Monthly Archives: May, 2016

📮ROZE KI NIYAT KI GHALAT DUA SE BACHEIN

📮ROZE KI NIYAT KI GHALAT DUA SE BACHEIN

🔴❌Ek Dua jo haal hi me ijad hui jiska Tarjuma hamare Rozo ko Incomplete karta hai.. aur afsos ke aaj wo dua hum sab me aam hai Ramzan ke Calendar me..
Aur hum iss ke sahi ya galat honey par tawajjo nahi de paa rahe hai …

❣ Aayiye dekhte hai isme kya galati hai ?
🔺 Roza Rakhne ki Niyat ki Dua – “navayatu an asu’m gadal ……”
🔻Tarjuma – “mai roza rakhne ki niyat karta/karti hu KAL ka”

📝Arabi Zubaan me jo Kal (Past) guzra usey kehte hai “Al-Ams”
📝 Jo aaj guzar raha hai (Present) usey kehte hai “Al-Youm”.
📝 Aur jo kal Aane wala (Future) hai usey kehte hai “Gadan”

⚜Tou kya maaney hotey hai iss Dua ke ?.
“ke mai roza rakhne ki niyat karta hu kal ka”..
🔹Jab Ke Sabhi Jante hai jis wakt yeh Dua ki jaati hai wo usi din ke Roze ki Dua ki jati hai..
tou yeh dua sahi kaisi hui?.

🔸 Tou Behar-Haal Niyat karne ki koi Makhsus dua Sabit nahi !
bus ye Dil ka Irada Hai Lihaza Aap dil me Irada kar Ley ke Mai Roza rakhta/rakhti hu khalis Allah ke liye.

🔹Allah Ta’ala yakinan apne bando ke liye Deen me Aasani chahta hai! Dushwari nahi chahta.

🔸Ab raha Sawal ke aisi Galat Dua kaha se ijad hui.
❗Yeh bas isiliye hui kyunki bataney wale ne apna Qoul toh bataya lekin hum ne tasdik kiye bagair isey amal me laya.

Note✏ROZE KI NIYAT KI KOI DUA HADEES SE SABIT NAHI HAI,SIRF IFTAR KI DUA   HAMARE NABI(SAW) NE HAME BATAI HAI.AUR HAME WOHI KARNA HAI JO UNHONE BATAYA.DEEN ME KUCH NAYA DAKHIL KARNA BIDDAT HAI.AUR HAR BIDDAT GUMRAHI HAI AUR HAR GUMRAHI KA THIKANA JAHANNUM HAI.

📮SAHIH AUR DAIF/ZAEF AHADITH ME FARQ NA KARNE KA ANJAM❗

📮SAHIH AUR DAIF/ZAEF AHADITH ME FARQ  NA KARNE KA ANJAM❗

🍂🍃Bismillahhirrahmanirraheem🍃🍂

ℹIs post ko banane ka maqsad ye hai ki jab tak ham Sahih aur Da’eef hadith ka farq nahi karenge tab tak hamara eeman muqammal nahi hoga kyuki boht si aesi zaif hadeese hai jinhe agar maan liya jaye to hamara eeman baki nahi rah sakta. Kyuki ab kuch logo ke Aqide aur namaz ke tarike zaif hadith pe hote hai aur jab unse islah ki jati hai to kahte hai ki ye hadeeso ko zaif kahdete hai. To iska jawab ye hai ki Ham nahi balki Muhaddiseeno ne hadeeso ko Da’eef kaha hai.

↘Ham kaun hote hai un hadith ko zaif kahne wale. Ye usool e hadith ki kam-ilmi ke wajah se aesi baate karte hai. Imam Muslim ne apni kitab Sahih Muslim ke Muqaddamah me kaha hai ki Da’eef hadith Islam me Dalail ke taur par nahi liya ja sakta chahe wo Fazail ke muamle me hi kyu na ho. Aur boht se Muhaddiseen ne bhi ye kaha hai.

▶Ab isi ke Mutallik chand hadeese pesh karne ki koshish karte hai taaki agar kisiko zaif hadeeso ko manna ho to in zaif hadeeso ko bhi maane aur eeman se khali hojaye.

1⃣Syedna Huzaifa bin Yamaan ne Abu Musa al-Ashari Ra. ko samnese aate hue dekha to kaha ki ye Munafiq hai.

📚[ Al Marifa wa Tareeq: jild 1 p, 365; Al makatabatu ashamila. ]

✨Sahih al Bukhari aur Sahih Muslim ke tahat Syedna Huzaifa bin Yamaan wo sahabi hai jinko RasoolAllah Sallallahu Alai Wasallam ne munafiq ke naam bataye the. Ab is hadiht ke tahat Abu Musa farigh aur inse tamam hadeese farig ho gai jab ke ye sahaba ki hadith Sahih al Bukhari aur Muslim me bhi hai. Is hadith ki muttasil sanad hai bas 1 sukam hai. Is hadith me Imam Amash hai jo Mudallis hai. Lihaza ye hadith zaif hui. Ab agar is hadith ko maan liya jaye to nauzbillah hamara eeman baki nahi rahta kyuki ham ek sahaba par munafik ka ilzam laga rahe hai aur fir isi wajah se hame Bukhari aur Muslim jaise buland kitab ko bhi chhorna padega. Imam Muslim ka bhi kahna hai Sahih Muslim ke muqaddamah me ki Mudallis ki ‘An’ wali riwayat qubul nahi ki jayegi jab tak sama ki Tashree na ho.

Ek baat aur gaur kare ki jo hamare kuch bhai kabr se madad ke silsile me ek hadith dete hai ki ek Arabi aya RasoolALlah ki kabr par aya aur fir usne kaha ki maine apne jaan par zulm kiya fir aata hai ki RasoolAllah ne kaha ki Jao Umar r.a. ko mera salaam kaho aur kaho ki sakhti na kare.

Ab is hadith ki bhi sanad Mutassil hai lekin is haidth me bhi wahi problem hai jo upar wali hadith me bayan kiya gaya ki isme Amash mudallis hai. Lihaza agar hamare kuch bhaiyo ne is hadith ko sahih manna hai to upar wali hadith ko bhi sahih maane ki Nauzbillah sahaba Musa al-Ashari r.a. munafiq hai. MaazAllah! Astagfirullah !

___________________________________________________

2⃣Hudhayfah Rad. jo kahte hai ki…

‘Abd-Allaah ibn Mas’ood r.a. ne kaha ki RasoolAllah Sallallahu Alai Wasallam ne farmaya ki…

” Teen masjide..

📚[ Al-Masjid al-Haraam (in Makkah),
Al-Masjid al-Nabawi (in Madeenah) aur
Al-Masjid al-Aqsa (in Jerusalem) ]

ke alawa kisi masjid me Aetiqaf jayz nahi hai.

📚[ Al-Bayhaqi, 4/315. ]

✨Is hadith ki bhi puri sanad mutassil hai siwae iske ke is hadith me Sufyan ibn `Uyaynah r.h. Mudallis hai jo ki ‘An’ se riwayat kar rahe hai. Toha ab jo Tadlees wali hadeeso ko zaif nahi manta ho wo in teen masjid ke alawa kisi masjid me Aetikaf bhi na kare.

Aur isi wajah se ek wo hadith bhi Da’eef hogai Jo Sunan Abu Dawud aur Sunan Tirmidhi me aya hai, aur dono Imam ne kaha hai ki ye hadith sahih aur sabit nahi hai.

📝Abdullah bin Masood r.a. ne farmaya:’Kya main tumhei’n Rasool Allah ѕαℓℓαℓℓαн нυ αℓℓαyнє ωαѕαℓℓαм ki namaz na bataou’n? inho’n ne namaz padhi aur hath na uthae magar pehli martaba.’

📚[ Abu Dawood: as Salah # 257 ]

Ab Is haidth me Sufyan As-Suri Mudallis hai aur wo ‘An’ se riwayat kar rahe hai. Lihaza jisko ye hadith sahih manni hai to woh sahabi e Rasool Musa al-Ashari r.a. ko Munafiq mane. MaazAllah.

____________________________________________________

3⃣RasoolAllah SALLALLAHU ALAI WASASALLAM ne farmaya,

” Jo shaks apne Nasab par fakr kare usse kaho ki apne baap ka Sharamgaah (private part) kaat kar apne Muh me rakh le. Aur ye baat kanaye se na kahna, sidha karna.”

📚[ Musnad Ahmed # 21272,
Al Adab al Mufrad # 963,
Mishkat al Masabih # 4902, Al makatabatu Ashamila. ]

Astagfirullah !!!

Kyu Huzur apni zuban se aesi baat nikal sakte hai? Quran me aya hai ki Nabi Sallallahu Alai Wasallam aqhlaq ke buland darje pe Faa’iz hai.

Aur Sahih al Bukhari aur Sahih Muslim me riwayat hai ki RasoolAllah Sallallahu Alai Wasallam ne Kawari ladkiyo se bhi zyada sharm o haya thi.

Ye hai Bukhari aur Muslim !!! aur wo hai dusri kitabe.

Ye Hadith Da’eef hai kyuki isme Hasan Basri Mudallis hai aur wo “An” se riwayat kar rahe hai.

____________________________________________________

4⃣Nabi e Kareem Sallallahu Alai Wasallam ki nazar ek baar Zayd ibn Harithah (Muh bole bete) ki biwi par padi tho Huzur ko pasand aagayi,

Fir Allah ne Sallallahu Alai Wasallam ko khush karne ke liye Zayd Ibn Harithah ke dil me apne biwi ke liye nafrat daal di Taaki wo Talaq dede aur baad me Huzur ne khud shadi karli unse.

📚[ Imam Ibn Jareer ki Tafseer e Tabari, Surah al Ahzaab. ]

‪#‎Wazahat‬ :

Darasal Hua yahi tha ki Zayd r.a. ne apne biwi ko chhor diya tha lekin is tarha se nahi hua tha Surah al Ahzaab ap padh kar dekh le is ke detail ke liye.

Ab Ye jo upar ki hadith hai ye jhuti kahani banayi gayi hai. Aur ab agar is riwayat ko maan liya jaye to fir Munkireen e hadith to thik kahte hai ki Quran to kahta hai ki,

“Tumhare Nabi na to kabhi bahke hai aur na kabhi be-raah chale hai”.

Agar ye hadith maan li jaye ki nauzbillah Nabi ki nazar na-mahram par padi aur unhe pasand aagai to fir hamara eeman hi nahi bachega, aur Deen ka beda Gark ho jayega.

Allah ki panah !!

Aur wo hadith fir yad karle jo Bukhari aur Muslim me hai ki Nabi Sallallahu Alai Wasallam me kawari ladkiyo se zyada sharam aur haya hai.

📮WASEELAH KI HAQIQAT

📮WASEELAH KI HAQIQAT

🍂🍃Bismillahhirrahmanirraheem🍃🍂

↘SIRF 3 TARAH KE WASEELAH LENA JAYEZ.
(There are only 3 kinds of Intercessions which are Valid)

JAYEZ WASEELEY

⭕1.ALLAAH Ke Naamon Ka WaseeLah.
📚[AL-Qur-aan, 7 : 180 & 17 : 110]

⭕2.Apne Neyk A’maaL Ka WaseeLah.
📚[Saheeh AL-Bukhaari : 2215]

⭕3.Kisi Neyk ZINDAH AADMI Se Duaa’ Karwaana.
📚[Saheeh AL-Bukhaari : 1010]

➰🔴SABSE PEHLA WASEELAH.
(First Intercession)

✔1. Aur Achchey Achchey Naam ALLaah Hi Ke Liye Hain So Un Naamon Se ALLaah Hi Ko Mausoom Kiya Karo.(Ya’ni ALLaah Ke Naamon Se Pukaaro)

In English,

And (all) the Most Beautiful Names belong to ALLaah, so call on Him by them. (It Means invoke ALLaah by his names)

📕[Surah AL-A’raaf, Aayat : 180]

✔2. [Aye Nabi (SaLLaLLaahu A’Laihi WasaLLam)]

Keh Deejiye Ke ALLaah Ko ALLaah Kehkar Pukaaro Ya Rahmaan Kehkar Jis Naam Se Bhi Pukaaro Tamaam Achchey Naam Usi Ke Hain.

In English,

Say [O Muhammad (SaLLaLLaahu A’Laihi WasaLLam)]: “Invoke ALLaah or invoke the Most Beneficent (ALLaah), by whatever name you invoke Him (it is the same), for to Him belong the Best Names.

📗[Surah Banee IsraaeeL, Aayat : 110]

➰APNE NEYK A’MAAL KA WASEELAH MAANGNEY KA TAREEQAH.
(Intercession of your Good deeds.)

✔Raavi-e-Hadees Ibn U’mar (RaziyALLaahu A’nhu)

Nabi (SaLLaLLaahu A’Laihi WasaLLam) Ne Farmaaya :“Teen Shakhs Kaheen Baahar Jaa Rahey The Ke Achaanak Baarish Honey Lagi. Unho Ne Ek Pahaad (Mountain) Ke Ghaar (Cave) Mein Jaakar Panaah Lee. IttifaaQ Se Pahaad Ki Ek Chattaan Oopar Se Giri (Aur Us Ghaar Ke Mooh Ko Bund Kar Diya Jis Mein Yeh Teenon Panaah Liye Huye The)
Ab Ek Ne Doosrey Se Kaha Ke Apney Sab Se Achchey A’maL Ka Jo Tum Ne Kabhi Kiya Ho, Naam Ley Kar ALLaah Taa’Laa Se Duaa’ Karo.

1. US PAR UN MEIN SE EK NE YE DUAA’ KI : Aye ALLaah ! Merey MAA BAAP Bohat Hi Bhoodhey The. Main Baahar Ley Jaakar Apne Maveyshi (Cattle) Charaata Tha. Phir Jab Shaam Ko Vaapas Aata Tou Un (Maveyshi Jaanwaron) Ka Doodh NikaaLta Aur Bartan Mein PehLe Apne VaaLidain Ko Peysh Karta. Jab Merey VaaLidain Pee Chuktey Tou Phir Bachchon Ko Aur Apni Beewi Ko PiLaata. IttifaaQ Se Ek Raat Vaapsi Mein Deyr Ho Gayi. Aur Jab Main Ghar Lauta Tou WaaLidain So Chukey The. Usney Kaha Ke Phir Mainey Pasand Nahin Kiya Ke Unhein Jagaaun Bachchey Merey Qadmon Mein Bhookey Padey Ro Rahey The. Main Baraabar Doodh Ka PyaaLah Liye VaaLidain Ke Saamney Usi Tarah Khada Raha Yahaan Tak Ke Subah Hogayi. AYE ALLAAH ! AGAR TEREY NAZDEEK BHI MAINEY YEH KAAM SIRF TERI RAZAA HAASIL KARNEY KE LIYE KIYA THA, Tou Hamaarey Liye Is Chattaan Ko Hataa Kar Itna Raastah Tou Bana Dey Ke Hum Aasmaan Ko Tou Dekh Sakein.

Nabi (SaLLaLLaahu A’Laihi WasaLLam) Ne Farmaaya : Chunaachey Woh Patthar Kuch Hatt Gaya.

2. DOOSREY SHAKHS NE DUAA’ KI : Aye ALLaah ! Tu Khoob Jaanta Hai Ke Mujhey Apne Chachaa Ki Ek Ladki Se Itni Zyaadah Muhabbat Thi Jitni Ek Mard Ko Kisi Au’rat Se Ho Sakti Hai. Us Ladki Ne Kaha Tum Mujhse Apni Khwaahish Us WaQt Tak Poori Nahin Kar Saktey Jab Tak Mujhey Sau Ashrafee (100 Deenaar/ Gold Pieces) Naa Dey Do. Mainey Un (100 Deenaar) Ko HaasiL Karney Ki Koshish Ki, Aur Aakhir Utney Ashrafee Jama’ Kar Liye. Main Us Ke Dono Raanon (Thighs) Ke Darmiyaan Baitha. Tou Woh BoLi ALLaah Se Darr, Aur Mahar Ko Naa Jaaez TareeQey Par Naa Tod (Ya’ni Baghair Shaadi Ke). Us Par Main Khada Hogaya Aur Mainey Usey Tark Kar Diya (So, I got up and left her).

AB AGAR TEREY NAZDEEK BHI MAINEY YE A’MAL TERI HI RAZAA KE LIYE KIYA THA. Tou Hamaarey Liye (NikaLney Ka) Raastah Bana Dey.

Aap (SaLLaLLaahu A’Laihi WasaLLam) Ne Farmaaya : Chunaachey Woh Patthar Do Tihaai (two-thirds) Hatt Gaya.

3. TEESREY SHAKHS NE DUAA’ KI : Aye ALLaah ! Tu Jaanta Hai Ke Mainey Ek Mazdoor Se Ek FaraQ (Teen (3) Saa’ Jo TaQreeban 7.5 Kg Hota Hai) Jawaar (Barley/Baajraa) Par Kaam Karaaya Tha. Jab Mainey Uski Mazdoori Usey Dey Dee Tou Usney Leney Se Inkaar Kar Diya. Mainey Us Jawaar Ko Ley Kar Bo Diya (Kheyti Jab Kati Tou Us Mein Itni Jawaar Paida Huyi Ke) Ussey Mainey Ek BaeyL (Cow) Aur Ek Charvaaha (Shepherd) Khareed Liya. Kuch A’rsah Ba’d Phir Usney Mazdoori Maangi, Ke ALLaah Ke Bandey Mujhey Mera HaQ Dey Dey (Ya’ni Mazdoori). Mainey Kaha Ke Us BaeyL (Cow) Aur Us Charvaahey (Shepherd) Ke Paas Jaao Ke Yeh Tumhaari Hi Mazdoori Hai Usney Kaha Ke Mujhse MazaaQ Kartey Ho. Mainey Kaha Main MazaaQ Nahin Karta. VaaQa’ei Yeh Tumhaarey Hi Hain. Tou AYE ALLAAH ! AGAR TEREY NAZDEEK YEH KAAM MAINEY SIRF TERI RAZAA HAASIL KARNEY KE LIYE KIYA THA Tou Yahaan Hamaarey Liye (Is Chattaan Ko Hataa Kar) Raastah Bana Dey. Chunaache Woh Ghaar (Cave) Poora KhuL Gaya. Aur Woh Teenon Shakhs Baahar Aagaye.

📚[Saheeh AL-Bukhaari, Book of Sales and Trade, Hadees : 2215]

TO READ IN ENGLISH JUST VISIT THE LINK GIVEN BELOW 🏻🏻

SEE THIS LINK : http://sunnah.com/bukhari/34/162

📝↪TASHREEH : Is Hadees Se A’maaL SaaLih (Nekiyon Ke Kaamon) Ko Bataur WASEELAH ALLAAH Ke Saamney Pesh Karna Saabit Hua. Aur AsaL WASEELAH Aisey Hi A’maaL SaaLihah Ka Hai.

Aur Aayat Kareemah : WABTAGHOO ILAIHIL-WASEELAH (AL-Qur-Aan : AL-Maaeidah : 35) Ka Yahi MafHoom Hai. Jo Log QABARON, MAZAARON Aur MURDAH BUZURGON KA WASEELAH DHOONDTEY HAIN WOH GHALATI PAR HAIN.

✔ZINDAH AADMI KA WASEELAH LENA.
(Taking intercession of a living person)

Raavi-e-Hadees Anas Bin MaaLik (RaziyALLaahu A’nhu)

Ke Jab U’mar (RaziyALLaahu A’nhu) Ke Zamaaney Mein Qahat (Sookha) Padta Tou U’mar (RaziyALLaahu A’nhu) Abbaas Bin A’bduL MuttaLib (RaziyALLaahu A’nhu) Ke WaseeLah Se Du’a Kartey Aur Farmaatey Ke :

Aye ALLaah ! PehLe Hum Terey Paas Apne Nabi (SaLLaLLaahu A’Laihi WasaLLam) Ka WaseeLah Laaya Kartey The Tou Aap Paani Barsatey The. Ab Hum Apne Nabi (SaLLaLLaahu A’Laihi WasaLLam) Ke Chachaa (Abbaas RaziyALLaahu A’nhu) Ko WaseeLah Banaatey Hain Tou Aap Hum Par Paani Barsaaiye.

Anas (RaziyALLaahu A’nhu) Kaha Ke Chunaanchey Baarish Khoob Hi Barasti.

📚[Saheeh AL-Bukhaari, Kitaab-UL-IstisQaa, Hadees : 1010]

To Get this Hadees In English Please visit the Link Given below.🏻🏻

SEE THIS LINK http://sunnah.com/bukhari/15/5

📝↪TASHREEH : Is Hadees Se Ma’Loom Hota Hai Ke Ghair Maujood (Insaan) Ya Murdon Ka WaseeLah Lena Naa Jaaez Hai.

Jaisa Ke Aaj KaL Ke Kuch Gumraah MusaLmaan Marey Huye Buzurgon Ka WaseeLah Letey Hain.

ℹNOTE : Agar Marey Huye Logon Ka WaseeLah Lena Jaaez Hota Tou U’mar (RaziyALLaahu A’nhu) Nabi (SaLLaLLaahu A’Laihi WasaLLam) Ka WaseeLah Zaroor Letey The.

Sahaabah Bhi Is Hadees Mein Jis Tarah BatLaaya Gaya Hai Sirf Usi Tarah Ka WaseeLah Liya Kartey The.

ALLaah Hamaarey Naam Nihaad MusaLmaanon Ko Saheeh Deen Ki Samajh A’taa Farmaa.
Aameen ya RabbaL Aa’Lameen..!!

📮Kya “FIQH HANAFIYAH” ki kitabein Imam Abu Hanifa(rh) ne likhi❓

📮Kya “Fiqh Hanafiyah” ki kitabein Imam Abu Hanifa rh ne likhi…?
—–
🍃BismillahirRahmanNirRaheem🍃
—–

📗 Jawab :

—–
✅Beshak, 4 Imam (Abu Hanifa, Malik, Shafi, Ahmed Hanbal) zaati taur par Haqq par hai aur inki IZZAT karna ham par lazim hai lekin inke naam par jo firke bane hai yah Haqq par nahi hai

—–
↪Hindustan ke Mashhoor Muballigh aur Muhaddis Shah Waliullah Dehlawi (Rh) apni kitab….
—–
📗Hujjat Allah al-Baligha me likhte hai ke …
—–

“Imamo ke naam par jo Mazahib banaye gaye jaise Hanafi, Maliki, Shafi, Hanbali yah 400 san Hijre me wajood me aaye. Usse pahle yah firke wajood me nahi the”.

—–
🔆Iska matlab yah huwa ke
Aaj jis shakl me yah 4 firke paaye jaate hai, in 4 Imamo ne apne hatho se apni zindagi me yah 4 firke unone nahi banaye balke baad me in firko ki buniyaad 400 san Hijri me padi.
Waise bhi Imam Abu Hanifa (Rh) ki likhi hui koi kitab aaj MARKET me maujud nahi hai.

—–
👉Kya kabhi aap kisi masjid me Imam Abu Hanifa(Rh) ki likhi koi kitab dekhi ya padhi hai????? To fir Hanafi bhai kaise dawa kar sakte hai ke Fiqh Hanafi Quran wa Sunnat ke jaisa mahfuz hai.

—–
Fiqh Hanafiyah ki saare kitabein Imam Abu Hanifa (Rh) ki wafat ke 270 saalo baad likhi gayi.

—–
Imam Abu Hanifa (Rh) ki wafat 150 Hijri me hui aur Fiqh Hanafiyah ki pahli kitab 420 Hijri me likhi gayi yaani 270 saal bad.

—–
↪Aaeeye, aaj dekhte hai Fiqh Hanafiyah kitabein kab lihki gayi. 

—–
🔴 1. Al -QUDURI :
—–
Al-Quduri, Fiqh Hanafiyah ki sab se pahli likhi hui kitab hai.
—–
Jisko Ahmad bin Mohammad bin Ahmad Al-Baghdadi ne likha hai.
Yeh kitab 420 Hijri me likhi gayi yaani Imaam Abu Hanifa (Rh) ki wafaat ke 270 saal baad.
—–

🔴2. Al-HIDAYA :

—–
Yah Fiqh Hanafiyah ki sabse zyada motbar kitaab
—–

Jisko Burhanuddin Ali Bin Abi Bakr ne likha hai.
—–
Yah kitaab 593 Hijri me likhi yaani Imaam Abu Hanifa(Rh)  ki wafaat ke 443 saal baad.

—–
🔴3. SHARAH WIQAYA:

—–
Yah bhi Fiqh Hanafiyah ki motbar kitaab hai jo Hanafi madarso me padhaae jaati hai.
—–

Jisko Abdullah Bin Masud Mahbubi ne likha hai.
—–
Yah kitaab 745 Hijri me likhi yaani Imaam Abu Hanifa(Rh)  ki wafaat ke 595 saal baad.
—–

🔴4. DURRE MUKHTAR :

—–
Durre- Mukhtar ke, Jild 1, Safa 19 par  likha he ki…
—–

“Fiqh ka sikhna sikhaana Quran ke sikhne sikhaane se afzal hai”.

—–
Jisko “Mohammad Alauddin Sheikh Ali ne likha hai.

—–
Yah kitaab 1071 Hijri me likhi yaani Imaam Abu Hanifa(Rh)  ki wafaat ke 921 saal baad.

—–
🔴5.FATAWA AALAMGIRI:

—–
Yah kitaab Mashhoor Mughal Badshah Aurangzeb (Rh) ke hukm se  likhi gayi.

—–
Yah kitaab 1118 Hijri me likhi yaani Imaam Abu Hanifa(Rh)  ki wafaat ke 968 saal baad.
—–
……………………………………………..

—–
📧 Paigham:

Imamo aur dusare Shakhsiyato ke naam par jitney bhi firke banaye gaye yah ek Islam me bahot badi BIDDAT hai. 
—–
Aur 4 Imamo ne khud apne naam par FIRKE banane ka hukm nahi diya.

—–
Shakhsiyat parasti Islam me haram hai, iski wajah se hi Islam tukdo tukdo me bat gaya. Agar Musalmano ke andar ittihaad qayam  karna hai to is “firka parsti” se bahar nikal kar khalis Quran wa sunnat par amal karna hoga.

—–
Jo kitabein Imam Abu Hanifa (Rh) ki wafat (maut) ke sekado saalo baad ke likhi gayi ho fir kaise be-sanad aur be-dalil in kitabo ko Imaam Abu Hanifa(Rh) se joda jaa sakta hai???

📮KYA NABI (SAW)KO ILM GHAIB THA❓

📮KYA NABI (SAW)KO ILM GHAIB THA❓

🍂🍃Bismillahhirrahmanirraheem🍃🍂

Jawab📕

✔“keh do k Allah k siwa aasmaanoon aur zameen mein koi bhi ghaib ki baat nahein jaanta aur unhein iss ki bhi khabar nahein k wo kab uthaay jayein gey.”

📗[Surah Namal, 27:65]

✔Umm-ul-Mu’mineen Hazrat A’isha Siddiqah (may Allah be please with her) ka irshaad hai k jo shakhs yeh kahay k Rasool (sallallahu ‘alaihe wasallam) ghaib jaantay thay uss nay Allah per buhtaan baandha.
📚[Sahih Bukhari, Kitaab-ul-Tafseer (Surah wa-Najam), Hadith#4855]

ab Quran aur Sahih Ahadeeth ki kitaaboon se kuch hawale iss silsilay mein darj kie jaatay hein…

📚📗Quran-o-Hadeeth se hawaale

✔— Hazrat A’isha (may Allah be pleased with her) per ifk ka muamala, jis ki haqeeqat ka Rasool (sallallahu ‘alaihe wasallam) ko wahi se pehlay ilm na hua.
📕(Surah Noor, 24:16-26 .)‘ 📚Bukhari, Kitaab Al-Maghaazi, Hadith#4141]

✔— shehed ka waqi’a jis mein Rasool (sallallahu ‘alaihe wasallam) ki do bewioon nay mansooba-bandi ki aur us k natejay mein Rasool (sallallahu ‘alaihe wasallam) nay apnay ooper shehed haraam farma lia, baad mein Allah ne Aap (sallallahu ‘alaihe wasallam) ko saari baat bata di.
📗[Surah Tehreem, 66:1-4 ‘ 📚Sahih Bukhari, Kitab-ul-Tafseer, Hadith#4912’5267’5268]

✔— Hum nay kuch paighambaron ka haal tujhse bayaan kia , kuch ka na kia.
📗[Surah Nisa, 4:164]

👉yaad rahay k Quran mein to sirf 25 anbia-o-rusl ka zikar aur un ki qoomoon k halaat bayaan kiay gayay hein, jab-k anbia ki kul taadaad bohat ziada hai.

✔— paighambaroon se Allah poochay ga tumhein kia jawaab mila? wo kahein gay humein pata nahein hai.
📗[Surah Maidah, 5:109]

✔— Allah k siwa kisi ko pata nahein k wo kab uthaay jayein gey.
📗[Surah Namal, 27:65]

✔— Qayamat k waqt ka Rasool Allah (sallallahu ‘alaihe wasallam) ko pata nahein.
📗[Surah Ahzab, 63 ‘ Surah Shoora, 17 ‘ Surah A’raaf, 187 ‘ Surah Ta-Ha, 15 ‘ Surah Namal, 65 ‘ Surah Luqman, 34 ‘ Surah Fussilat, 47 ‘ Surah Zukhruf, 85 ‘ Surah Mulk, 25-26]

✔ Aap (sallallahu ‘alaihe wasallam) nay wafaat se aik mah pehlay farmaya qayamat k waqt ka ilm sirf Allah ko hai.
📚[Sahih Muslim, Hadith#2538]

✔— Allah k lashkaron ko Allah k siwa koi nahein jaanta.
📗[Surah Muddassir, 74:31]

✔— Rasool Allah (sallallahu ‘alaihe wasallam) ka aasmaanon per tashreef lai jaana aur Jibreal (‘alaihi ssalaam) se baar baar pochna yeh koon hein. paanch dafa poocha yeh koon hein. phir mujhay Jibreal (‘alaihi ssalaam) sidra-tul-muntahaa tak lai gayay jis k rangon ka mujhay ilm nahin k kaisay hein.
📚[Sahih Bukhari, Kitaab As-Salaah, Hadith#349’4233 ‘ Sahih Muslim, Kitaab Ul-Emaan, Hadith#163]

✔— Rasool Allah (sallallahu ‘alaihe wasallam) nay farmaaya: “mein nay khuwaab mein daikha k aik aadmi bait-ullah ka tawaaf ker raha hai. maine poocha yeh koon buzurg hein to farishtoon nay bataaya k yeh Maseeh ibn Maryam (‘alaiha ssalaam) hein phir meine aik shakhs ko tawaaf kertay daikha maine poocha yeh koon hein? farishtoon nay bataaya yeh dajjaal hai.”
📚[Sahih Bukhari, Hadith#6999 ‘ Sahih Muslim, Kitaab Ul-Emaan, Hadith#169]

✔— Hazrat A’isha (may Allah be pleased with her) nay farmaya k jo shakhs bhi tum se yeh 3 baatein bayan karay wo jhoota hai k:1. Rasool Allah (sallallahu ‘alaihe wasallam) nay apnay Rab ko daikha2. Rasool Allah (sallallahu ‘alaihe wasallam) aanay waalay kal ki bat jaantay hein aur3. jo kahay k Rasool Allah (sallallahu ‘alaihe wasallam) nay tabligh-e-deen mein koi baat chupaee thi.
📚[Sahih Bukhari, Kitaab Al-Tafseer (Surah wa-Najam), Hadith#4855 ‘ Sahih Muslim, Kitaab Al-Emaan, Hadith#177]

✔fatah makkah k moq’ay per Rasool Allah (sallallahu ‘alaihe wasallam) ki khidmat mein Hazrat Umm-u-Haani (may Allah be please with her) hazir huein. wo bayan kerti hein k Aap (sallallahu ‘alaihe wasallam) ghusl ker rahay thay aur aap ki baiti Hazrat Fatima (may Allah be pleased with her) parda kiay huay thein, maine Aap (sallallahu ‘alaihe wasallam) ko salaam kia. Aap (sallallahu ‘alaihe wasallam) nay poocha koon hai? maine bataya k mein Umm-u-Haani hoon.
📚[Sahih Bukhari, Kitab Al-Ghusl, Hadith#280]

📮2-3 DIN KE LIYE KYA KOI I’TIKAAF KE LIYE BAITH SAKTA HAI❓

📮2-3 DIN KE LIYE KYA KOI I’TIKAAF KE LIYE BAITH SAKTA HAI❓

Jawab📕

Das dino ke liye I’tikaaf karna behtar hai kyunki hamare Nabi(saw) aisa karte the.

✏Mafhoom e Hadees
✔Aisha(r.a)se riwayat hai
“Nabi(saw)Ramzan ke akhiri ashre(yani akhiri 10 rat) me i’tikaaf kiya karte the”
📚(Bukhari,2026)

👉Agar koi muslim das din ke liye i’tikaaf nahi kar sakta to wo jitna kar sakta hai utna kare.2 din 3 din ya usse bhi zada ya usse bhi kam bhale ek hi raat kare.

✔Sheikh ibn bazz(raheemullah)ne kaha;
I’tikaaf ka matlab yani masjid me Allah ki ibadat ke liye thaherna,chahe zada waqt ke liye chahe to kam waqt k liye,wo chahe ek din do din ya usse b zada.

📑📔Fataawa al-Shaykh ibn Bazz,15/441

📮”SALAFI” KAUN……….❓

📮”SALAFI” kaun…❓

🍃BismillahirRahmanNirRaheem🍃

Jawab 📕

👉Jab ham apne apko SALAFI kahte hai ham SAHABA, TABI’IN aur TAB TABI’IN aur SALAF-e-SALEHIN ke raah par chalne wale aur Quran Wa Sahih Hadees ko inke MAJMUYI FAHEM  (Collective Understanding)  ke mutabik Samaj ne wale.

⭕Aaj Islamic duniya me 2 naam bade badnaam hai aur public me inke bareme badi bad-gummaniya hai, wo 2 naam hai  “AHLUL HADEES” aur “SALAFI”.  Yah un logo ki ilm ki kami hai aur unke Ulamao ki badmashi hai. Jaan bujkar in 2 naamo ke bareme musalmano ko bhad’kaya jata hai.

✔“AHLUL HADEES” aur “SALAFI” yah “AHLE SUNNAT WAL JAMAAT” ke ham-naam hai yani Islami shariyat ke tarjumani naam hai.

⭕Aaj ham sirf “SALFIYAT ke bareme guftgu karenge. “SALAFI” lafz “SALAF” se nikla hai.

🔺“SALAF” kaun ?

↪“SALAF” se murad se pichhe guzare huye log lekin yaha SALAF  se murad SAHABA, TABI’IN, TAB TABI’I aur in ke nakshe kadam par chalne wale tamam momineen jo Qayamat paida hoge.

Jaisa ke Allah ne kaha :

✔“Aur muhaajireen aur ansaar me se (Iman ki taraf) sabqat (pahal) karne wale aur jitne log ikhlaas ke saath un ke pairaw hai Allah un sab se raazi howa aur wo sab Allah se raazi huye aur Allah ne un ke liye aise baagh muhiyya kar rakhe hai jin ke niche nahre jaari hongi jin mein hamesha rahenge, ye badi kamyaabi hai.

📗(Surah 09 Tawbah : Ayat 100)

Yah Ayat se baat sabit hoti hai ke ….

👉Sahaba ke naksh kadam par chalne walo se Allah raazi hai aur wo sab Allah se raazi hai aur aise logo ke liye Jannat ki khushkhabri hai.

👉Jo log aaj jin Imamo ki TAQLEED kar rahe hai kya un se koi SAHABA me se hai????

↪Is ayat se yah bhi malum huwa ke is waqt Musalmano ko MUSLIM ke alawa MUHAJIREEN aur ANSAR bhi kaha jata tha.

👉Iska matlab ham “MUSLIM” naam ke alawa apna SIFATI aur MANHAJI naam bhi rakh sakte hai jo Islami Shariyat ki tarjumani karta ho jaisa AHLUL HADEES, SALAFI, AS’HABUL HADEES, ya TAYFA MANSOORA lekin han TAQLEEDI naam se mana hai.

Rasoolullah SallallahuA’laihiWaSallam ne bhi farmaya :

✔”Beshak mere Ummat me sabse behtareen log mere Zamane ke (Sahaba), fir unke baad ke zamane ke log (Tabi’in) fir unke baad ke zamane ke log (Tab Tabi’in).”

📚(Sahih Bukhari, Sahih Muslim #2535)

👉Is Hadees me 3 logo ka zikr kiya gaya, yaani..

1.Sahaba,

2.Tabi’in aur

3.Tab Tabi’in,

inko ham hamare SALAF mante hai.  Is daur ke dusare Imamao ke sath sath, 4 Imam bhi SALAF me se hai lekin ham kisi 1 Imam ki Taqleed nahi karte. Zarurat lagne par Chaaro Imamo se ham ilm hasil karte hai.

Ham Maslaqi deewarein khadi nahi karte.

⭕“SALAFIYAT” ek MANHAJ hai.

↪“SALAFIYAT” ek “Ahle Sunnat Wal Jamaat” ka MANHAJI NAAM hai. “Ahle Sunnat Wal Jamaat” ke aur bhi kuchh MANHAJI naam jaise AHLUL HADEES, TAYFA MANSOORA, AHLUL ATHAR, AS’HAABUL  HADEES.

👉“SALAFIYAT” ISLAM ko samjne ka ek MANHAJ hai, na hi koi JAMAAT  nahi koi FIRKA.

It is a methodology of understanding Islam as per understanding of Sahaba.

⭕”SALAFIYAT” ka WAJOOD kab se…?

↪”SALAFI” yah lafz “Taqleed” ke mukabale me wajood me aya hai. Aaj bhi is naam ki zarurat hai kyunke aaj Musalman Imamo ke taqleed me dube huye hai.

👉Jab musalmano ne apna apna ek Imam mukar’rar kar liya (banaliya) aur usi Imam ke fahem aur sonch ke mutabik Quran wa Hadees ki tafseer wa tashri samjne lage yaani us Imam ki taqleed karne lage tab “Ahle Sunnat Wal Jamaat” par chalne walo ne kaha ke ham “SALAFI” hai yaani ham Quran wa Hadees ko kisi ek khas Imam ke fahem aur sonch ke mutabik nahi samjenge balke ham SAHABA , TABI’IN aur TAB TABI’IN aur “Ahle Sunnat Wal Jamaat” ke saare Imamo ke MUJMUYI (collective) fahem ke mutabik Quran wa Sunnat ko samjenge.

↪Isi FIKR ko “SALAFIYAT” kaha jata hai aur is par chalne walo ko SALAFI.
Yahi Islam ki sahih SHAKL hai.

Alhamdulillah “SALAFIYAT”, SHIRK, Bidaat, Taqleed aur Gulu se paak hai.

↪Yani jab se is ummat ke taqleed shuru hui tab se SALAFIYAT maujud hai.

🔴Ek GALAT FAHEMI❌

↪Log yah samje hai ke SALAFIYAT Imam ibn Taimiyyah ke daur se shuru hui aur Imam Muhammad ibn Abdul Wahhab (Rh) ne use zinda kiya. SALAFIYAT yani Saudi Arabia. Yah ek galat fahemi hai.

👉Ham pahle hi bata chuke ke jab se is ummat me Imamo ki taqleed shuru hui tab se SALAFIYAT maujud hai.

📮LIBRARY📚📖📘📑📗📝📙✏📃📆📄✒

1.http://ahlussunnah.co.in/نماز-وتر-مستحب-ہے/

2.https://alalbaany.com/category/on-womens-issues-2/

3.http://islamweb.net

4.http://www.alifta.net/default.aspx?languagename=en

5.http://www.rafeeqtahir.com/ur/catplay.php?catsmktba=25

6.https://yasiirmahi.wordpress.com/2015/08/05/imam-muhammad-bin-hasan-m-189-hijri-par-muhadithseen-ki-jarah/

7.http://www.systemoflife.com/fiqh/salah/337-taraweeh-8-0r-20
(Sheikh Kifayatullah ki behatareen kitab taraweeh par)

8.http://ahlussunnah.co.in/قرآن-کریم-پڑھتے-وقت-ہلنا/

9.Zaeefhadees.blogspot.ca

10.https://allahisenoughforme123.wordpress.com/2016/05/18/ramadhan-se-mutalliq-50-sawalat/

11.http://momeen.blogspot.com/2011/04/jame-tirmizi-urdu-6-jilds-hadith.html?m=1

12.http://www.islamunveiled.org/

13.https://ahadithnotes.com/2015/02/28/the-forty-scholar-council-of-imam-abu-hanifah/#more-583

14.How To Maintain Khushoo’ In Prayer

http://www.salafipublications.com/sps/sp.cfm?subsecID=IBD06&articleID=IBD060006&pfriend

Khushoo` and Beautification of the Prayer (10 Articles)

http://www.salafipublications.com/sps/sp.cfm?secID=IBD&subsecID=IBD06&loadpage=displaysubsection.cfm

➿➿➿➿➿➿➿➿➿➿➿➿➿➿➿

🔴↪One Click & Download:

Tafseer Ibne Kaseer (urdu pdf book),
Sahih Bukhari (urdu pdf book),
Sahih Muslim (urdu pdf book).

[][][] Tafseer Ibn Kathir [][][]

Tarjuma: Maulana Mohammed Joona Gadi

Takhreej: Kaamraan Taahir

Tahqeeq Wa Nazre Saani: Hafiz Zubair Ali Zai

Taqreedh: Mumashir Ahmed Rabbani / Hafiz Salahuddin Yousf,

Published : Ataqad Publishing House New Delhi

Website: http://www.minhajusunat.com

Tafseer Ibne Kaseer Jild 1

Download Link: http://minhajusunat.com/wp-content/uploads/2015/03/www.minhajusunat.com-Tafsir-Ibn-Kasir-1.pdf

Tafseer Ibne Kaseer Jild 2

Download Link: http://minhajusunat.com/wp-content/uploads/2015/03/www.minhajusunat.com-Tafsir-Ibn-Kasir-2.pdf

Tafseer Ibne Kaseer Jild 3

Download Link: http://minhajusunat.com/wp-content/uploads/2015/03/www.minhajusunat.com-Tafsir-Ibn-Kasir-3.pdf

Tafseer Ibne Kaseer Jild 4

Download Link: http://minhajusunat.com/wp-content/uploads/2015/03/www.minhajusunat.com-Tafsir-Ibn-Kasir-4.pdf

Tafseer Ibne Kaseer Jild 5

Download Link: http://minhajusunat.com/wp-content/uploads/2015/03/www.minhajusunat.com-Tafsir-Ibn-Kasir-5.pdf

[][][] Sahih Bukhari [][][]

Tarjuma: Maulana Dawood Raaz

Nazre Saani: Abu Mohammed Abdussatar Hammad

Muqaddama: Hafiz Zubair Ali Zai

Takhreej: Ahmed Zahwa aur Ahmd Inayah

Website: http://www.minhajusunat.com

Sahih Bukhari Jild 1

Download Link: http://minhajusunat.com/wp-content/uploads/2015/03/www.minhajusunat.com-Sahih-Bukhari-1.pdf

Sahih Bukhari Jild 2

Download Link: http://minhajusunat.com/wp-content/uploads/2015/03/www.minhajusunat.com-Sahih-Bukhari-2.pdf

Sahih Bukhari Jild 3

Download Link: http://minhajusunat.com/wp-content/uploads/2015/03/www.minhajusunat.com-Sahih-Bukhari-3.pdf

Sahih Bukhari Jild 4

Download Link: http://minhajusunat.com/wp-content/uploads/2015/03/www.minhajusunat.com-Sahih-Bukhari-4.pdf

Sahih Bukhari Jild 5

Download Link: http://minhajusunat.com/wp-content/uploads/2015/03/www.minhajusunat.com-Sahih-Bukhari-5.pdf

Sahih Bukhari Jild 6

Download Link: http://minhajusunat.com/wp-content/uploads/2015/03/www.minhajusunat.com-Sahih-Bukhari-6.pdf

Sahih Bukhari Jild 7

Download Link: http://minhajusunat.com/wp-content/uploads/2015/03/www.minhajusunat.com-Sahih-Bukhari-7.pdf

Sahih Bukhari Jild 8

Download Link: http://minhajusunat.com/wp-content/uploads/2015/03/www.minhajusunat.com-Sahih-Bukhari-8.pdf

[][][] Sahih Muslim [][][]

Tarjuma wa Mukhtasar Fawayed : Prof. Mohammed Yahya Sultan Mahmood Jalalpuri

Published : Darul Ilm Mumbai

Website: http://www.minhajusunat.com

Sahih Muslim Jild 1

Download Link: http://minhajusunat.com/wp-content/uploads/2015/07/www.minhajusunat.com-Sahih-Muslim-1.pdf

Sahih Muslim Jild 2

Download Link: http://minhajusunat.com/wp-content/uploads/2015/07/www.minhajusunat.com-Sahih-Muslim-2.pdf

Sahih Muslim Jild 3

Download Link: http://minhajusunat.com/wp-content/uploads/2015/07/www.minhajusunat.com-Sahih-Muslim-3.pdf

Sahih Muslim Jild 4

Download Link: http://minhajusunat.com/wp-content/uploads/2015/07/www.minhajusunat.com-Sahih-Muslim-4.pdf

Sahih Muslim Jild 5

Download Link: http://minhajusunat.com/wp-content/uploads/2015/07/www.minhajusunat.com-Sahih-Muslim-5.pdf
➿➿➿➿➿➿➿➿➿➿➿➿➿➿➿

15.http://forum.mohaddis.com/threads/اللہ-عزوجل-نے-سب-سے-پہلے-کونسی-چیز-پیدا-کی؟.30091/

👆
Allah ne Sab se phle Kya paida kia.
Jo log khte hain Ki Nabi a.s ka Noor paida kia ye Unka Radd hai.

16.http://ashabulhadith.com/main/?p=6579

📮”Imam” KE SATH BULAYENGE SE KYA MURAD HAI❔

📮”Imam” ke sath bulayenge se kya murad hai….?????

🍃BismillahirRahmanNirRaheem🍃

📗Jawab :

🔹Aam zuban me IMAM yaani LEADER, RAHENUMA, MURSHID hota hai lekin istemaal ke hisab se iske maani bhi badalte hai jaisa ke Quran me Imam ka lafz Amaal-naame ke liye bhi aaya hai jaisa ke ham wazeh karenge aur HADEES me Imam lafz musalmano ke KHALIFA ke liye bhi istemaal kiya gaya.

🔹Agar ham Rasoolullah ke hote huye hamare Hidayat ke liye kisi aur ko Imam banate hai fir ye to Rasoool ki Risaalat me SHIRK hoga. Mushriko ne Allah ke TAWHEED me SHIRK kiya aur Muqallido ne Rasool ke Risaalat me SHIRK kiya hai.

🔹Log kahte hai ham Imamo ko isliye mante hai ke kyunke jiska koi Imam nahi hota uska Imam SHAITAN hota lekin in naadaano ko malum nahi ke ab hame alag se kisko apna Imam banene ki zarurat nahi kyunke Saare Ambiyo ke Imam Rasoolullah ki rahenumaayi kya hamare liye kaafi nahi hai ?

🔹Hamara maqsad yah ke Quran wa Hadees ke roshni me Musalmano ki islah ki jaye.

🔹Ham wah Majmoon late hai jisme Musalmano ki aksariyat la-ilmi ke wajah se gumrah hai aur unko is gumrahi ka ilm bhi nahi hai.

🔹Ham zyada zor “Fiqhi” masaeel par nahi dete hai kyunke  mumkin hai ke “Fiqhi” galati ko Allah maaf kar dega lekin “Aqeede” ke galati ko Allah maaf nahi karega.

🚻 Logo ne apne MASLAQ ko sabit karne ke liye Quran me “taherif” aur “ayato ki galat tafseer” ki hai. Kisi bhi tarah apne MASLAQ ko sabit kiya hai. Kai log kahte hai ke ham “Imam ki Taqleed” isliye karte hai ke dekhiye Allah ne Quran me khud kaha ke ham “Maidane Hashr” me Insaano ko unke “Imam” ke sath bulayenge.

Kya Muqallidin ka yah dawa sahih  hai????

🅾Quran me “Imam” se muraad kya hai????

🔹Dekhte hai Quran ki wah kaunsi ayat hai ….

🍃Allah ne farmaya :

🔻“Jis din hum har jamaat ko uske Imam (peshwa) ke sath bulayenge, phir jin ka bhi amaal nama daaye haah mein de diya gaya wo to shauq se apna naam-e-amaal padne lagenge aur zarra baraabar bhi zulm na kiye jayenge”.

📘(Surah 17 Bani-Israel (Isra) :  Ayat 71)

Jab Quran ki yah ayat nazil huyi tab 4 Imamo se kisi 1 Imam ka bhi wajood nahi tha.

✅Is ayat ki Tafseer me 3 baatein aayi hai ke yaha “Imam” se murad ….

1. Us ummat ka “Nabi” hoga

2. Us Ummat ki “Asmani Kitabein” jaise Quran, Tawraat, Injeel aur Zabur

3. “Amaal nama”

☑Lekin Imam Shaukani (Rh) aur Imam ibn Qasir ne yaha “Imam” se murad “Amaal Nama” kaha hai aur yahi baat is puri ayat ko padhne se samaj me aati hai.

📗Tafseer :

(Ahsanul bayan Urdu & Hindi – Darussalam Publication Saudi Arab)

🅾Dusari aur ek ayat jaha “Imam” ka lafz aya…

🍃Allah ne farmaya :

🔻“Likhte jaate hai, wo amaal bhi jin ko log aage bhejte hai aur un ke wo amaal bhi jin ko piche chhod jaate hai aur hum ne har cheez ko ek waazeh Imam (kitaab) mein zabt kar rakha hai”.

📘(Suarh 36 Ya-seen:  ayat 12)

✅Is ayat me “Imamum Mubeen” ka lafz aya hai.

Is ayat ki tafseer me  2 baatein ayi hai …

1. “Imamul Mubeen” se murad “Luhe Mahefuz”

2. “Imamul Mubeen” se murad “Amaal nama”

📗Tafseer :

(Ahsanul bayan Urdu & Hindi – Darussalam Publication Saudi Arab)

💯✔🔹In 2 ayato se yah malum hota hai Quran me jo “Imam” ka lafz aaya hai us se muraad “Nabi” ya “Asmani Kitabein” ya “Amaal nama” ya “Luhe Mahefuz” na ke Imam jiski Muqallidin taqleed karte hai.

🅾“Ahlul Hadees” ka  “Sharf” (Shaan)

🔹Agar yaha “Imam” se murad agar Imam  Abu Hanifa ya Imam Shafai wagaire mana jaye to aisi surat me Imam ibn Qasir (Rh) ne kaha hai ke is ayat me “Sahaba” aur “Ahlul Hadees” ka sharf (Shaan) bayan ki gayi hai ke Maidan-e-Hashr me wah apne Imam Muhammadur Rasoolullah ke sath honge kyunke “Sahaba” aur “Ahlul Hadees” ne apna sirf aur sirf  Rasoolullah ko banaya hai.

Aur jo musalman Maidan me Hashr me Pyare Nabi SallallahuA’laihiWaSallam ke sath hoga uske saare Mushkilaat asaan ho jayenge.

⭐⭐⭐⭐⭐⭐⭐⭐⭐⭐⭐

Wallahu Alam Sawab.

Ya Allah, Hamare niyyat me IKHLAAS paida farma aur Hame Sahih Ulamao se ilm hasil karnewala bana de aur Hamare is mehnat ko Qubul Farma.
Ameen

📮RAMZAN KE ROZE KYU FARZ KIYE GAYE❓

📮RAMZAN KE ROZE KYU FARZ KIYE GAYE❓

Jawab📘

✔Allah Taala ne farmaya:
Ai imaan walon tum par Roze farz kar diye gaye
waise hi jaise tum se pehle logon par farz kiye gaye
the, taki tum Taqwa(Parhezgari) ki raah ikhtiyar karo.
📗[Surah al-Baqarah (2
); Ayat-183]

✔Baizawee farmate hain:
Taki tum gunahon se bacho, kyunki Roze sahwaton ko
todta hai aur sahwat hi se gunahon ki shuruwat hoti hai, jaisa ke Allah ke Rasool صلى الله عليه وسلمne farmaya: Jo Nikah na kar sakta ho, woh Roze ka ihtemam kare, kyunki Roze uske liye
(sahwaton ko) todne ka zariya hai.
📕[Tafseer ul-Baizawee= Anwar at-tanzeel wa israr at-taweel (1/123)]