📮KABE ki Ibadat karte hai Musalman? Ek Etraaz……..

📮 KABE ki Ibadat karte hai Musalman? Ek Etraaz…….

🍂🍃Bismillahhirrahmanirrahim 🍃🍂

✅ Gair-muslimo ka ye 1 etraaz hai aap “1 Allah” ki ibaadaat karne ka dawa karte ho lekin aap log “Kaba” ki Ibaadat karte huye uske 7 chakkar lagate ho to fir ham aur tum me kya fark rah gayaa?

✅Dusara etraaj ye hota hai ki ham Hindu Murtiyo ko chumte aur tum Musalman “Kale Pat’thar” (Hajre Aswad) ko chumte ho.

🔴🔴Ham “KAABE” ki nahi balke “KAABE ke RAB” ki Ibaadat karte hai :

Ham Musalman Kaabe ki nahi balke “Kaabe ke Rab” ki ibaadat karte hai kyunke “kaba” Allah ki 1 makhluq (creation) hai.

Jaisa ke Allah ne hukm diya :

“Unhe (yaani Quraish ko) chahiye ke “is ghar” (yaani KABE) ke Rab ki ibaadat karte rahe”.

📙 (Surah 106 Quraish : Ayat 03)

🔻🔻 Is Ayat me Allah ne Makka ke “Quraish Khandan” jo Muhammadur Rasoolullaah ka khandan tha jise kaha gaya ke tum log sirf “Kabe ke Rab” ki yaani Allah ki ibaadat karna chahiye kyunke us waqt Makkawale 360 Murtiyo ko Kaba me rakh kar Allah ke sath sath un Murtiyo ki bhi ibaadat kiya karte the.

🔴🔴KABA kya hai ?

Zahiri taur par “Kaba” bas Mitti ka bandha huwa 1 ghar nazar ata hai lekin duniya ki sabse paak jagah aur sabse paheli Masjid hai jisko “Baitullah” yaani “Allah ka Ghar” kaha jata hai (Bait yaani Ghar) kyunke waha sirf aur sirf Allah ki ibaadat ki jaati hai.

Kaba sirf Allah ki Ibaadat karne ki 1 jagah hai.

🔴🔴Kya KABA me Allah rahta hai ?

Kaba ko “Baitullah” kaha jata hai isliye log samjte hai ke Allah Kaba ke 4 diwari me rahta hoga.  Allah ne is Ghar ki “Nisbat” (sambandh) apne taraf ki hai, is se “Kabe” ka maqam aur uski “Izzat, Shan aur Azmat” zahir hoti hai.

Yaha 1 waqt ki Salat (Namaz) ada karne ka sawab 1,00,000 Salat (Namaz) adaa karne ke barabar hai.

Allah to Arsh par rahta hai…

Jaisa ke Allah khud apne bareme farmaya:

“Jo Rahman hai Arsh par Qayam hai”.

📙 (surah 20 Taha :Ayat 05)

🔴🔴KABA ko banane ka Maqsad ?

Allah ne KABA ko banaye jaane ka maqsad is tarah bayan kiya hai…

“Aur jab ke hum ne Ibraheem ko Kaabe ke makaan ki jagah muqarrar kar di, is shart par ke mere saath kisi ko shareek na karna aur mere ghar ko tawaaf, qiyaam, ruko, sajda karne waalo ke liye paak saaf rakhna.

📙 (Surah 22 Hajj : Ayat 26)

🔻🔻 Is Ayat se ye malum huwa ke :

  1. Sirf aur sirf Allah ke Ibaadat ke liye Kaba banaya gaya.
    1. Tawaaf yani Kaabe ke 7 chakkar lagaye jaate hai.

    2. Yaha Qiyam, Sajda, Ruku kiya jaata hai yaani Salat (Namaz) adaa ki jaati hai.

🔴🔴Kya “Hajre Aswad” (kale Pat’thar) ko chumna yani uski ibaadat kiye jaisa hai ?

Yaad rahe kisko muhabbat ke niyat se chumna yaani uski ibaadat karna nahi hota hai. Agar ham kisi chiz ko IBAADAT ke niyat se chumte hai to fir SHIRK ho jayega.

Kisi ka bosa lena 1 Muhabbat ki nishani hoti hai jaise ke ham apne Maa Baap, Bachho aur Bado ke peshani ko chumte hai.

Ibaadat usko kaha jata hai jisme … Qiyam (Adab se thaherna),Sajda,Ruku, Tawaaf hota hai.

Kaabe me jo “Hajre Aswad” (kala Pat’thar) laga huwa usko isliye chumte hai ke kyunke ye pat’thar Jannat se utara gaya hai aur hamare Nabi s usko chuma karte the. Hajj aur Umrah adaa karte waqt “Hajre Aswad” (kale Pat’thar) ko chumna farz nahi hai.

Kaale Pat’thar ko kyun chuma jataa hai is bareme hamare Dusare Khalifa Umar (R) ka qaul kaafi hai, jaisa unone farmaya,

”Mai achhi tariqe se janta hu ke tu sirf a pat’thar hai, na tu koi fayda pahunchaa sakta na nuksaan. Agar mai Nabi s ko tujhe chumte huye na dekhta tu mai bhi tujhe na chumta”.

Wallahu alam sawab.

PREPARED BY ABU INAYAH

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: