📮MAUT KE BAD KYA CHIZE FAIDA PAHUCHA SAKTI HAI❓

🍂🍃Bismillahirrahmanirraheem🍃🍂

Kuch log marne wale ke liye tarah tarah ke amal karte hai taki marne wale ko kuch faida pahuch sake aur wo amal zadatar sab ghair muslimo se liye hue hai jaise teeja, chaliswa, barsi, wagaira wagaira….. aur najane kya kya aur ab to izafa hota chala ja raha hai.
Khair!!!! marne ke bad kya chize faida pahucha sakti hai ab ham sahi Ahadees se samjhte hai.

🔴AHADEES

✔☘ Rasool’Allah sallallaho alaihi hi wasallam ne farmaya ki jab koi insan marta hai to uske nek aamal band kar diye jate hai siwae teen tarah ke:
1) Sadqa e jariya(Allah ke raah me lagaya hua hamara maal jo logo ko fayda pohcha raha ho)
2) Jo Ilm logo ko sikhaya ho wo usse fayda utha ra ho
3) Nek aulad jo uske liye dua kare .
📚(Reported by al-Tirmidhi, no 1376; he said this is a saheeh hasan hadeeth)

✔☘Rasool’Allah sallallaho alaihi wasallam ne farmaya ”Ek shaks ke Jannat me darjaat(levels) buland honge , fir wo puchega ki ye kaise hua, fir usse kaha jayega Tumhari aulad ki magfirat ki dua ke wajah se jo wo tumhare liye karta hai.
📚(Reported by Ibn Maajah, no 3660; see also Saheeh al-Jaami’, 1617.)

✔☘Rasool’Allah sallallaho alaihi wasallam ne farmaya “Beshak sabse Paakiza chiz jo insan khata hai wo uske hatho ki kamai hai aur us ki aulad bhi uski kamai(earning) hai.
📚Sunan Abu Dawud, Hadith-3528,  Sahih (Al-Albani).

✔☘Ek shaks ne Rasool’Allah sallallaho alaihi wasallam se kaha “ Meri walida ka inteqal ho gya hai, aur agar wo bol pati to unhone kuch sadaqa kiya hota. To agar mai unki taraf se kuch sadaqe me de du to kya unhe sawab milega?” RasoolAllah ne farmaya “Ha”.
📚(Reported by al-Bukhaari, Fath, 1388)

✒Ek baat qabil e ghaur hai ke jitni bhi ahadith hai wo sirf aulaad ka zikr karti hai is liye marne ke bad waledain ko sirf aulaad ke aamal hi kaam ayenge kisi paise diye hue molvi ya kisi rishtedar ke aamal nahi.

🔴YAAD RAKHNE WALI BAATE

✔☘Rasool’Allah sallallaho alaihi wasallam ne farmaya ki jis ne jis qaum ke sath musha’behat(copy) ikhtiyar ki to wo(qayamat ke din) unhi mein se hoga.
📚(Abu Dawood hadees-4031)

✔☘Rasool Sallallahu Aalaihi wasallam ne farmaya Jisne hamare Deen me kuch aisi chiz shamil ki ke jispe hamara amal ni to wo Mardud hai.
📚Sahih Bukhari ,2697
📚Sahih Muslim, 1718

🔴FARMAN E ILAHI

Al Quran :

” beshaq tumhare liye ALLAH ke RASOOL sallallaho alaihi wasallam ki zindagi ek behtar namoona hai.”
📕(Surah Al-Ahzaab : aayat-21)

✒Ye Ayat kafi hai ye samjhne ke liye ke hame jo bhi amal karne hai Wo Rasool’Allah sallallaho alaihi wasallam ki sunnato ko dekhte hue.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: