📮KYA QURAN PADHE TO AMAL KARNA PADTA HAI AUR NA PADHE TO BACH JATE HAIN❓

k359tmn.jpg📮KYA QURAN PADHE TO AMAL KARNA PADTA HAI AUR NA PADHE TO BACH JATE HAIN❓

JAWAB📘

♻Bismillahhirrahmanirrahim♻

🔹Quraan Se Doori Ki Ek Wajah Yeh Bhi Hai Ke Log Sochte Hain Ki

“Quraan Agar Padh Liya To Amal Karna Padta hai ,Aur Agar Naa Padha To Bach Jayenge.

Subhan’allah ❗❗

Agar Waqai Me 📘“Quran Ko Padhe To Amal Karna Padta hai Aur Na Padhe To Chal Jata” Iss Usool Ko Maan Le To Hume Batayiye Sabse Pahle Jannat Ka Mustaheq Kaun ❓

Zaahir Si Baat Hai Kaafir Hi Hote ,.. Wo To Kahte Ke –
“Aye Allah Padhna Aur Naa Padhna To Bohot Door Ki Baat ❗ Humko To Maloom Hi Na Tha Ke Ye Teri Kitab Hai ,.. Lihaza Hum To Tere Azab Se Bari Ho Gaye..”

Hume Bataye Kya Ye Log Jannat Me Jayenge ❓

🔹Agar Aap NA Kahte Hai To Fir Ummid Kaise Karte Hai Ke Hum Bhi Na Padhe To Jannat Me Ja Payenge .
🔹Haqiqat To Hai Ke Ye Shaitan Ka Diya Hua Ek Bahana Hai Jo Usne Allah Ke kalaam Se Momino Ko Door Karne Ke Liye Diya Hai,..
– Sharm Ki Baat Hai Ye Kitaab To Aayi Thi Insaniyat Ke Amal Ke Liye ,..
– Lekin Humne Quran Se Doori Ko Apni Ek Adat Bana Liya Hai .

👉🏻Ham Quran📘 Ko Mane(translation) Se Na Padh Kar Qatai Nahi Bach Sakte…

MISAAL✔

“” Aap Apni Gaadi Lekar Highway Par Gaye, Aap Ko Highway Ke Signal Ka Ilm Nahi Tha, Natijatan Aapne Signal Tod Diya,..
Ab Traffic Policewala Aapse Kehta Hai – “Bhaisahab ! Jurmana Bhariye !”
Aap Kahte Hai Ke – “Kahe Ka Jurmana Sahab❓Mujhe Signal Ka Matlab Maloom Nahi Tha.,”
Ab Hume Batayiye – “Kya Wo Police Officer Aapko Chorr Dega ?”
Zahir Si Baat Hai Ke – Wo To Yahi Kahega “Qaanun Se Anjaan Rahna Tumhara Masla Hai, Mera Nahi❗.. Jab Tum Highway Par Aaye To Tumhara Kaam Tha Highway Ke Qanoon Ko Jan’na,..”

*Lihaza Jab Hum Duniya Me Aaye To Apne Aane Ka Maqsad Jan’na Farz Hua Humpar,
– Apne Rab Ke Kalaam Ko Samjhkar Padhna Intehayi Zaruri Hai,..
– Warna Log Humari La-Ilmi Aur Jahalat Ka Faida Uthakar Hame Deen Ke Naam Pe Dhoka De Sakte Hain..Aur Ham Use Deen Samajh Kar Follow Karte Jayenge.

🔹 Allah Raabul Izzat Quraan-e-Kareem Me Aise Logon Ke Talluq Se Bayan Farmata Hai –

Al-Quran📘”Aur Jo Meri Yaad Se Muhh Pherega Uski Zindagi Bahut Tangi Me Guzregi Aur Ham Qayamat K Din Use Andha Uthaynge…”

📚Surah Taha,ayat no.124

🔺 Lihaza Hume Chahiye ke –

– Apne Rab Ke Zikr Yaani Quraan-e-Majid Se Rishta Jod Le..
– Uskey Paigamat Ko Samjhne ke Khatir Uska Muta’ala Karey ,..
–Aur Ye Zaheniyat Apne Dil O Dimagh Se Nikal De K Quran Na Padha To Bach Jayenge,Allah Tala Ne Saaf Is Ayat Me Farma Diya Hai K Jo Uski Yaad Se Muhh Pherega Uski Zindagi Tangdasti Me Guzregi,
Aur Allah ne kaha k Hm Use Qayamat ke Din Andha Uthayenge …..

👆Zara Gaur Kare Is Bat Pe K Allah Ne Ye Kyu Kaha Hai,Andha Uthane ka Matlab Yani AapKo Allah Ne Ankhe Di Lekin Apne Uska Use Na Kiya Aur Allah K Kalam Se Khudko Bekhabar Kiye Rahe…..Aur BeShak Allah Ka Kalam Sachha Hai…

👉🏻Hame Chahiye K Zindagi Rahte Allah K Paigham Ko Jaan Le,Warna Is Tarah Ki Soch Rakh Kar K Quran Na Padha To Bhi Bach Jayenge ,Akhirat Ke Din Sirf Ruswaai Hi Milegi…

Ai Allah Hame Quran Padhne Aur Samajhne Ki Taufeeq Ata Kar.
Ameen

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: