📮DALEEL KAUN SI?-AUR KIS AALIM SE DALEEL MANG SAKTE HAIN?

📮Daleel Kaun si ? – Aur Kisi Aalim Se Daleel Mang Sakte Hain.?

🍂🍃Bismillahhirrahmanirrahim🍃🍂

Jawab :✔

🔴Log yeh samajte hai kisi Aalim se ya kisi Mufti se daleel nahi managna chahiye, chupchap unski baat ko taslim (accept) kar lena chahiye kyune wo kahte hai ke daleel mangna SHIATANI kaam hai.
Daleel mangna to SANJEEDA INSAN ki pahechan hai. Daleel mangnewala INSAAN haq ki Talaash me rahta hai. Aur Daleel dene wala bhi Haq ko failane ki koshish me laga rahta hai. Daleel na dene wala aur na mangnewala dono hi ISLAM ke Talluq se LAPARWAH hote hai.

🔴Agar ham Hadeeso me gaur kare to pata chalta hai ke Sahaba bhi Rasoolullah SallallahuA’laihiWaSallam se Sawalaat kiya karte the, agar Rasoolullah ko kisi sawal ke jawab ka ilm na hota to aap s chup rahte yaha tak ke Allah ke taraf se WAHEE nazil hoti. Uske baad hi us sawal ka jawab diya karte the.

🔴Jo koi Musalman, Islami Shariyat ka koi masla bayan karta hai to ham us se Daleel mange taake hamara amal durust ho jaaye aur bolnewala bhi sonch-samjakar baat karenga aur awaam gumrahi se bachegi.

🔴Daleel mangne ka fayda ye bhi hoga ke har koi MUFTI ban kar FATWE dena band karega.

Daleel sirf aur sirf “Quran wa sahih Hadees” se hi hona chahiye, na ke daleel ke naam par ham kisi Imam ka fatwa ya apne buzrugo ki raay pesh na kare.

Allah ne bhi “Ahle Kitab” se unke haq par hone ki daleel mangi thi.

Jaisa ke Allah ne “Ahle KItab” se challenge kiya…

وَقَالُوا۟ لَن يَدْخُلَ ٱلْجَنَّةَ إِلَّا مَن كَانَ هُودًا أَوْ نَصَٰرَىٰ ۗ تِلْكَ أَمَانِيُّهُمْ ۗ قُلْ هَاتُوا۟ بُرْهَٰنَكُمْ إِن كُنتُمْ صَٰدِقِينَ

“Ye kehte hai ke jannat mein Yahood wa Nasara ke siwa aur koi na jayega, ye sirf un ki aarzuye (tamanna) hai, un se kaho ke agar tum sacche ho to koyi ROSHAN DALEEL  to pesh karo”.

📒(Surah 02 Baqrah : Ayat 111)

Is ayat se malum hota hai …

🔴Allah ne yaha “BURHAN” ha lafz istemaal kiya hai. “Burhan“ yani “ROSHN DALEEL” jo SURAJ ke jaisi ROSHAN ho.

Jaali (duplicate) daleel nahi chalegi aur sath kisi Imam ki ya kisi Buzrugo ki ray bhi.

🔴“Ahle SHIRK wa BIDDAT”, daleel to pesh karte hai lekin hamesha unki DALEEL ya to ZAEEF(weak) HADEESE ya to MAWZU (jhooti) HADEESE hoti hai.

Unke is DALEEL ko ROSHAN DALEEL nahi kaha jayega.

Wo kabhi kabhi ROSHAN DALEEL to pesh karte hai lekin us DAEEL se mann mana matlab lete hai.

🔴Jaisa ke “Ahle SHIRK wa BIDDAT” ne Shirk, Imamo ki Taqleed aur Biddato ko sabit karne liye “Quran wa sahih Hadeese” se hi daleel li hai lekin unone “Quran wa sahih HADEES” se apna “mann-chaha” matlab nikla hai jo un daleelo se nahi nikalta hai.

🔴Zarurat padne par ham kisi bhi Aalim ya Mufti se daleel puchh sakte hai aur is ayat ke roshni me us par FARZ hai ke DALEEL PESH kare.

WallahuAalam..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: