📮SADQA AL-FITR KI ADAYEGI KAISE KAREIN❓

📮SADQA AL-FITR KI ADAYEGI KAISE KAREIN ❓

🍂🍃Bismillahhirrahmanirrahim 🍃🍂

✔Ibn ‘Umar, r.a ne Farmaya:

“Nabi s.a.w ne sadqah fitr ek “saa” khajoor ya ek “saa” Jao farz qarar di thi. Ghulam, azad, mard, aurat, chote, bade har Musalman par, aapka hukm ye tha ke namaz Eid ko jane se pahle ye ada kiya jaye.”
📚 (Sahih Bukhari, 1503)
Note: 1 saa=2.5 kg (lagbhag/approx.)

🔴SADQA FITR KE FARZ HONE KI HIKMAT

🔼Ye rozah daar ko Roze ki halat me hone wale fahsh ya faltu guftagu se paak karta hai,

🔼Ghareebo ko Eid ke din doosro se mangne se bachaata hai.

✔Ibn ‘Abbas,r.a,se marwi hai k Rasool s.a.w ne Sadqah fitr ko isliye farz farmaya hai take Rozedaar fahsh aur faltu guftagu se paak hojaye aur miskeeno ko khane ka saman mil sake.
📚 (Sunan Ibn Majah, 1827)

🔴SADQA AL-FITR KIS PAR WAJIB HAI❓

🔹Ek shakhs ko apne, apni biwi ki taraf se (chahe biwi ki khud ki b daulat ho) apne bacche aur maa baap agar wo ghareeb ho apni beti ki taraf se sadqah Fitr ada karna hai.

🔹Agar beta ameer hai to uski taraf se baap ko ada karne ki zaroorat nahi.

🔹Shauhar ko apni Talaq Shudah biwi jiska talaq ki iddat mukammal nahi hui uski taraf se bhi ada karna hoga, lekin Sarkash ya jiska talaq mukammal hogaya uski taraf se ada nahi karna hai.

🔹Bete ko apne Ghareeb baap ki biwi ki taraf se ada karne ki zaroorat nahi kyu k ispar kharch karna wajib nahi.

🔴SADQA FITR KE TAUR PE KYA ADA KARNA CHAHIYE❓

Ek saa’ anaj dena chahiyye Nabi s.a.w ke paimane ke mutabiq.

✔ Abu Sa’eed al-Khudri r.a ne Farmaya: “Rasool s.a.w ke zamane me Sadqah fitr ek saa’ gehu, ya ek saa’ khajoor, ya ek saa’ jao ya ek saa’ zabeeb (khushk anjeer ya angoor) nikalte the.…”
📚 (Bukhaari, 1506)

🔴 Kayee Ulmae ikram ne Ta’am(foodstuff) lafz ka maani gehu liya hai, Aur kai ne kaha k ye maqami anaj (khana) hai, ye kuch b hosakta hai, gehu, chawal ya jo bhi anaj ho. ye rajeh qaul hai. Ek saaa’ anaj dena farz hai.
✔Yani hame ye pata chalata hai ke ham Zakatul fitr kisi bhi anaaj ki shakal me de sakte hain.

🔴 KYA HUM SADQA FITR PAISO(CASH) ME DE SAKTE HAIN ❓

🔵 Sadqah Fitr Paiso (cash) ki shakal me nahi de sakte kyu ke rasool s.a.w ne ise anaj ki shakal me dene ka hukm diya hai. Isliye kisi aur shakal me dena ghalat hai, sunnat ki itteba kare aur bidat se bachein.

🔴SADQA FITR DENE KA WAQT ❓

Hadees ke mutabiq sadqah Fitr Eid ki namaz se pahle pahle dedena chahiyye.

✔Rasool s.a.w ne hukm diya k ye namaz Eid ko jane se pahle ise ada kiya jaye.
📚(Al-Bukhaari, 1503_Abu dawood 1609)

🔴EID KI NAMAZ SE 1 YA 2 DIN PAHLE SADQA FITR ADA KARNA

🔼Jo log Eid se ek ya do din pahle Sadqah Fitr ada karna shuru kar dete hai unka b sadqah Fitr ada hojayga.
Jaise ki Hadees me ata hai.

✔Ibn Umar r. a riwayat karte hain
“Wo log Eid se ek ya do din pahle bhi sadaqa fitr ada kiya karte the”
📚Sahih Bukhari, 1511

🔴EID KI NAMAZ KE BAAD SADQA FITR ADA KARNA, SADQA E FITR NAHI BALKI AAM SADQA HOGA

✔Abdullah ibn Abbas r. a riwayat karte hai ki Mohammad sallallaho alyehi wasallam ne farmaya ” Eid ki namaz ke baad agar Sadqah Fitr ada kiya jaye to ye aam sadqah mana jayga Sadqah Fitr ada nahi hoga.
📚 (Abu Dawood, 1609)

🔴SADQA FITR KISE DENA CHAHIYE❓

Sadqah Fitr bhi un hi 8 qism ke logo ko diya jayga jinhein Zakat di jati hai.

1.Fuqara ‘(Ghareeb),
2. Al Masakin
3. Jo log Sadqah Jama karte hai
4.Jinke Dil Islam ki taraf Raghib hai
5. Ghulam Azad karne ke liye
6.Qarzdaro ka Qarz ada karne ke liye
7. Jo log Allah ki rah me niklte hai(mujahideen)
8. Musafiro ke liye
📓(Quran Surah Tawbah 9:60)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: