📮AURATON KO EID-GAAH JANE KA HUKM

wp-1468518110889.jpg

📮AURATON KO EID-GAAH JANE KA HUKM

🍂🍃Bismillahhirrahmanirrahim 🍃🍂

🔴AURAT KA EID-GAAH JANA FITNA YA SUNNAT?

1.✔RasoolAllah Sallallahu Alaihi wasallam ne Khawateen ko masjid aane ki ijazat di hai aur mardo ko hukum diya hai k wo apni biwiyon ko masjid janay se na roke.
Farmane Rasool (Sallallahu Alaihi wasallam) hai: 1. “Izas taazantim raata ahdikum falaa yamna’haa.” Tarjuma:-Agar tum may se kisi ki biwi is se masjid jane ki ijazat talab kare to wo use mat roke, ijazat de do.
📚SAHIH BUKHARI (Volume 1, Book 12, Hadith 824)

2✔. Hazrat Ibne Umar (Radi Alahu Anhu) se riwayat hi k Nabi kareem Sallallahu Alaihi wasallam ne farmaya “Izas Tazanakum Nisaawukum bil laili ilal Masjidi fazanoo lahunna.”  Tarjuma:-Ager tumhari auraten tum say raat ke waqt masjid me jane ki ijazat talab karen to tum log unhe uski ijazat de diya karo.
📚SAHIH BUKHARI (Volume 2, Book 13, Hadith 22)

3. ✔RasoolAllah Sallallahu Alaihi wasallam ka farman hai “Laa tamnawoo ima’a Allahi masajidAllahi.” Tarjuma:-ALLAH ki bandiyon ko ALLAH K Gharon(Masajid) say mat roko.
SAHIH MUSLIM (Book 4, Hadith 886)

🔴 EIDGAH Jane ka Masla🍀

✔Hazrat Umme Atiya Radi-Allahu-Anha  se Riwayat hain ke RasoolAllah Sallallahu Alaihi wasallam ne hame hukm Diya ke Eid-ul-fitr aur Eid-ul-Adha ke din kunwari, Haiza, Aur Pardah Nasheen Auraton ko (Eid-gaah ki taraf) Nikalen. Haiza Namaz se Alehada Rah kar Bhalayi aur Musalmanon ki Dua mein Hazir ho. Maine Arz kiya ya RasoolAllah Sallallahu Alaihi wasallam  hum mein se Jis ke paas chadar na ho to ? Aapne Farmaya ke uski Behan ko chahiye ke Apni chadar usko Pehna De.
📚(SAHIH MUSLIM/Kitab Ul Eid ain, H.No. 431. SAHIH BUKHARI/324, 351, 971,974.
ABU DAWUD/1136, 113 9. AL NASAI/180).

🍀FAIDAH🍀

Aaj zyadatar logon ne ladkiyon ka Eidgah, or Masjid jane par fitna bata kar bilkul ban laga diya hai.

🔴KYA FITNA US WAQT NAHIN JAB
LADKIYAN BE-PARDA SCHOOL, COLLEGE JAKAR LADKON KE SAATH TALIM LE?

🔴KYA FITNA US WAQT N AHIN JAB LADKIYAN SHOPPING MALL, BAZAAR’ON AUR SAFAR ME JAYE?

🔹Is khas sunnat se door kar khawateenon ko Deen se piche nahin kiya gaya?

🔵LEKIN SATH ME KUCH SHARTE BHI HAI AURTO KO MASJID JANE KE LIYE:

🔹1) Use pure Hijab me hona chaiye [for details refer to Al-Qur’an [SURAH AN NUR 24 VERSE 31]

🔼2) Use Khushboo laga kar nai jana chaiye.[for details refer to SAHIH MUSLIM (Book 4, Hadith 892, 893, 894)]

🔹3) Use apne Shauhar se ijazat lena chaiye. Uske bahar nikalne se kisi tarah ki mamnoo chize shamil nai honi chaiye jaise na-mehram driver ke sath akele car me hona wagaira.

🔼4) Aurto ko Aadmiyo se pahle masjid se nikalna chaiye. [for details refer to SAHIH BUKHARI (Volume 1, Book #12, Hadith #799, 809, 825, 829)

🔹5) Ek doosra darwaze ka intzam hona chaiye Masjid me sirf Aurto ke aane aur jaane ke liye.[for details refer to ABU DAWOOD ( Book 2, Hadith 484) ]

Allah hame samjne ki taufeeq dey or kisi fitne ka hissa na banaey.

Jazaakumullahu khair’an Wa-Ahsanul Jazaa.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: