📮 AAO HAM SAB EK HO JAYE (Part,1-8)

💯✔AAO HAM SAB EK HO JAYE💯✔
(Part-1)

♻Bismillahhirrahmanirrahim♻

🔹 Kisi Bhi Amal Ki Kamyabi 2 Baton Per Hai Pehli Yeh Ke Jo Amal Kiya Ja Raha Hai Woh Khalis Allah subhanahu watala Ke Liye Ho Aur Tareeqa Rasool (saw) Ka Ho.

📘Allah tala frmata hai…

💯✔’Aye imanwalon khuda ka hukm mano aur Rasool (saw)ki farmabardari karo Aur apne aamal ko zaya mat karo.”
📚( Surah Mohammad ayat:33 )

Jitne Bhi Ambiya ikram Aayein Hain Un Sabki Pehli Dawat Dawat-E-Touheed Thi, Hamare Aakhri Nabi Mohammad sallallaho alyehi wasallam Ne Bhi Apni Makki Zindagi Main Dawat-E-Touheed Per Hi Sabse Zyada Kam Kiya, Isliye Ke Touheed Ke Bina Koee Bhi Amal Allah subhanahu watala K Yahan Qabile Qabool Nahin Hota.

⛔Agar Koee Insan Allah subhanahu watala Ke Sath Shirk Karta Hai Uske Baad Woh Kitni Bhi Namaze Parhe Kitne bhi Roze Rakhe Uska Yeh Amal Qabile Qabool Nahin Ho Sakta. Isliye Sabse Aham Cheez Insan Ka Aqeeda Hai.
Aqeeda Khalis Hoga To Allah subhanahu watala Doosre Jis Gunah Ko Chahega Maaf Kar Dega Lekin Agar Hamne Allah subhanahu watala Ke Sath Shirk Kiya To Phir Hamari Nijat Nahin Ho Sakti. Mohammad sallallaho alyehi wasallam Ne Mushrekeen E Makkah Se Gazwa Q Kiye ❓
(Gazwa:;yani wo jang jisme nabi(saw) ne khud shirkat ki)
Makkah ke Mushrik Allah subhanahu watala Ko Apna Rab Mante The Lekin WOh Allah Ke Sath Shirk Bhi karte The Isliye Unko Mushrik Kaha Gaya Woh Allah Ke Sath Doosron Logon Ko Sifarshi Banate The Iski Sari Tafseel Quran Main Mojood Hai or Allah Ne Quran Main Mushrekeen Ki Har Baat Ka Jawab Diya Hai.
Doosri Jo Baat Amal Ki Qabuliyat Ke Liye Lazim Hai Woh Hai Mohammad sallallaho alyehi wasallam Ka Tareeqa.
isliye Ke Allah subhanahu watala Ne Rasoolsallallaho alyehi wasallam Ki Itteba Karne Ka Hukum Diya Hai

📘Allah tala farmata hai….

💯✔”Momineen ki ye baat hai ke wo jab Allah aur uske Rasool ki taraf bulaae jaate hain, taake wo un mein faisla karen to kahen hum ne hukm sun liya aur maan liya, Aur yahi log falaah(nijaat) paane waale hain. ”
📚 (Surah Noor,ayat 51.)…,………………… 📝

💯✔AAO HAM SAB EK HO JAAYE💯✔
(PART-2)

👉🏻Agar Hamne Rasoolsallallaho alyehi wasallam Ka Tareeqa Chhorh Kar Kisi Aur Ka Tareeqa Apnaya To Woh Allah subhanahu watala Ke yahan Qabool Nahin Ho Sakta.
👉🏻 Ab Hum Sab Khud Sochein Aur Quran Ahdees Ki Roshni Main Sab Apne Iman Aqeede Aur Amal Ka Jayza Lein. Hum Yeh Check karein Ke Kya Hamara Aqeeda usi Tarhan Hai Jis Tarhan Rasool sallallaho alyehi wasallam Bata Kar Gaye The❓
👉🏻Kya Rasool SallAllahu Alaihi wasallam Ke Zamane Main Woh Sab Hota Tha Jo Aaj Hum Deen ke Naam Per aaj Karte Hain ❓
⛔ Jo Hum Karte Hain Aur Jo Hum Mante Hain Agar Wesa Hi Quran wa sahi Ahdees(plural of hadees) Main Hai To Samajh Lein Ke Alhamdolillah Hum Sahee Raaste Per Hain.
Lekin Agar Hamara Aqeeda Hamara Amal Us Tarhan Nahin Hai Jaisa Rasool sallallahu Alaihi wasallam Farma Kar Gaye The To Phir Hamein Badalna Hoga.
Isliye Ke Deen Wohi Hai Jo Rasool SallAllahu Alaihi wasallam Bata Kar Gaye Aur Alhamdolillah Rasool SallAllahu Alaihi wasallam Kamil Deen Dekar Gaye The.
Na Ab usme Koee Kami Hogi Aur Na Koee Zyadti. Bus Itni Guzarish hai ke Doston Ho Sakta Hai Hum Ghalat Raah Per Ja Rahe Hon Abhi Hamare Paas Waqt Hai Isse pehle Ke Yeh Waqt Khatam Ho jaye Hum Apne Aapko Check karlein
Kya Hame hamare har amal ki daleel maloom hai ❓
Ya phir samne wala kar raha h isliye ham bhe aankh band kar k uske peche ja rahe hai ❓
Dunia Ki Chhoti Si Cheez Jab Hum Khareed Ne Jate Hain To Hum Bahot Bareeki Se Har Cheez Ki Janch Karte Hain ke Kahin Hamein Koee Duplicate Cheez Na De Di Jaye, Lekin jab Deen Ka Maamla Aata Hai To Hum Phir, Kyon Tehqeeq(chan been-) Nahin Karte❓
⛔ Hum Yeh Kyon Nahin Sochte Ke Agar Allah na Karey Hum Ghalat Raaste Per Hote Hue is Dunia Se Chale Gaye To Hamara Maamla Phir Kya Hoga❓
Kya Phir Koee Aalim Murshid Koee Imam Hamari Madad Kar Sakega……… 📝

💯✔AAO HAM SAB EK HO JAYE💯✔

(Part-3)

🔹Hum Aaj Andhi Taqleed(Blind following) Main Is Qadar Doob Chukein Hain Ke Dekhna Hi Nahin Chahte Ke Allah Aur Rasoolsallallahu alaihi wasallam Ka Farman Kya Hai.

Hamein jo Bata Diya Jata Hai Aankhein Band Ki Aur Hum Usko Hi Sahee Maan Lete Hain. Aur Agar Koee Insan Kehta Hai Ke Aapka Yeh Amal Quran Ahdees Ke Khilaf Hai To use Jawab Milta Hai Ke Hamare Aalim Aapse Zyada Jante Hain.

To Un Logon Se Ek Sawal Hai Kya Aalim Sirf Ek hi Firqe(Sect) Ke Paas Hain ❓

👉🏻 Aalim To Har Jamat Har Firqe Main Mojood Hain or Har Koee Apne Aap Ko Hi Huq Per bata Raha Hai. Aur Doosri Taraf Sabko Yeh Bhi ILm Hai Ke Rasoolsallallahu alaihi wasallam Farma Kar Gayein Hain Ek Firqa Hi jannati Hoga. Aur Woh Firqa Hoga Jo Quran Aur Sunnat Pe Hoga.

👉🏻 To logo kya Yeh hamari Zimmedari nahin banti Ke Aise Mahol Main Jab Sab Apne Aapko Huq Per Bata Rahein Hain Hum Tehqeeq(investigate)Karein Aur Dekhein Ke Aakhir Huq Kiske Paas Hai❓

🔹Ek Chhoti Si Baat ,Ek Musalman Kisi Masle Per Fatwa Lene Jata Hai To Use Hamare mulkon Main Alag Alag Maslak ke Mutabiq Fatwa Diya Jata Hai.
Koee Baat Agar hanfi Maslak Main Jayaz Hai To Kisi Doosre maslak Main Wohi Baat haram Aur Najayaz Ban Jati Hai. Aap khud Sochiye Ek hi Masle Per Alag Alag Fatwe Alag Alag Raye.

Jabke Rasoolsallallahu alaihi wasallam To Ek Tareeqe per Sab Ko Chhor Kar Gaye The, wo tha Quran hadees.
Ahle Bait Sab Sahaba Kiram Ka Tareeqa bhi Ek Hi Tha. Har Masle Main Quran Aur Farman E Rasool (SAW)Ki Baat Mani Jati Thi. To Aaj hamme ithna ikhtelaf Kyu❓

Kya Allahsubhanahu watala Ne hukum Nazil Kiya Ke Hum Apne Apne Alag Alag Imam Bana Kar Firqon Main bat Jaein ❓

Kya Rasool Mohammad sallallahu alaihi wasallam Ka Farman Tha Ke Mere Baad Alag Alag Imam Bana Lena❓ To Aisa Koee Farman Quran Ahdees main nahin Hai.

🔹Beshak Allah Ne To Rasool Mohammad sallallahu alaihi wasallam Ki Itteba( kahna man’na) Karne Ka Hukum Diya Hai, Kisi b Imam Ne Ye Nahi Bola K Quran Aur Hadees Chor kar Mera Kahna Mano.Balki Wo Log ye Kah Gye k Jo Bhi Meri Bat Quran Aur Hadees Se Takraye Use Chhor Do.Qki Wo Jante The k Wo Nabi Nahi Hai Jo Unse Galti Nahi Ho Sakti.To Wo Log To Bach Jayenge Qki Wo Aisa Kah Gaye hai.Lekin Hm log Kaise Bachenge.
Hamari Nijaat Aur Kamyabi To Rasool SallAllahu Alaihi wasallam Ki Itteba Karne Main Hi Hai…………..📝

💯✔ AAO HAM SAB EK HOJAYE💯✔
(Part-4)

🔹Jab Kalma Hamne Rasool E Mohatram Mohammad sallallaho alyehi wasallam ka Parha Hai To Phir Baat Bhi hamein Rasool Mohammad sallallaho alyehi wasallam Ki Maan Ni paregi. Agar Yeh kaha Jaye Ke Sare Imam Huq Per The To Beshak Woh Huq Per The Aur Sare Imamo Ne Deen Ki Bahot Khidmat Ki Hai Unki Mehnatein Sar Aankho Per.

Lekin Hamein Yeh Bhi yaad Rakhna Chahiye ke Woh Insan ,The Woh Masoom Nahin The Woh Ambiya nahin The. Ghaltiyan Unse Bhi Ho Sakti Hain Aur Har Imam Ne Yeh Farmaya Hai Ke Logon Jab Rasool SAWW Ki Sahee Ahadees(plural of hadees) Samne Ajaye To Hamari baat Ko Chhorh Dena.

Sare Imamo Ka Iman Quran Ahadees Per hi Tha Aur Woh Isi Ko Follow Karte The .Kisi Imam ne yeh Nahin Kaha Ke meri Taqleed(blind following )Karna. Ikhtelaf Sahaba Kiram Ke Dour Main Bhi hue Lekin Jab Rasoolsallallaho alyehi wasallamKa Farman Samne Aata Tha To Sare Ikhtelaf Door Ho Jate The.

Aaj Bhi Yehi Baat Hai Agar Hum Logon Main Ikhtelaf Hai To Hum Quran Ahadees Ki Roshni Main Dekhein Ke Kis Ki Baat Sach Aur kaun Huq Per Hai. Agar Hamein Apas Me Ittehad(unity) Aur Ittefaq Chahiye To Hamein Quran Aur Sunnah Per jama Hona Hoga. …………….📝

💯✔ AAO HAM SAB EK HO JAYE💯✔
( Part-5)

🔹Ek Baat Poochte Hain Agar Koee yeh Kahe Ke Sab Muslaman Imam Abu Hanifa Ya Fir Baqi 3 Imamo Ke Naam Per jama Ho Jaye Ek Sath ? To Aap Bataein Kya Sare Musalman Imam Abu Hanifa( R.A) ya baqi 3 imamo Ke Naam per Ek Sath Jama Ho Sakte Hain ?

🔹Nahin Ho Sakte ❗Qki Sabne Apne Apne Alag Imam Chun Liye Hain.Jo Doosre Imamo Ko Follow Karne Wale hain Woh kabhi Razi Nahin Honge Ki Kisi Ek Imam Ke Naam per Sare Musalman Jama Ho Jaye. Matlab Yeh Hai Ke Aap Kisi Bhi Ek Imam Ke Naam Per Sabko Jama Nahin Kar Sakte.

🔹Hum Sab Musalman Jis Ek Naam Per Jama Ho Sakte hain Woh Hain Mohsin-E-Insaniyat Imam-E-Azam Hazrat Mohammed Rasoolsallallaho alyehi wasallam, Yehi Woh Shakhsiyat Hain Jiske Naam Per Tamam Musalman Ek Ho Sakte Hain.

🔹Hamein Rasoolsallallaho alyehi wasallam Se Sachi Moahabbat Hai To phir Hamein Aap(saw) Ki Baat Ko Apne Imamo Apne Alimo Se Uper Rakhni Hogi. Agar Hum Mohabbat Ka Dawah karte Hain To Phir Hamein Yeh Mohabbat Sabit Bhi Karni Hogi Sirf Zaban Se Rasoolsallallaho alyehi wasallam se Mohabbat Ka Dawah karna Kaafi nahin. Apne har Faisle Har Maamle Main Hamein Rasool (saw) Ki Itteba(kahna man’na) Karni Hogi………….📝

💯✔AAO HAM SAB EK HO JAYE💯✔
(Part-6)

🔹Agar Hamein Rasool (saw) Se Sachi Mohabbat Hai To Jab Rasool sallallaho alyehi wasallam ka Farman Samne Aaye To Phir Hum Yeh Na Bolein Ke Hamare Imam Ke Nazdeek Yeh Baat Is Tarhan Hain ,Aur Hum Falan Imam Ko maan Ne Walein hain Isliye Hum Aesa Karte Hain. Agar Hamne Aisa Kiya To Phir Yaqeen Kijiye Hamne Rasoolsallallaho alyehi wasallam Se Mohabbat Ka Huq Ada Hi Nahin Kiya.

🔹Agar Ham Ya Koee Aur Bhi Aapse Koee Baat kehta Hai to Use Quran Ahdees Ki Roshni main Dekhein. Koee Insan Aapko yeh Bolta Hai ke Bhai Yeh Jo Aap kar Rahe Ho yeh Quran Ahdees ke Mutabiq Nahin Hai To Uski Baat Ka Bura Maan Ne Ki jagah Us Baat Ki Tehqeeq Karein.

🔹Alhamdulillah Quran Ahdees Maujood Hain Sache Dil Se Tehqeeq Karenge To Huq Baat Insha Allah Zaroor Malum Hogi.

🔹 Yehi Meri Sabse Request Hai ke Jab Koee Baat Batayee Jaye To Us Per Bura Na Maana Karein Balki Us baat Ki Tahqeeq Kare ,k Akhir Samne wala Aisa Kyu Kah Raha.Uski Wo Bat Jo Usne Kahi Usko Check Kije K Akhir Aisi Bat Kyu Kahi Ja Rahi Hai.Yahan Per Hum Ek Doosre Ke Dushman Nahin Hain. Hum Hi Ek Doosre Ki Islah kar Sakte Hain.

Allah subhanahu watala Ne Farmaya Hai ;

💯✔” tum Behatreen Ummat Ho Jo Logon Ko Burai Se Rokte Ho AUr Bhalayee Ka Hukum Dete Ho ”

📚Surah ale imran – ayat no – 110

💯✔AAO HAM SAB EK HOJAYE💯✔
(Part-7)

🔹Zara Is Baat Par Ghaur Kare Jab Hamara Deen Ek Hai Rasool Ek Hain To phir Hamare Aqeede Aur Hamare Amaal Is Qadar Alag Alag Kyon Hain ❓

Mohammad sallallaho alyehi wasallamTo Ek Shariyat De Kar Gaye The.Phir Itna Farq Kaise.

Jab Allahsubhanahu watala Ne Hamein Itna Roshan Deen Diya Hai To Phir Hum Q Nahin Samajhte ❓

🔹Allah subhanahu watala Ne Hamein Andhere Main Nahin Chora Hamein Quran o hadees Diya or Quran hadees Ko Kis Tarhan Samajhna Hai Us Per Mohammad sallallaho alyehi wasallam Ne AMal karke Dikhaya. Ab phir Kya Reh Jata Hai ❓

👉Kya Hamare Liye Quran Aur Farman_E_RasoolMohammad sallallaho alyehi wasallam Kafi Nahin ?

Jo Ham Deen Me Nayi Nayi Biddate Kar Rahe hain.Aise Aise Amal Kar Rahe Hain Jinka Quran Aur Hadees Me Koi Saboot Hi Nahi Hai.

🔹Ek Misaal Lelijiye Agar Pakistan Main Islami Shariyat Qayam Hoti Hai To Konse Imam Ki Fiqah Qayam Ki jaygi ❓Kya Sare Log Kisi Ek Imam Per Razi Ho Jayenge?

Nahiiiii

🔹Dosre To Chhoriye Hanafi logon Main Bhi do Bade Firqe Hain Ek Hain Barelvi Doosre Hain Deobandi Kya Yeh Dono Har Baat Per Ek Ho Jaeinge❓

Nahiiiiii

🔹Jabke Ham Sabko Pata Hai ke Barelvi or Deobandiyon Main Kis Qadar Ikhtelaf Hai. Shariyat To Bus Wohi Hai Jo Mohammad sallallaho alyehi wasallam Dekar Gaye Usi per Hum Ek ho sakte Hain. Aur Jab Tak Hum Ek Nahin Honge Hamare Halaat Sudharne Wale Nahin, Zaroorat Aaj isi Baat Ki Hai ke Hamare Andar Ittehad(unity) Ho Ittefaq Ho……………..📝

💯✔AAO HAM SAB EK HO JAYE💯✔
Part-8(Complete)

⛔Sare Musalman Ek Plateform Pe Tabhi Asakte Hain,Jab Ham Sab Ek Hi Rasta Apnayenge Aur Wo Hai Allah k Kalam Aur Rasool (saw) Ki Sunnat Ka Rasta. Kahne Ko To Har Koi Khada Ho Jata Hai K Ham Quran Aur Sunnat Ke Raste Pe Hain Lekin Ye Kahna Sirf Zabani Hai.Hame Zabani Ummate Mohammadiya Nahi Banna Hai.
Aur Jo Firqa Jannat Jane Wala hai Uski Khasiyat Hi Yahi Hai K Wo Allah K Rasool(saw) K Aur Sahabao K Tareeqe Pe Hoga.

↪Aiye Is Firqe K Bare Me Hadees Se Jane.
“Meri Ummat 73 Firqon Me Bategi, Sab Jahannumi Honge, Sirf 1 Firqa Jannati Hoga Jo Mere Aur Mere Sahaba Ke Aqeede Par Hoga”.
📚(Tirmizi Sharif, 2641 )

👆🏻Yani Ham Sab Jab Unka Tareeqa Apnayenge Tabi Ham Jannat Jane Wale Firqe Me Shamil Ho Payenge. Ai Allah Ham Sab Ko Rasool Allah(saw) ke Aur Sahabao K Tareeqe Pe Amal Karne Ki Taufeeq Ata Farma.Aur Jannat Jane Wale Firqe Me Shamil Kar.Ameen

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: