aayesha Radi-Allahu-Anhu se rivayat hai ki Rasoollallah Sallallhu-Alaihi-Wasallam jab ghusl e janabat farmatey to, Pahley Aap Sallallahu-Alaihi-Wasallam dono haath dhote ,Phir namaz ki tarah wuzu kartey,Phir sir ke baalon ka ungliyon se khilal farmatey yahan tak ki sir ke saaf honey ka yaqeen aur itnimamn ho jata, Phir Dono chullu bhar kar teen martaba sir par pani daaltey, Iskey baad sarey jism par paani daaltey.
📚Sunan Nasaii, Vol 1,423( Sahih)

✔☘Aisha Radhi allahu anha se rivayat hai ki Rasool’Allah Sallallahu Alaihi Wasallam sar ke dahine hisse se ghusl ki shuruaat karte they fir baa’in taraf ke hisse ka ghusl karte.
📚Bukari 258,Muslim 318

💧GHUSL E JANABAT(after sexual intercourse) ME AURAT KA BAALO KA KHOLNA ZARURI NAHI➖

✔☘Thawban Radi Allahu Anhu  se rivayat hai ki Rasoollallah Sallallahu Alaihi Wasallam se Ghusl e janabat ke baarey mein daryaft kiya to Aap Sallallhu Alaihi Wasallam ne farmaya  Aurat ke liye sar ke baalon ko kholna zaruri nahi hai balki isko chahiye ki wo Dono Haath se 3 martaba paani sir par Daal le.
📚Sunan Abu Dawud, Vol 1,  255

✔☘Umm Salamah Radiallahu anha se marvi hai ke unhone Rasool’Allah sallallaho alyehi wasallam ki khidmat me arz kiya:
“Mai apne sar k balo ko(Plaited/choti) mazbuti se bandhti hoon to kya mai inhen ghusl janabat k liye kholu? App ne farmaya “nahi balki tumhe itna hi kafi hai k apne sar per pani ke 3 chullu daal lo aur phir sare jism per pani baha ker pak ho jao.”
📚Abi Dawood, 251
Sahih Al-Albani

✒Ghusl haiz(after mensturation) me baalo ke kholne pe ikhtelaaf hai, to behatar ye hoga ke ehtiyat ke taur pe ghusl e haiz me baalo ko khol liya jaye kyunki ghusl e haiz ke liye baalo ko khol lena hi safe side hoga .Aisa karne se dil me sahi aur galat ka koi shak bhi nahi baqi rahega aur ikhtelaaf bhi khatam ho jayega.

💧GHUSL K BAAD WAZU NAHI➖

✔☘Aayesha Razi-Allahu-Anhu se rivayat hai ki “Rasoollallah Sallallhu-Alaihi-Wasallam ghusl karney ke baad wuzu nahi farmatey they (kyunki ghusl karna kafi ho jata hai.)
📚Sunan Nasaii, Vol 1, 430( Hasan)

✒Ya’ani ghusl ke shuru me wuzu karte the, isko kaafi jaante aur (namaz ke liye) dobara wuzu nahi farmate the. Lekin is me ye ehtiyat  zaroori hai ke dauran e ghusl, sharmgaah ko haath na lage.