📮MAA BAAP KE HUQUQ(Part,1-7)

📮MAA BAAP KE HUQUQ
(Part-1)

🍂🍃Bismillahhirrahmanirraheem🍃🍂

🔻ALLAH NE MAA BAAP SE  “UFF” TAK KARNE SE MANA FARMAYA HAI.

🔰Farman e ilahi

Al-Quran✔”Aur tera parwardigar saaf saaf hukum de chuka hai ke tum uss ke siwa kisi aur ki ibadat na karo aur MAA BAAP ke sath ehsan karo. Agar teri maujoodgi mein in mein se ek ya ye dono burhape ko phonch jayen to unke aagay “UFF” tak na karo na unhen daant dapat kero balke unke sath adab-o-ehtram se baat cheet karo”

Al-Quran✔”Aur aajizi aur mohabbat ke sath unke samne apne baazu jhukaye rakho aur dua karte raho ke Ai mere parwardigar! Inn per waisa hi reham kar jaisa inhone mere bachpan mein meri parwarish ki hai”.

Al-Quran✔”Jo kuch tumhare dilon mein hai usey tumhara rab bakhoobi janta hai agar tum nek hoge to Bilashubha wo tauba kerne walon ko bakhshne wala hai”.
📗(SURAH BANI ISRAIL,AYAT 23- 25 )

………….
📮MAA BAAP KE HUQUQ(Part-2)

🔻DUSRO KE MAA BAAP KO GALI DENA KHUD KE MAA BAAP KO GALI DENA HUA.

HADEES✔Nabi (saw) ne farmaya “yaqinan sabse bade gunaho me se ye hai ke koi shaks apne walidain par
lanat bheje pucha gaya, yaa Rasool Allah (saw) koi shaks apne hee walidain par kaise lanat bhejega ❓ Hazrat (saw) ne farmaya ke wo shaks dusre ke baap ko bura bhala kahega to dusra bhi uske baap ko aur uski maa ko bura bhala kahega”
📚(SAHI BUKHARI : 5973)

👉Aj musalmano me gali Aam hai, agar kisi se jhagda ho jata hai to uski maa aur baheno ko log gali dete hain jabke unki kuch galti hai hee nahi isme.Musalman ko gali dena fisq hai bahut hi bada gunah hai ,ye yaad rahe ke aisa karne se ap khud apne hee walidain ko gali de rahe ho.Gali dena to aise bhi bura hai lekin hamare muashre ke log gali dete waqt ye nahi soch pate ki gali dene ke bad wahi gali untak wapas ati hai aur unke Maa baap pe parti hai.Astaghfirullah….‼
…………

📮MAA BAAP KE HUQUQ(Part-3)

🔻Mafhoom e Hadees
✔Nabi (sallallahu Alaiwasalam) ne farmaya “Allah ne tum par MAA ki nafarmani HARAM qarar di hai aur (walidain ke huquq) na dena aur na-haq unse mutalbat karna bhi haram qarar diya hai”
📚(Sahih Bukhari,Kitabul Adab,5975)

👆Is Hadees se hame is bat ki jankari hui ke Allah ne MAA ki nafarmani ko haram qarar diya hai.Lekin ham muslaman sharab aur khinzeer(suwar)ko to haram samjhte hain lekin afsos ki MAA ki nafarmani ko haram nahi samjhte usey aise hi hawa me uda dete hain.Jabki Allah tala ne Maa ki Nafarmani bhi haram ki hai.
Ai Allah ham sabko MAA ki nafarmani se bacha.Ameen!!!
…….
📮MAA BAAP KE HUQUQ
(Part-4)

🔻WALIDAIN SE ACHHA SULOOK AUR UNKA SHUKR ADA KARNE KA HUKUM

Al-Quran✔”Aur hamne insan ko uske walidain(Maa-Baap)ke bare me(achhe bartao ka)hukm diya hai,uski Maa ne usey(pet me)kamzori par kamzori ke bawajud uthaye rakha aur uska dudh do saal me chhurana hota hai,(aur)ye ki tu mera aur apne walidain ka shukr kar(akhirkaar)meri hi taraf laut kar ana hai”.
📗(Surah Luqman;14)

🔻ALLAH KE NAZDEEK SABSE PASANDIDA AMAL

Hadees✔Abdullah bin masood (r.a) ne bayan kiya ke maine Nabi kareem (saw) se pucha Allah taa’la ke nazdeek kaunsa amal sabse zyada pasand
hai ❓
App (saw) ne farmaya ke waqt par namaz padhna.
Pucha ke phir kaunsa❓
Farmaya ke walidain ke sath acha suluk karna.
Pucha phir kaunsa❓
Farmaya ke Allah ke raste me jihad karna.
📚(SAHIH BUKHARI, 5970)

……..
📮MAA BAAP KE HUQUQ(Part-5)

🔻TUMHARE MAAL PE WALIDAIN KA HAQ HAI

🔰Allah farmata hai;

Al-Quran✔Aye nabi ye apse puchte hai ke wo kya kharch kare, ap kah dijiye ke jo maal tum kharch karo wo maa baap ke liye hai aur rishte daro aur yateemo aur miskino aur musafiro ke liye hai aur tum jo kuch bhalai karoge allah ta’ala ko uska ilm hai
📕(SURAH BAQRA : 215)

🔻MAA BAAP KI KHIDMAT KI AHMIYAT

Hadees✔EK sahabi (r.a) ne nabi kareem (saw) se pucha kya mai bhi jihad me sharik ho jaoo❓
Hazrat (saw) ne pucha, tumare maa baap maujud hai ❓
inhone kaha haa maujud hai.Hazrat (saw) ne farmaya ke phir unhee me jihad karo.(yani unki khidmat karo)
📚(SAHI BUKHARI : 5972)

👆Maa Baap ki khidmat ki ahmiyat hai ise samjhiye.
Dekhiye Allah ke Rasool(saw) ne sahabi ko jihad me jane ko nahi kaha pahle balki Maa Baap ki khidmat karne ka huqm diya.Aur jaisa ki ham jante hain ke Allah ka pasandida amal Maa Baap se achha suluk karna hai.Uske bad Allah ki raah me jihad karne ka hukm diya.Naki ye kaha ki jihad me pahle jao……..

📮MAA BAAP KE HUQUQ(Part-6)

🔻MAA BAAP AGAR KAFIR YA MUSHRIK BHI HO TO UNSE ACHHA SULUK KARNE KA HUKM

Hadees✔Ek sahabiya (r.a) ne Nabi kareem(saw)se pucha ke meri walida hai aur wo islam se alag (yani mushrik) hai (kya mai unke sath sila rahemi kar sakti hu ??) hazrat (saw) ne farmaya haa apni walida ke sath sila rahemi karo.
📚(SAHI BUKHARI 5979)

🔻Hamare walidain to musalman hai na❓ Fir bhi aisa suluk unse❓Aisa kyun ❓ Hamere maa baap agar shirk bhi karte hai to unse ache se pesh aye aur unke huqooq ada kare aur unki pyar mohabbat se islah kare unse uchi awaz me bat bhi na kare.Maa Baap se kiya gaya suluk aisa hota hai ki uska ajar duniya me hi dekhne ko mil jata hai.Ham ye apni zindagiyon me bhi dekhte hai k jo aulaade apne maa baap se badsuluki karte hain to aage chalkar unke bachhe bhi unke sath waisa hi karte hain……….

📮MAA BAAP KE HUQUQ(Part-7)(Complete)

🔻AGAR MAAP BAAT SHIRK KARNE PE MAJBOOR KARE TO UNKA KAHNA NA MANNE KA HUKM

📕Al-Quran✔”Aur agar woh dono tujh per iss baat ka dabao daalen ki tu mere sath shareek kere jiska tujhe ilm na ho to tu unka kehna na manna lekin duniya mein unke sath achi tarah basar karna aur usi ki raah chalna jo meri taraf jhuka hua ho.Phir tum sabko meri paas ana hai,phir main tumko jatla dunga jo kuch tum karte the.”
📘(Surah Luqman,ayat15)

🔻ACCHE SULUK KE SABSE ZADA HAQDAR MAA-BAAP HAIN.

HADEES;✔Abu huraira (r.a) ne bayan kiya ke EK sahabi rasool kareem (saw) ki khidmat me hazir hue aur arz kiya ke yaa Rasool Allah (saw) mere ache suluk ka sabse zyada haqdar kaun hai ❓
Farmaya ke tumari MAA hai. 3 bar pucha to MAA hee kaha fir chauthi bar pucha ke uske baad kaun ❓
Hazrat (saw) ne farmaya tumara BAAP.
📚(SAHI BUKHARI ; 5971)🔚

Ai Allah ham sabko Apne Walidain ka farmabardar bana……Ameen !!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: