📮QABR ME SAWAL JAWAB AUR AZAB-E-QABR KA BAYAN

🍂🍃Bismillahhirrahmanirrahim 🍃🍂

📮QABR ME SAWAL JAWAB AUR AZAB-E-QABR KA BAYAN

✔Al-Bara’ (razi allahu anhu) se riwayat hai,
Inhon ne kaha hum Rasool Sallallahu Aalaihi wasallam ke sath ek Ansari ke janaze me gaye hum Qabr ke paas phunche to abhi lehed (Qabr) tayyar nahi hui thi Rasool Sallallahu Aalaihi wasallam baith gaye aur hum bhi Rasool Sallallahu Aalaihi wasallam ke sath baith gaye. Goya ki hamare saro’n par parinde ho (nihayat pur sukoon aur khamoshi se baithe the).

Aap Sallallahu Alailhi Wa Sallam ke hath me chadi thi Aap sallAllahu Alaihi wasallam is se zameen kured rahe the.
Aap sallAllahu Alaihi wasallam ne apna sar uthaya aur farmaya:

Allah se Qabr ke azab ki amaan mango
Aapne 2-3 baar ye farmaya (Jabir ki riwayat me yahan izafa hai.)

Aap Sallallahu Alailhi Wa Sallam ne farmaya jab log (murde ko dafna kar) wapas jate hai to mayyat inke qadmo ki aahat sunti hai jab ke isse yahan pucha jaa raha hota hai

Aye falanh: Tera Rab kaun hai.❔
Tera Deen kya hai.❔
Tera Nabi kaun hai.❔

Aap Sallallahu Alailhi Wa Sallam ne farmaya iske paas 2 farishte ate hai aur ise baithate hai aur is se kehte hai

Tera Rab koun hai.❔
To woh kahta hai mera Rab Allah hai.

Fir wo puchte hai- Tera Deen kya hai.❔
To woh kehta hai mera Deen Islam hai.

Fir woh puchte hai, ye admi kaun hai jo tum me maboos kiya gaya tha.❔
Wo kehta hai ki woh Allah ke Rasool Sallallahu Aalaihi wasallam hai.

Fir wo kahte hai tujhe kaise Ilm hua? Wo kahta hai maine Allah ki kitab padhi hai, ispar imaan laya aur iski tasdeeq ki.

Jabir ki riwayat me mazeed hai, yahi(sawal jawab) misdaq hai Allah ke is farmaan ka(ayat hai)” phir wo dono riwayat karne me muttafiq hai, aap s.a.w ne farmaya phir aasman se munadi karne wala ailaan karta hai,
Tahqeeq mere bande ne sach kaha hai, ise Jannat ka bistar bichado aur jannat ka libas pehnado aur iske liye jannat ki taraf se darwaza khol do.

Fir farmaya jannat ki taraf se wahan ki hawaein, rahatein, aur khushbu aane lagti hai, aur iski Qabr ko intehayi nazar tak wasee kar diya jata hai,

Fir Kafir aur iski maut kaa zikr kiya aur farmaya: Iski Rooh iske jism me lautayi jaati hai aur wo iske paas aate hai aur woh iske paas aate hai aur ise baithate hai aur ise puchte hai

Tera Rab koun hai❔
Wo kahta hai ke haye afsoos mujhe khabar nahi hai.

Fir wo us se pochte hai tera Deen kya hai❔
To wo kahta hai haye haye mujhe khabar nahi,

Fir wo us se pochte hai ye aadme koun hai jo tum me maboos kiye gaya tha❔

wo kehta hai ke haye haye mujhe khabar nahi.
to munadi asman se nida dete hai ke isne jhut kaha, ise aag ka bistar bichado, ise aag ka libaas pehnaado, aur iske liye dozaq ki taraf ka darwaza kholdo,
Farmaya ki phir ise jahannam ki taraf se tapish aur sakht garam hawa ane lagti hai aur is par Qabr ko tang kar diya jaata hai,
hatta ke iski pansiliyan ek dusre me ghus jaati hai,
Jabir ki riwayat me mazeed hai Fir is pe ek andha gungaa farishta muqarrar kardiya jata hai jiske paas bhari garz hota hai,
agar kisi pahad par maara jaye to wo (pahad)matti matthi(reza reza) hojaye,
Fir wo ise iske saath aisi chot marta hai jis ki awaaz jino aur insano ke alawa mashriq wa maghrib ke darmiyaan maqlooq sunti hai,
aur phir wo matti (reza reza) hojata hai,
Farmaya fir ismee rooh lautayi jaati hai.

📚Narrated by Abu Dawood, 4753; Ahmad, 18063 – this version was narrated by him. Classed as saheeh by al-Albaani in Saheeh al-Jaami’, 1676.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: