📮ALLAH AUR USKE RASOOL SE MOHABBAT KE USOOL

📮ALLAH AUR USKE RASOOL SE MOHABBAT KE USOOL

🍂🍃Bismillahhirrahmanirrahim 🍃🍂

Ahle Emaan ko Allah Ta’ala se Uske Rasool se muhabbat hona chahiye, wo emaan wala kaise emaan wala hai ke usko Allah Ta’ala aur Uske Rasool (Sallallahu Aalaihi Wasallam) se muhabbat na ho…
Aagar Allah Ta’ala se aur Uske Rasool se sachmuch kisi shaks ko muhabbat ho jaati hai to wo Allah Ta’ala ka farmabardaar banda ban jaata hai…

🔴 Teen mohabbate hai jo tamaam mohabbato par ghalib hona chahiye. Jaisa ke Qur’an-e-Majeed mein aaya hai:
Allah Ta’ala ne farmaya:

✔”Aap keh dijiye aagar tumhare baap aur tumhare ladke aur tumhare bhai aur tumhare biwiya aur tumhare kunbe qabile aur tumhare kamaye huwe maal aur wo tijarate jis ki kami se tum darte ho aur wo haweliya jinhe tum pasand karte ho aagar ye tumhe Allah se aur Uske Rasool se aur Uski Rah mein Jihaad se bhi ziyada azeez hai, to tum intezaar karo ke Allah Ta’ala apna azab ley aaye, Allah Ta’ala fasiqo ko hidayat nahi deyta.”
📒[Surah Tawba Aayat 24]

🔴INSAAN USKE SAATH HI HOGA JISSE WO MOHABBAT KARTA HAI

Allah ke Nabi Sallallahu Aalaihi Wasallam ne farmaya:
✔”Insaan uske sath hai jis se wo muhabbat rakhta hai.”
📚[Sahih Bukhari Kitabul Adab Hadees 6168]

🔴JO ALLAH SE MILNE KO PASAND KARTA HAI ALLAH BHI USSE MILNE KO PASAND KARTA HAI

Allah ke Rasool Sallallahu Aalaihi Wasallam ne farmaya:
✔”Jo shaks Allah se milne ko pasand karta hai Allah bhi is se milne ko pasand karta hai aur jo shaksh Allah se milne ko napasand karta hai Allah bhi is se milne ko napasand karta hai.”
📚[Sahih Bukhari Kitabur Raqaaq Hadees 6508]

🔴ALLAH KO MOHABBAT ME KISI KO SHAREEK NAHI KARNA CHAHIYE

Allah Ta’ala ne farmaya:
✔”Baaz log aise bhi hai jo Allah ke shareek auron ko thehra kar unse aisi muhabbat rakhte hai, jaisi muhabbat Allah se honi chaahiye aur emaan wale Allah ki muhabbat mein behad sakht hote hai_ _ _.”
📒[Surah Al Baqrah Aayat 165]

Allah ke Rasool Sallallahu Aalaihi Wasallam ne farmaya:
✔”Mujhe mere martabe se ziyada na badhao jaise Esa Ibne Maryam (Aalaihis’Salaam) ko nasara ne in ke martabe se ziyada badha diya hai_ main to sirf Allah ka banda hu, is liye ye hi kaha karo (mere mutaliq) ke main Allah ka banda aur Uska Rasool hu.”
📚[Sahih Bukhari Kitaab Aahadeesil Ambiya Hadees 3445]

🔴ALLAH KE RASOOL SALLALLAHU AALAIHI WASALLAM SE MOHABBAT KARNE KA HUKM KHUD ALLAH KE RASOOL SALLALLAHU AALAIHI WASALLAM NE DIYA

Allah ke Rasool Sallallahu Aalaihi Wasallam ne farmaya:
✔”Tumme se koi shaks emaan daar na hoga jab tak is ke walid aur is ki aulaad aur tamaam logo se ziyada is ke Dil mein meri muhabbat na ho jaye.”
📚[Sahih Bukhari Kitabul Emaan Hadees 15]

🔴MAKKAH AUR MADINA SE BHI MOHABBAT KARNA CHAHIYE

Allah ke Rasool Sallallahu Aalaihi Wasallam ne Dua ki:
✔ “Aye Allah! hummare Dil mein Madine ki aisi hi muhabbat paida kar jaisa tune makkah ki muhabbat hummare Dil mein paida ki hai balke is se bhi ziyada_ _.”
📚[Sahih Bukhari, Kitabut Dawaat, Hadees 6372]

🔴ANSAAR SE MOHABBAT RAKHNA IMAAN KI NISHANI HAI

Allah ke Rasool Sallallahu Aalaihi Wasallam ne farmaya:
✔ “Imaan ki nashani ansaar se muhabbat rakhna hai aur nifaaq ki nashani ansaar se bugz rakhna hai.”
📚[Sahih Bukhari Kitaab Fazail-e-Ashaabin Nabiya Sallallahu Aalaihi Wasallam Hadees 3784]

🔴ALLAH KIS SHAKS SE MOHABBAT RAKHTA HAI❔

Allah Ta’ala us shaks se mohabbat rakhta hai aur us shaks ke gunha bhi maaf kar deta hai jo Muhammadur Rasoolullah (Sallallahu Aalaihi Wasallam) ki Itteba karta, aur Allah jis se muhabbat rakhta hai us shaks se Jibreel (Aalaihis’Salaam) aur Ahle Aasamaan bhi muhabbat rakhte hai.

Allah Ta’ala ne farmaya:
✔”Keh dijiye! aagar tum Allah se muhabbat rakhte ho to meri tabedari karo khud Allah Ta’ala tumse muhabbat karega aur tumhare gunah maaf kardega aur Allah Ta’ala bada bakshis wala meharbaan hai.”
📒[Surah Al Imran Aayat 31]

🔴ALLAH JISSE MOHABBAT RAKHTA HAI USSE JIBRAEEL(ALAIHIS’SALAAM) AUR AASMAAN WALE BHI MOHABBAT RAKHTE HAI

Muhammadur Rasoolullah Sallallahu Aalaihi Wasallam ne farmaya:
✔”Jab Allah Ta’ala kisi bande se mohabbat karta hai to Jibreel (Aalaihis’Salaam) se farmata hai ke Allah Ta’ala fulah shaks se muhabbat karta hai_ tum bhi is se muhabbat rakkho_ chunanche Jibreel (Aalaihis’Salaam) bhi is se mohabbat rakhne lagte hai_ phir Jibreel (Aalaihis’Salaam) tamaam ahle asmaan ko pukaar dete hai ke Allah Ta’ala fulah shaks se mohabbat rakhta hai_ is liye tum sab log is se mohabbat rakkho, chunanche tamaam aasmaan wale is se mohabbat rakhne lagte hai_ is ke baad roo-e-zameen wale bhi is ko maqbool samajhte hai.”
📚[Sahih Bukhari Kitabu Bad’il’Khalq Hadees 3209]

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: