📮ISAAL E SAWAB AUR ISAAL E GUNAH 

بسم اللہ الرحمٰن الرحیم     


<

p style=”margin-right:0;margin-bottom:0;margin-left:0;padding:0;color:rgb(0,0,0);font-family:Georgia, "font-size:18.6667px;background-color:rgb(252,252,255);text-align:center;”>
ISAAL-e-SAWAB AUR ISAAL-e-GUNAH


Tahreer : Sheikh Kiyafat Ullah Sanabali Hafizullah

Logon ke paas sawab itna ziyada hogaya hai ke woh is ka baaz hissa doosron ko isaal kar rahe hain, kya ye log qayamat ke din bhi apni sakhawat dikha sakenge .
jis ka naqsha quran ne yun khincha hai .

“Is din aadmi bhagega apne bhai se, aur apni maa aur apne baap se, aur apni biwi aur apni aulaad se, un mein se har ek ko is din aisi fikar ( daman geer ) hogi jo us ke liye kaafi hogi .
Surah Abas:34-37

❓❓Mein pareshan hun ke mere paas nekiyan bohat kam hain, agar maine inhen bhi kisi aur ko bakhsh diya to qayamat ke din mera kya hoga wahan to kisi se mangne se bhi neki nahi milein gi, chay jaye ke koi khud se isaal kare !
is liye sochta hun ke apne gunah hi kisi ko isaal kardoon ❗❕

➖Chalo mein apne saare gunah ahal bidat ke imam ko isaal karta hun woh bhi kya yaad karenge .

Koi yeh na kahe ke gunah ka isaal nahi hota hai balke sirf sawab ka isaal hota hai, kyunke mein palat kar sawal karoonga ke :
↕Agar gunah ke isaal ki Daleel nahi hai to sawab ke isaal ki kya Daleel hai ❓

Agar kaha jaye ke bohat saari riwayaat mein is baat ki Daleel hai ke zindon ki baaz nekiyon ka sawab murdon ko pahuchta hai to mein bhi kahoonga ke bohat si aisi riwayaat hain jin mein is baat ki Daleel hai ke zindon ki baaz buraiyon ka gunah murdon ko pahuchta hai.

Maslan mulahiza ho yeh hadees :

Aap sallallaho alaihi wasallam ne farmaya ( jab bhi duniya mein ) koi na-haq qatal hota hai to uske gunah ka ek hissa aadam ke bete ( yani Qabeel ) par zaroor hota hai kyunke usi ne qatal ka tareeqa ijaad kiya .
Sahih Bukhari :3335

Balke ek wohi hadees mulahiza ho jis se isaal sawab ki Daleel li jati hai, agar waqai is hadees ke ibtidayi tukde mein isaal sawab ki Daleel hai, to beshak iske aakhri tukde mein isaal gunah ki bhi Daleel hai,

Hadees ye hai :

Rasool Allah sallallaho alaihi wasallam ne farmaya jisne islam mein koi acha tareeqa raaij kiya phir uske baad is par amal kiya gaya to uske liye is amal karne wale ke barabar sawab likha jayega aur unke sawab mein se kuch kami na ki jayegi aur jis aadmi ne islam mein koi bura tareeqa raaij kiya phir us par amal kiya gaya to is par is amal karne wale ke gunah ke barabar gunah likha jayega aur amal karne walon ke gunah mein koi kami na ki jayegi .
Sahih Muslim, 1017

Kya khayaal hai bhaiyon!
isaal gunah ki Daleel hai ya nahi ?


Log apne aqarba tak sawab isaal kar rahe hain .
mein apne deeni dushmanon tak apne gunah isaal karoonga, mere ye dushman jawaba apne gunah mere sar laad nahi sakte, kyunke woh mar chuke hain .

Lekin unke pasmandgaan to kahenge ke woh qabr me jane ke baad bhi zindah hain !

Mujh par yeh dhamki bhi asar hone wali nahi hai kyunke unke pasmandgaan ka jahan yeh aqeedah hai ke hamare yeh dushman zinda hain wahin unka yeh bhi aqeedah hai ke unse poori zindagi mein kabhi koi gunah hua hi nahi !

Ab jab hamare dushmanon ke paas koi gunah hai hi nahi, to woh bechare jawaba hum tak kya isaal karen, sawab to bhejne se rahe .

Agar koi mere khaufnaak irade se pareshan hokar yeh kahne lage “ahadees mein murdon tak zindon ke jin jin gunaaho ke pahunchane ki baat hai sirf wohi gunah pahunchenge bas!! “

To main bhi yeh keh sakta hun ke jin jin aamaal ke sawab pahunchaane ki baat hai sirf unhin aamaal ka sawab pahunchega bas! aisi soorat mein hum dono ko apne apne irade se baz aajana chahiye .

((( Meaning of Pasmandgaan : yani mar jane wale ke piche jo unke qareebi, azeez ya rishtedar bachte hain unhe pasmandgaan kahte hain.)))

Wallahualam.

📮DUNIYA KYA HAI❓

–Duniya azmaishon aur fitno ki jagah hai–
                ✏Transliteration by : Bint Iqbal

https://ⓣelegram.me/paighaameislam


            🍃بسم اللہ الرحمٰن الرحیم🍃       
                     Duniya amal karne ki jagah hai aur akhirat jaza pane ki , to mominon ko badla jannat aur kafiroon ko jahannum ki soorat mein miley ga .
To jab Jannat Tayyab aur achhi cheez hai to us mein daakhil bhi wohi hoga jo ke achha aur Tayyab hoga aur phir Allah Ta’ala Tayyab aur paak saaf hai to woh qubool bhi Tayyab aur paak saaf cheez hi karta hai isiliye Allah Ta’ala ka apne bandon mein yeh tareeqa raaij hai ke woh apne bandon ko azmaane ke liye masaaib aur fitna mein dalta hai taake yeh pata chal sake ke momin kaun aur kafir kaun hai aur jhute aur sachey ke darmiyan tameez hosake jaise ke Allah Ta’ala ka farmaan hai :
                    ” Kya logon ne yeh gumaan kar rakha hai ke unke sirf is daawe par ke hum imaan laaye hain hum inhen baghair aazamaaye hue hi chhod denge? Unse pahlo ko bhi hum ne khoob aazmaaya tha yaqeenan Allah Ta’ala unhen bhi jaan le ga jo sach kehte hain aur unhen bhi maloom kar lega jo ke jhute hain”

📕(Al-Ankaboot :2-3)


To kamyabi aur nijaat us waqt tak mukammal nahi hogi jab tak ke imtehan na hojaye aur Tayyab khabees se alehda na hojaye aur momin aur kafir ka pata na chal jaye jaisa ke Allah Subhanahu Taa’la ka farmaan hai :
                          “Jis haal par tum ho isi par Allah Ta’ala imaan walon ko na chhod dega jab tak ke pak aur napak ko alag na kardey aur na hi Allah Ta’ala aisa hai ke tumhe ghaib se aagah kardey ga”

📗Al-Imran 179


Woh azmaish jisme Allah Ta’ala apne bandon ko mubtala karta hai taake momin aur kafir ke darmiyan tameez ho sake uska zikar Allah ke is farmaan mein hai :
                         “Aur hum kisi na kisi tarah tumhari azmaish zaroor karenge dushman ke dar se, bhook pyaas se, maal wa jaan aur phalon ki kami se, aur unpar sabr karne walon ko khushkhabri de dijiye jinhein koi museebat aati hai to keh diya karte hain ke hum to khud Allah Ta’ala ki milkiyat hain aur hum usi ki taraf lautne wale hain, un par unke Rabb ki rahmaten aur nawazishen hain aur yahi log hidaayat Yafta hain”

📒Al-Baqara 155-157


To Allah Ta’ala apne bandon ko azmaish mein mubtala karta aur sabr karne walon se mohabbat karta aur unhen jannat ki khushkhabri deta hai .

Aur aise hi Allah Ta’ala apne bandon ko jihaad ke sath bhi aazmaata hai, 

Farmaan e Baari Ta’ala hai :

                           “▫🍃Kya tum yeh samajh baithe ho ke tum jannat mein chale jao ge halaanke abhi tak Allah Ta’ala ne yeh zahir nahi kiya ke tum mein se Jihaad karne wale kaun hain aur sabr karne wale kaun hain ?”
📗Al-Imran 142


➖Aur isi tarah maal wa aulaad bhi fitna hain jis mein Allah Ta’ala apne bandon ko mubtala karta hai taake yeh maloom karle ke kaun shukr karta aur kaun na shukri karte hue un mein mashgool rehta hai 

Farmaan e Bari Ta’ala hai :
                          ” Aur tum is baat ko jaan lo ke tumhare maal aur tumhari aulaade ek imtehaan ki cheez hain aur is baat ko bhi jaan lo ke Allah Ta’ala ke yahan bohat bada ajar hai. ”

📘Al-Anfaal : 28   


Allah Ta’ala baaz auqaat museebaton aur baaz auqaat neymaton ke sath azmaish mein dalta hai ta ke yeh pata chal sake ke kaun shukrguzaar aur kaun nashukra aur kaun ita’at guzaar aur kaun nafarman hai to phir inhen qayamat ke roz badla dega.

Allah Ta’ala farmata hai :
                     ” Hum azmaish ke liye har ek ko buraee aur bhalai mein mubtila karte hain aur tum sab hamari taraf lautaaye jaoge”.

Al-Ambiya : 35


Aur phir yeh azmaish bhi imaan ke aitbaar se hoti hai to logon mein sab se ziyada sakht azmaish Ambiya ki phir usse kam darje ki phir usse kam wale ki .
Nabi sallallaho alaihi  wasallam ka irshad hai :

                          ” Mujhe tanha itna tez bukhaar hota hai jitna ke do admiyon ko hota hai”

Sahih bukhari hadees number 5648


Allah Ta’ala ham ko kai qism ki azmaish mein dalta hai. Baaz auqaat to hame museebaton aur fitne mein daal kar imtehaan leta hai ta ke momin aur kafir aur ita’at guzaar aur nafarman aur shukr guzaar aur nashukre ka pata chal sake .

              Aur baaz auqaat jab uske bande nafarmani karte hain to woh apne bandon ko museebaton mein mubtila kar ke unhen sikhata hai ta ke woh us nafarmani se baz aa jayen .
Jaisa ke Allah Ta’ala farmata hai.
                       ” Tumhe jo kuch bhi museebatein aati hain woh tumhare apne hathon ke kartoot ka badla hai aur woh to sab baton se to dar guzar farma deta hai”.

Ash- Shuara : 30
Allah Subhana o taala ka farmaan hai :
                         ” Aur hum ne inhen azaab mein bhi pakda lekin yeh log na apne Rabb ke samne jhuke aur naa hi unhon ne aajzi ikhtiyar ki”.

Al-Momin : 76


Allah taala apne bandon par bohat zyada Raheem hai aur ummat par baar baar azmaish lata hai ta ke woh wapas lout aayen aur gunaaho se tauba kar ke Allah Ta’ala ki haraam kardah cheezon ko tark kar de taa ke Allah taala inhen bakhash de .

Allah Ta’ala Ka farmaan hai :

                        ” Aur kya unko yeh dikhayi nahi deta ke yeh log har saal ek ya do baar kisi na kisi aafat mein phanse rehte hain phir bhi na tauba karte aur naa hi naseehat qubool karte hain”.

At- Taubah : 126


Aur Allah Ta’ala ki rahmat hai ke woh gunaaho ki saza duniya mein bhi deta hai ke ho sakta hai ke log apne gunaho se baaz ajaye aur khud me sudhaar le aayen aur maut se pahle pahle Allah ki taraf rujoo kar len. 
🔴Allah Ta’ala ka farmaan hai.
                        ” ▫Aur yaqeenan hum inhen qareeb ke  chhote se baaz azaab iss bade azaab ke siwa chakhayenge taa ke woh laut ayen”

As-Sajda : 21


Aur baaz auqaat Allah Ta’ala apne bandon ko museebaton mein isliye mubtila karta hai ke unke darjaat buland kare aur unki buraiyan khatam kare. 
Jaisa ke farmaan nabwi sallallaho alaihi wasallam hai :
                         “Kisi bhi musalman ko koi takleef, bemari, gham, pareshani, afsos hatta ke agar koi kaanta bhi chubhta hai to uski binaa par Allah Ta’ala uske gunah maaf kar deta hai.”

📚Sahih bukhari hadees number 5641

📮RISHTEDARO SE TALLUQAAT JODE RAKHNE KI TAKEED AUR USEY TODNE KA WABAAL

✏Transliteration by : Bint Iqbal
https://ⓣelegram.me/paighaameislam


            🍃بسم اللہ الرحمٰن الرحیم🍃
                   📝Part-1
           🔴Irshaad e Bari Ta’ala
“▫🍃Aur Allah ne jin cheezon ke jodney ka hukum diya hai woh usey jodte hain aur woh apne parwardigar se darte hain aur hisab ki sakhti se khauf rakhte hain.”
                    ▫🍃Aur woh apney Rab ki raza mandi ki talab ke liye sabar karte hain aur namazon ko barabar qayem rakhte hain aur jo kuch humne unhen de rakha hai ussey chhupe khule kharach karte hain aur buraee ko bhi bhalai se taalte hain inhi ke liye aaqibat ka ghar hai.”

📘Ar-Raad : 21-22


“▫🍃Aur tumse yeh bhi ajab nahi ke tum ko agar hukumat mil jaye to tum zamin par fasad barpa kardo aur rishte naate tod dalo.”
                          ▫🍃Yehi log hain jinpar Allah ne laanat ki hai aur un (ke kaano ko) ko bahra aur (unki) aankhon ko andha kar diya hai.

📒Surah Mohammad : 22-23


“▫🍃Iss ke zariye (Allah Ta’ala) bahot logon ko gumrah karta hai aur bahoto ki hidayat bakhshta hai aur gumrah bhi karta hai to sirf nafarmano hi ko.” 
                           “▫🍃Jo log Allah Ta’ala ke mazboot ehad ko tod dete hain aur Allah Ta’ala ne jin cheezon ke jodne ka (yani rishta qarabat) hukum diya hai unhen kaat te aur zamin mein fasaad phailate hain yehi log nuqsan uthane wale hain.”_

📗Al-Baqara 26-27


🔴Farman e Rasool sallallaho alaihi wasallam
1.💫Rasool’Allah sallallaho alaihi wasallam ne farmaya :

“Allah Ta’ala ke nazdeek sabse bura amal Rab kaynaat ke sath shirk karna phir rishtedari todna hai.”

📚(Sahih ul Jame Sagheer :166)


                 2.💫Rasool’Allah sallallaho alaihi wasallam ne farmaya : “Allah Ta’ala ne makhlooq paida ki, aur jab usse faraghat hui to Rahem(womb) ne arz kiya Ye us shakhs ki jagah hai jo qata rahmi (rishte todne) se teri panah mange. Allah Ta’ala ne farmaya : Haan! Kya tum is baat par raazi nahin ke main usey apne aap se  jodunga jo tumse apne aap ko jode aur usse tod lunga jo tumse apne aap ko todle? Rahem ne kaha kyun nahin Ai Rabb!,

              Allah Ta’ala ne farmaya ke bas ye tujhko diya. Rasool’Allah sallallaho alaihi wasallam ne uske baad farmaya ke agar tumhara jee chahe to ye ayat padhlo lo.”

                 “Aur tumse ye bhi ajab nahin ke agar tumhe hukumat mil jaye to tum zamin par fasad barpa kardo aur rishte naate tod dalo.”

(Surah Mohammad :22) 

📗Sahih Bukhari 5987


                  🔴Hadees e Nabwi
✔Nabi sallallaho alaihi wasallam ne farmaya :

                          “Jo Allah aur akhirat par emaan rakhta hai usey apne rishtedaro ka khayal rakhna chahiye.”

📒Sahih Bukhari : 6138


                    ✔Nabi sallallaho alaihi wasallam ne farmaya : Jo chahta ho ke uski rozi me kushadgi ho aur uski umr me izafa ho to usey apne rishtedaro ke saath sila rahmi(rishte jodna/unke sath achha suluk) karna chahiye.”

📚Sahih Bukhari :5986

Sahih Muslim :2557


✔Abu ayyub ansari Razi Allahu anhu farmate hain ke ek admi ne pucha : Ai Allah ke Rasool ! Koi aisa amal mujhe bataiye ke uske zariye jannat hasil kar loon. 

                           Nabi sallallaho alaihi wasallam ne jawab me farmaya :

“Allah ki khalis bandagi karo. Uske saath kisi ko shareek na karo, namaz qayem karo, zakat ada karo aur sila rahmi kiya karo.”

📚Sahih Bukhari : 5983

Sahih Muslim : 13


✔Syedna Abu Bakr Razi Allahu anhu ki riwayet hai ke Rasool’Allah sallallaho alaihi wasallam ne farmaya :

                            ” Zulm wa baghawat aur qata rahmi (rishta nata todne) jaisa koi gunah nahi hai, jo is layeq ho ke Allah Ta’ala uske karne wale ko is duniya me bhi saza de bawajood iske ke uski saza usne akhirat me bhi rakh chhodi ho.”

📚Abu Dawood, 4902

Tirmizi, 2511

Ibn Majah, 3413

(Sahih) ________________________________
✔Ummul Momineen Syeda Ayesha Razi Allahu anha farmati hain ke Rasool’Allah sallallaho alaihi wasallam ne farmaya :

                      “Nata arsh se latka hua hai aur kahta hai : jo mujhko milaye Allah usko apne se milayega aur jo mujhko kaate Allah usko apne se kaat dega.”

📙Sahih Muslim :2555


✔Rasool’Allah sallallaho alaihi wasallam ka irshaad hai :

                  “Jannat me rishta todne aur kaatne wala na jayega.”

📗Sahih Muslim :2556


✔Rasool’Allah sallallaho alaihi wasallam ne farmaya :

                     “Sila rahmi karne wala wo nahi hai jo badle ke taur pe sila rahmi karta hai balki asal me sila rahmi to ye hai ke jab koi qata(rishta katna) rahmi kare to wo usey jode.”

📘Sahih Bukhari : 5991


✔Rasool’Allah sallallaho alaihi wasallam ne farmaya :

                              “Aulaad adam ke amaal jumeraat ki shaam aur jume ke Allah Ta’ala ko pesh kiye jate hain to Allah Ta’ala rishte todne wale shakhs ka koi amal qubul nahin karta. ”

📗Sahih Targheeb : 2538

Hasan Albani

📮JANNAT AUR JAHANNUM PAR IMAAN LANA

📮JANNAT AUR JAHANNUM PAR IMAAN LANA
Transliteration By: Bint iqbal
https://ⓣelegram.me/paighaameislam


            🍃بسم اللہ الرحمٰن الرحیم🍃
➖Jannat aur Jahannum par imaan lana yani yeh dono makhlooq ke abdi thikaane hain, so jannat neymaton ka ghar hai jise Allah Ta’ala ne taqwa ikhtiyar karne wale un mominon ke liye banaya hai jo un cheezon par imaan laaye jin par imaan lana Allah Ta’ala ne unpar wajib thehraya, Allah Ta’ala aur uske Rasool ki ita’at ki aur Allah Ta’ala se mukhlis aur uske Rasool ke sachey pairokaar rahe, unke liye jannat mein tarhan tarhan ki neymatein hain. 💫
🔴Ek hadees mein hai :
                       ✨Rasool’Allah sallallaho alaihi wasallam ne farmaya ke Allah Ta’ala ka irshad hai ke maine apne bando ke liye wo chizen tayyar kar rakhi hain jise na kisi aankh ne dekha, na kisi kaan ne suna aur na kisi insaan ke dil mein uska khayaal tak guzra.”

📘( Sahih bukhari : 3244 )


⚜Allah taala ka irshad hai :
▫🍃”Beshak jo log imaan laaye aur nek kaam kiye yahi log behtareen makhloqaat hain unka badla unke rab ke yahan hamesha rehne ki bahisht hain unke neeche nehrein behti hongi woh unmein hamesha hamesha rahenge Allah unse raazi hua aur woh  usse raazi hue yeh uske liye hai jo apne Rab se darta hai.”

📗(Surah Al-Bayyanah:7-8)


⚜Ek aur jagah Allah Ta’ala ka irshad hai :
                      ▫🍃”Phir koi shakhs nahi jaanta ke unke amal ke badla mein unki ankhon ki kya thandak chhupa rakhi hai.”

📙(Surah Sajdah :17)


▪Aur jahannum azaab ka ghar hai, usey Allah Ta’ala ne un zalim kafiron ke liye banaya hai jinhon ne uske sath kufr kiya aur uske Rasoolon ki nafarmani ki. Jahannum mein tarhan tarhan ka azaab aur samaan e Ibrat hai, koi dil un holnakiyon ka tasawwur bhi nahi kar sakta .💫
⚜Allah taala ka irshad hai :
                   ▫🍃”Aur us aag se bacho jo kafiroon ke liye tayyar kee gayi hai”

📘(Surah Al-Imran : 131 )


⚜Aur ek jagah yun farmaya :
▫🍃”Be shak hum ne zaalimon ke liye aag tayyar kar rakhi hai unhen uski qanatein gher lengi aur agar fariyaad karenge to aise pani se fariyaad rassi kiye jayenge jo tambe ki tarhan pighla hua hoga munhon ko jhulas dega kya hi bura pani hoga aur Kya hi buri aaraam gaah hogi.”

📕(Surah Kahf:29)


⚜Aur ek maqam par irshad baari taala hai :
                     ▫🍃”Be shak Allah ne kafiroon par laanat ki hai aur unke liye dozakh tayyar kar rakha hai woh us mein hamesha rahenge na koi dost payenge aur na koi madadgaar, jis din unke mun aag mein ulat diye jayenge kahenge ai kash hum ne Allah aur Rasool ka kaha mana hota.”

📗( Al -Ahzaab : 64-66 )

📮HISAAB WA JAZA PAR IMAAN LANA

📮HISAAB WA JAZA PAR IMAAN LANA

Transliteration By : Bint iqbal

https://ⓣelegram.me/paighaameislam


            🍃بسم اللہ الرحمٰن الرحیم🍃
➖Hisaab aur jaza par imaan lana yani bande ke tamam aamaal ka hisaab hoga aur uske mutabiq usey poora badla diya jayega aur iske saboot par bhi kitaab o sunnat aur ijma muslimeen sab dalalat karte hain. 

          ⚜Allah taala ka irshad hai :
                 ▫🍃”Beshak hamari taraf hi unko laut kar aana hai phir hamare hi zimma unka hisaab lena hai.”

📕(Surah Ghashiya :25-26)
⚜Ek aur maqam par irshad baari taala hai :
▫🍃Aur jo koi ( Allah ke huzoor ) neki le kar aayega usko waisi das nekiyan milengi aur jo buraiee laayega usey saza waise hi milegi aur unpar zulm nahi kiya jayega.”

📘( Surah Al -Anaam : 160 )
⚜Ek aur jagah Allah taala farmata hai :
                 ▫🍃Qayamat ke din hum darmiyan mein laa rakhen ge theek theek tolne wali tarazoo ko. Phir kisi par kuch bhi zulm na kiya jayega. Aur agar ek raaee ke dane ke barabar bhi amal hoga hum usey laa hazir kerenge aur hum kafi hain hisaab kerne wale.”💫

(Surah Al-Ambiya :47) 
       ➖Ek Hadees me ata hai
🔴Abdullah bin Umar razi Allah anhu se bhi marwi hai ke Nabi sallallaho alaihi wasallam ne farmaya :”Qayamat ke roz Allah Ta’ala momin shakhs ko apne qareeb bulaa kar apne parde se dhaanp lega aur usse puchega ke kya tujhe falan gunah yaad hai? Kya falan gunah tujhe yaad hai?

Woh jawab dega, haan, ai mere Rabb!

                       

Yahan tak ke jab woh apne gunaaho ke iqraar ke baad yeh samajh lega ke woh tabah o barbaad ho gaya hai, to Allah Ta’ala farmayega : mein ne duniya mein tere gunaaho ki parda poshi ki thi, aaj mein tere un gunaaho ko maaf karta hun, chunanche usko uski nekiyon ka aamaal nama de diya jayega, lekin kafir aur munafiqeen ke mutalliq un par gawah (Malaikah, ambiyah, aur tamam jinn wa ins sab) kahenge ke : “yehi woh log hain jinhon ne apne rab ko jhutlaya, khabardaar zaalimon par Allah ki laanat hai.”

📚( Sahih bukhari : 2441 )
✔Aur Nabi sallallaho alaihi wasallam ki sahih hadees se saabit hai ke 

“jis ne neki ka iradah kiya aur neki nahi ki, Allah Ta’ala apne yahan uske liye poori ek neki likh deta hai aur jisne neki ka iradah karne ke baad woh neki karli to Allah Ta’ala us ek neki ko apne yahan das guna se saat sao guna balke isse bhi ziyada nekiyan likh deta hai aur jab koi kisi badi(evil deed) ka iradah karke uspar amal na kare to Allah Ta’ala apne yahan ek mukammal neki likh deta hai, pas woh badi par amal bhi kar guzre, to Allah Ta’ala apne yahan ( uske nama aamaal mein ) sirf ek hi badi likhta hai.” 

📗( Sahih bukhari : 6491 )
              ▪Qayamat ke roz tamam insani aamaal ke hisaab kitaab aur unki jaza o saza ke isbat par tamam musalmanoon ka ittafaq hai aur hikmat ka taqaza bhi yahi hai kyunke Allah Ta’ala ne kitaaben nazil kee, Rasool bheje jo ehkaam Shariat ko laaye the inhen qubool karna aur un mein se jin ehkaam par amal karna wajib tha, un par amal karna bandon par farz kiya. Jo log uski Shariat ke mukhalif hain, unn ke sath qataal ko wajib qarar diya, unke khoon, unki aulaad, unki aurton aur unke maalon ko halal qarar diya. To agar un tamam aamaal ka hisaab kitaab hi na ho aur na unke mutabiq jaza o saza di jaye to yeh tamam ehkaam bekar aur fizool befaidah qarar paate hain halaanke tamam jahanon ka parvar-digaar to har nuqs se paakizah hai ,
✔Chunanche is haqeeqat ki taraf Allah Ta’ala ne khud ishara farmaya hai :
             ▫🍃”Phir hum unn logon se zaroor poochenge jinke pass Rasool bheje gaye they aur hum Rasoolon se zaroor poochenge.”💫

                      ▫🍃”Phir hum chunke poori khabar rakhte hain unke roo baroo bayan kar denge. Aur hum kuch be khabar na they.”⚡

📕( Surah Al -Araaf : 6-7 )

📮YAUM e AKHIRAT AUR USPAR IMAAN

📮YAUM e AKHIRAT AUR USPAR IMAAN

✏Romanised By : Bint Iqbal

https://ⓣelegram.me/paighaameislam


                                                                            

             🍃بسم اللہ الرحمٰن الرحیم🍃
💫 Yaum e akhirat se murad roz e qayamat hai. Is din logon ko unke aamaal ke hisaab o aur jaza ke liye dobara uthaya jayega. Is din ka naam “yaum e akhirat” isliye hai ke is ke baad koi dusra din na ho, kyunki tamam ahal jannat aur jahannum apne apne thikanon mein qarar pa chuke honge, is din par imaan lana arkaan imaan mein se ek hai, jis ke baghair kisi bhi bande ka imaan qabil e qubool nahi hai.✨


             🔴Dobara uthaye jane par imaan lana

                     ➖ Dobara uthaye jane se murad dusri baar soor phoonkte waqt murdon ko zindah karna hai, chunanche tamam log baghair jooton ke nange paon, baghair libaas ke nange jism Allah rab alameen ke huzoor khade kiye jayenge. 💫
Irshad baari taala hai :
              ▫🍃”jis tarhan hum ne pahli baar paida kiya tha dobara bhi paida karenge yeh hamare zimme wada hai beshak hum poora karne wale hain.”

📗(Al- Ambiyah : 104)


            🔴Dobara Uthaya Jana Barhaq Hai
➖Dobara uthaya jana barhaq aur, kitaab Allah , sunnat Rasool se saabit hai aur ijma muslimeen sab iske saboot par dalalat karte hain. 💫
⚜Allah Ta’ala ka Irshad hai :
           “🍃▫Iske baad phir tum sab yaqeenan marr jane wale ho.”
             ▫🍃”Phir qayamat ke din bila shubha tum sab uthaye jaoge”

📙( Al-Muminoon: 15-16 )


💫Aur Nabi sallallaho alaihi wasallam ka irshad hai :
“qayamat ke din logon ko nange paon, nange badan aur baghair khatne ke jama kiya jaye ga.”

📘( Sahih bukhari : 6527) 
▪Iske isbat par musalman ka ijma hai aur hikmat ka taqaza bhi yahi hai ke Allah Ta’ala apni is makhlooq ko dobara zinda kare aur apne Rasoolon ke zariye se usne unpar jo faraiz aaed kiye they, unka inhen jaza de. ✨⚡


⚜Allah taala ka irshad hai :
           ▫🍃”Kiya tum yeh gumaan kiye huye ho ke humne tumhen yunhi bekaar paida kiya hai aur yeh ke tum humari taraf lautaye hi na jaoge”

📕( Al-Muminoon : 115 )
💫aur phir farmaya : 
▫🍃”Jis Allah ne aap par quran nazil farmaya hai woh dobarah aap ko pahli jagah laane wala hai.”

📕( al-qasas : 85 )

*📬ALLAH TA’ALA KE YAHA DUA KI QUBULIYAT KE LIYE KYA SHARAAYT HAIN❓*

https://ⓣelegram.me/paighaameislam


              🍃بسم اللہ الرحمٰن الرحیم🍃

📝Dua ke liye Mutadid Sharaayt hain

🔴1- Sirf Allah Ta’ala se dua mange

           ✔Is ki Daleel yeh hai ke Rasool’Allah sallallaho alaihi wasallam ne syedna Ibn abbas Razi Allah anhuma ko farmaya tha : 

▫🍃tum jab bhi mango to Allah taala se mango aur jab bhi madad chaho to sirf Allah taala se madad chaho 

📒Tirmizi ( 2516 ) ne isey rivayet kiya hai, aur albani ne usey Sahih Al-Jami mein sahih qarar diya hai .

➖Haqeeqat mein yeh hadees is aayat ka tarjuma hai

🍃▫Aur be shak masajid Allah keliye hain is liye Allah ke sath kisi ko mat pukaro. 

📘(Surah Jinn:18) 

🔝Yeh shart bohat hi azeem aur ahem tareen shart hai, iske baghair dua qubool hi nahi hoti aur iske baghair koi amal bhi Allah Ta’ala ke yaha pesh nahi kiya jata, kuch log hain jo murdon se mangte hain, inhen apne aur Allah Ta’ala ke darmiyan waseela banate hain, woh yeh samajte hain ke yeh nek log inhen Allah Ta’ala ke qareeb kar denge, inhen Allah Ta’ala ke samne safarishi banate hain, yeh samajte hain ke unke gunaaho ki wajah se Allah Ta’ala ke yaha unka koi maqam nahi, isliye nek logon ko Allah Ta’ala ke yaha waseela banate hain aur Allah Ta’ala ke bajaye unhi se duayein karte hain. 

✔Farmaan e baari taala hai :

▫🍃aur jab aap se mere bande mere bare mein puchhen to mein qareeb hi hun, jab bhi mujhe koi dua karne wala pukaarta hai uski dua ko qubool karta hun.

📗(Al-Baqara:186) 


🔴2- Sharai taur par jaaiz waseelo mein se koi waseela apnaana .

 1⃣Allah ke Pyare Naamo Ka waseela.

▫🍃Aur Allah hi ke liye ache ache naam hain, lehaza tum usey un(naamo) se pukaro. 

📕(Al-Araaf:180)

2⃣Nek Taqwa aur parhezgar logo ke waseele se dua karna(Sirf Zinda log se). 

📕(Sahih Bukhari :1010) 
3⃣Apne Nek Amal Ke Waseela se.

📗(Sahih Muslim :6939) (Sahih Bukhari :2333,2215)


🔴3-Jald baazi se parhez karen
Kyunke jald baazi dua ki qabuliat mein rukawat banti hai, jaise ke ek hadees mein hai ke : Rasool’Allah sallallaho alaihi wasallam ne farmaya tum mein se har ek ki dua qubool ki jati hai jab tak jald baazi karte hue yeh nah kahe : dua to bohat ki hai lekin qubool hi nahi hoti.

📕Bukhari : ( 6340 ) Muslim : ( 2735 )

🖇Ek aur riwayat me ata hai 

Rasool’Allah sallallaho alaihi wasallam ne farmaya : Bande ki dua us waqt tak qubool hoti rehti hai jab tak woh kisi gunah ya qata rehmi(Rishte todne/severing the ties of blood) ki dua nahi mangta aur jald baazi nahi machata. 

Pucha gaya : Allah ke Rasool !” jald baazi machane se kya murad hai ?” to Rasool’Allah sallallaho alaihi wasallam ne farmaya :  woh yeh kahne lag jaye ke  maine bohat dua ki intehaee ziyada duayein mangi, lekin Allah meri dua qubool nahi farmata, woh yeh kah kar thak haar jata hai aur dua karna chore deta hai.

📗Sahih muslim : ( 2735 )


🔴4- Allah Ta’ala ke bare mein husn zan(achha guman) rakhe

Rasool’Allah sallallaho alaihi wasallam ka farmaan hai : 

Allah taala farmata hai: mai apne bande ke sath uske apne gumaan ke mutabiq maamla karta hun.

📗Bukhari : ( 7405 ) Muslim : ( 4675 )  

Chunanche Allah Ta’ala se khair ki umeed rakhne wale par Allah Ta’ala khair o Barkaat ke dariya baha deta hai, Allah ta’ala uspar apna fazl farmata hai.

🔴5-Hazir Dil se Dua mangein

Rasool’Allah sallallaho alaihi wasallam ne farmaya 

“tum Allah se dua mango aur is yaqeen ke saath mango ke tumhari dua zarur qubul hogi, aur (achhi tarah) janlo ke Allah Ta’ala beparwahi aur betawajjo se mangi hui ghaflat me mubtila dil ki dua qubul nahin karta.”

📗Tirmizi : ( 3479 ) ne usey rivayet kya hai aur albani ne usey sahih Al-Jami : ( 245 ) mein hasan qarar diya hai .


🔴6- Khana peena halal ho

Farmaan e baari taala hai :

▫🍃Beshak Allah Ta’ala mut-taqi(taqwe-wale/parhezgaro) ke hi amal qubool karta hai. 

📕[ Al-Maidah: 27 ]

➖Doosri janib Nabi sallallaho alaihi wasallam ne bhi aise shakhs ki dua ki qabuliat ko namumkin qarar diya jis ka khana, peena, aur pehenna haraam ka ho, Chunanche hadees mein hai ke : 

▫🍃Rasool’Allah sallallaho alaihi wasallam ne 1 shakhs ka zikar farmaya ke wo lambe safar mein pareshan baal aur dhool mein pata hua aasman ki janib haath phaila ke kahe : ya rab! ya rab !

halaanke uska khana haraam hai, peena haraam hai, libaas haraam aur uski ghiza haraam, to uski dua kaise qubool ho! ) 

📘Muslim : ( 1015 )

✔Ibn Qaiyeem Rahimullah kehte hain ke : haraam khane se dua mein quwat khatam ho jati hai aur dua mein kamzoree aa jati hai. 


🔴7- Hadd se nah niklo 

Kyun ki Allah Ta’ala ko dua mein hadd se nikalne wale pasand nahi hai,

Farmaan baari taala hai :

“tum apne parvar-digaar se dua kiya karo gidgida kar bhi aur chupke chupke bhi, Waqai Allah Ta’ala un logo ko napasand karta hai jo hadd se nikal jaayen.”

📘(Al-Araaf:55)

⬆Tafseer Ibn Kaseer :

➖Insan dua mange qubul hogi Allah Ta’ala apne bando ke dua ki hidayat karta hai jisme unki duniya aur akhirat ki bhalai hai. Allah Ta’ala Farmata hai ke apne parwardigar ko aajizi, miskeeni aur aahistagi se pukaro.

         ▫🍃Abu Musa Ashari Razi Allahu anhu se riwayat hai ke logon ne Dua me apni awaaze bahut buland kardi to Rasool’Allah sallallaho alaihi wasallam ne farmaya logon apni jaano par rahem karo kyunki tum kisi bahre ya gayab ko nahi pukar rahe jise tum pukar rahe ho wo bahut sunne wala aur bahut nazdeek hai. 

📒(Bukhari wa Muslim)


🔴8-Dua mein mashgool ho kar kisi zururi kaam ki adaigi mein kotahi nah barte

✔Maslan: Koi fauri aur zururi kam jaise waalid ki khidmat is Hujjat se nah chhode ke dua mein mashgool hun, is ke mutaliq ibadat guzaar juraij ke waqiye mein wazeh ishara maujood hai ke 

jab unhon ne apni walida ki aawaz sun kar uska jawab nah diya aur apni namaz mein mashgool rahe to unki walida ne unke khilaaf bad dua kar di natijta Allah Ta’ala ne unhen azmaish mein daal diya .Dekhein-: (Sahi Muslim, 2550)

_*🏮Imam Nawawi Rahimullah  kehte hain :*

” Ulemaye karaam kehte hain : yeh is baat ki Daleel hai ke juraij keliye sahih amal yeh tha ke apni walida ki baat ka jawab dete ؛ kyunke woh Nafil namaz ada kar rahe the aur is Nafil namaz ko jari rakhna bhi Nafil hi tha wajib nahi tha, jabke walida ki baat ka jawab dena, unke sath husn sulooq karna wajib hai un ki nafarmani haraam hai. .. ”

📔”sharah sahih muslim” az : ( 16 / 82 )Nawawi

📮​”ALLAH TA’ALA JISE CHAHTA HAI HIDAYAT DETA HAI /GUMRAH KARTA HAI 

                  Join our Telegram Channel    

 https://ⓣelegram.me/paighaameislam

 *‎بِسْمِ الْلّٰهِ الْرَّحْمٰنِ الرَّحِيْم
          

Hidayat ka matlab

➖Hidayat ka matlab hota hai rahnumai, rahbari, raah dikhnana, seedha rasta, batana. Quran Majeed hidayat ko teen darjaat mein taqseem karta hai aur makhsoos qism ki hidayat ko makhsoos darjah ( level ) ke liye muqarrar kiya gaya hai .

1.Pahle darjah ki hidayat alamgeeri hai aur yeh har sheh ke liye hai.

Allah Ta’ala farmata hai➖

“Jawab diya ke hamara rab woh hai jisne har ek ko uski khaas soorat, shakal ataa ki’ phir hidayat di.”

  ( Surah Taaha : 50 )

Iska matlab yeh hai ke Allah ne har sheh ko ek makhsoos shakal bakhshi aur phir un cheezon ko unke kirdaar ke mutabiq hidayat bakhshi gayi. Hidayat ki yeh qism insaan, jinn, janwar, paudhon aur baqi sab takhliqaat(creation) ke liye hai .

 2.Dusre darjah ki hidayat insanon aur jinnat ke liye makhsoos hai. Is qism ki madad se liye gaye kamon ke woh dono qayamat ke din jawab deh honge. Yeh hidayat hamesha se maujood hai aur jinn o ins mein se har koi azad hai chahe usko pehchan kar usse kaam le yaa usko mustarad(inkar karde/Radd karde) kar de.

     Allah Ta’ala farmata hai➖
“Qasam hai nafs ki aur usey durust karne ki, phir Allah Ta’ala ne is nafs ko burai se bachney aur parhezgari ikhtiyar karne ki samajh ataa farmai. Phir ispar iski badi(gunah) aur iski parhezgari wazeh kar di. Beshak woh kamyaab ho gaya jisne nafs ko pakeeza bana liya. Aur na-murad huwa woh jisne isko alwida kiya.”
        (Surah al-shams 7-10 )

 3.Teesri qism ki hidayat jinn o ins mein se unke liye hai jinhone sachaai ke Paigham ko ghaur se suna. Yeh hidayat unhein sachaai ko pehchanne mein mazeed madad karti hai. 

Allah Ta’ala farmata hai ➖

“Woh log jinhone hidayat qubool ki usne unhein hidayat mein badha diya aur unhein unka taqwa ataa kar diya.”
        ( Surah Mohammad : 17 )

Jisko Allah chahta hai, usko Allah hidayat deta hai ka matlab :

        ✔Ek cheez ko samajh liya jaye ke koi bhi qurani aayat quran ki baqi ayaat aur ahadees ki roshni mein hi samjhi ja sakti hai. Quran Majeed mein kuch ayaat hain jin mein Allah ka farmaan hai ke Allah jis ko chahta hai usko hidayat bakhshta hai aur jise chahta hai gumraah chhod deta hai. 

⛳Maslan

“phir Allah jise chahta hai gumraah karta hai aur jise chahta hai hidayat deta hai. Aur woh ghalib aur hikmat wala hai.”
        (Surah ibrahim : 4 )

   Bande ke paas ikhtiyar hai

Quran Majeed ki doosri mukhtalif ayaat is baat ki tashreeh karti hain ke Allah ne haq aur baatil mein ek tafreeq kar di hai aur haq o baatil ko bilkul numaya aur wazeh kar diya hai. Ab yeh bande ki apni khwahish hai woh haq ko pasand karta hai ya usko chhod deta hai.

〰Jaise pahle bhi bayan huwa :

“Qasam hai nafs ki aur usey durust karne ki, phir Allah taala ne is nafs ko buraiee se bachney aur parhezgari ikhtiyar karne ki samajh ataa farmai. Jisne usey paak kiya wo kamyab hua, aur jisne usey khaak me mila diya wo nakam hua.”
        ( al-shams: 7-10 )

“Aur unse keh do ke haq tumahre rab hi ki taraf se ( aa chuka ) hai, so jiska jee chahe imaan le aeye aur jis ka jee chahe kufr kare, humne yaqeenan tayyar kar rakhi hai zaalimo ke liye ek aisi holnaak aag, jiski lapeto ne unko apne ghere mein le rakha hai.”
        ( al-kahf :29 )

Woh jinhein Allah hidayat deta hai :
“aur woh jo uski taraf rujoo karen unhein ( Allah ) hidayat de deta hai.”
        ( al-raad : 27 )

“Aur jinhonne hamari raah mein koshish kee, zaroor hum unhein apne raaste dikha denge aur beshak Allah neko ke sath hai.”
        (Surah Ankboot: 69)

“Allah jise chahta hai apne liye chunn leta hai aur jo uski taraf rujoo kare usey apni taraf raasta dikha deta hai ( hidayat de deta hai ).”
        (Surah Shuara :13)

         Woh jinhein Allah gumraah karta hai :

  Usi tarah Allah hamein batata hai ke woh kis ko gumraah chhodta hai .
        “aur is ( seedhe raaste se Allah ) gumraah nahi karta siwaye na-farmanon ke” 

        ( al-baqrah 26 )

“Aur Allah na farmanon ( zaalimon ) par raah gum kar deta hai aur woh jo chahta hai karta hai”

( ibrahim : 27 )
Allah gumraah kaise karta hai ?
Ab sawal paida hota hai ke Allah gumraah kaise karta hai❓ Iska jawab Allah bohat khol kar aur wazeh taur par batata hai :
“Aur jo shakhs seedha raasta maloom hone ke baad paighambar ki mukhalfat kare aur mominon ke raaste ke siwa aur ( kisi dusre ) raaste par chale to jidhar woh chalta hai hum usey udhar hi chalne denge aur qayamat ke din jahannum mein daakhil karenge aur woh buri jagah hai.”
        ( al-nisa : 115 )

➖Allah ne apni nishaniyon se yeh baat bilkul wazeh kar di hai ke woh log jo haq ke zahir ho jane ke baad haq ki taraf rujoo karenge unko Allah hidayat dega ( teesri qisam ki hidayat ) aur jo haq ke zahir ho jane ke bawajood baatil aur burai ki taraf rujoo karenge Allah unko unke pasandeeda raaste ki taraf chhod deta hai ( jo gumraahi ke raaste hain ), to aise logon ko Allah saza dene mein bhi haq bajanib hai kyunki unhone haq ke unpar zahir ho jane ke baad usko tasleem(qubul) na kiya .
Allah gumraah kaise karta hai ?
Ab sawal paida hota hai ke Allah gumraah kaise karta hai❓ Iska jawab Allah bohat khol kar aur wazeh taur par batata hai :
“Aur jo shakhs seedha raasta maloom hone ke baad paighambar ki mukhalfat kare aur mominon ke raaste ke siwa aur ( kisi dusre ) raaste par chale to jidhar woh chalta hai hum usey udhar hi chalne denge aur qayamat ke din jahannum mein daakhil karenge aur woh buri jagah hai.”
        ( al-nisa : 115 )

 ➖Allah ne apni nishaniyon se yeh baat bilkul wazeh kar di hai ke woh log jo haq ke zahir ho jane ke baad haq ki taraf rujoo karenge unko Allah hidayat dega ( teesri qisam ki hidayat ) aur jo haq ke zahir ho jane ke bawajood baatil aur burai ki taraf rujoo karenge Allah unko unke pasandeeda raaste ki taraf chhod deta hai ( jo gumraahi ke raaste hain ), to aise logon ko Allah saza dene mein bhi haq bajanib hai kyunki unhone haq ke unpar zahir ho jane ke baad usko tasleem na kiya .

Allah gumraah karta hai wali aayat ka matlab:
Isaai, mishnari aur mulhideen(atheist) baaz auqaat surah hood ki aayat number 34 bhi pesh karte hain. Yeh ayat Nooh alaihi salam ke logon ke mutaliq hai. Nooh apni qaum se kehte hain :
“Tumhe meri nasihat nafa na degi agar mein tumhara bhala chahoon jabke Allah tumhari gumraahi chahe, woh tumhara Rab hai, aur usi ki taraf phiroge.”
        ( Hood : 34 )

yahan is baat ko zehan mein rakhen ke Nooh alaihi salam yeh baat us waqt keh rahe hain jab unki qaum saari hade paar kar chuki thi balke is azaab ka mutalba kar rahi thi jisse unko pehle hi daraya ja chuka tha to yahan Allah apna tareeqa ikhtiyar karta hai aur aise zalimon ko unke hi pasandeeda raastoon par muqarrar kar deta hai jo unhone haq ko chhod kar pasand kiye jaisa ke pehle bhi bayan huwa. Aur ain mumkin hai yeh baat us waqt kahi ja rahi hai jab qaum Nooh saza diye jane ke qareeb thi kyunki yahi lafz saza aur tabahi ke maa’ne mein istemaal hota hai. Maslan quran mein hum padhte hain

        فَخَلَفَ مِنۡۢ بَعْدِہِمْ خَلْفٌ اَضَاعُوا الصَّلٰوۃَ وَاتَّبَعُوا الشَّہَوٰتِ فَسَوْفَ یَلْقَوْنَ غَیًّا

“phir un ke baad aise log unki jagah aeye jinhone namazon ko barbaad kiya , aur apni nafsaani khwahishaat ke peeche chale so anqareeb unko gumraahi ( ki saza ) milegi. ”

( Mariyam: 59 )
kuch log al-araaf ayah 16 ko aur Al-Hijr ayah 39 ko bhi is silsila mein pesh karte hain.
 ” Us shaytan ne kaha jaisa tune mujhe gumraah kiya hai mein bhi zaroor unki taak mein teri seedhi raah par bhaithoonga.”
        ( al-aaraf 16 ) .

“Us ( shaytan ) ne kaha ke parvar-digaar jis tarah tune mujhe gumraah kiya hai mein un bandon ke liye zameen mein saaz o samaan aaraasta karoonga aur sab ko ikattha gumraah karoonga.”
        (Al- Hijr :39)

✔Magar har Aqil shakhs samajh sakta hai ke yeh alfaaz shaytan ke hain jo apne shaytani azaim ka izhaar kar raha hai, un ayaat ko apne maayno mein sirf shaytani roohein hi istemaal karne ki koshish kar sakti hain !

Dilon par mohar karne ka matlab :

➖Kuch log kehte hain ke jab Allah khud kehta hai ke woh khud kafiroon ke dilon par mohar laga deta hai to un kafiroon ko unke aamaal ka zimmedaar kyun kar qarar diya ja sakta hai ❓

        yeh kehne ki asli wajah pooore muamle ko na samjhna hai. Allah sirf un kafiroon ke dil me mohar karta hai jo intahi zid o keena ke sath haq ke paigham ko inkar kar dete hain aur unke jo hidayat ki doosri qism ( jo ke har ek ke liye hai aur jise pane ke liye sirf apni khwahish darkaar hoti hai ) ko inkar kar dete hain. Ham quran mein jab dekhte hain ke Allah kisi ke dilon ko mohar karne ka kehta hai to isse murad sirf woh kafir hote hain jo intahi behoodgi se haq ko mustarad kiye dete hain aur bajanib haq koi rujoo, khwahish nahi rakhte. al-baqrah aayat number 7, al-nissa aayat number 168 aur surah nahal aayat number 106 o 109 is ki wazeh misalein hain .

        Khulasa

Is saari behas ka khulasa yeh ke Allah Ta’ala apni nishaniyon se sab ko hidayat dikhata hai. Woh apne paighambar bhejta hai jo Allah ka Paigham le kar aate hain aur woh uske zariye se haq aur baatil ko bilkul wazeh karwa deta hai. Uske baad jo shakhs haq ko pehchanne ki khwahish rakhta hai ( zahir karta / koshish karta hai ) to Allah us par hidayat khol deta hai, aur jo iske barkhilaf bilkul gumraah kiye jate hain woh woh log hain jo baatil ki taraf rujoo karte huwe haq ko chhode dete hain aur jo is gumraahi par bazid ho jate hain Allah unke dilon ko mohar kar deta hai.
  Wallahualam 

📮NAMAZ KE BAAD KE MASNOON AZKAAR

📬Join Our Telegram Channel📬
https://ⓣelegram.me/paighaameislam
♻Bismillahhirrahmanirrahim ♻
✔☘1. Ibne Abbas Radiallahu anhu riwayat karte hain ke main Rasool’Allah sallallaho alaihi wasallam ki namaz ka mukammal hona takbeer (Allahu Akbar ki awaaz) se pehchaan leta tha. 
📚(Bukhari: al Azan 841,842)

📚(Muslim: al Masaajid 583)

✒Yaani namaz mukammal hote hame ek martabah Allahu Akbar kahna hai. 
2.✔☘Saubaan Radiallahu anhu se rivayat hai ki Rasool’Allah sallallaho alaihi wasallam jab apni namaz se farigh hote they to 3 martabah  Astaghfar farmate they aur ye dua mangte 

❣اللَّهُمَّ أَنْتَ السَّلاَمُ وَمِنْكَ السَّلاَمُ تَبَارَكْتَ یا ذَا الْجَلاَلِ وَالإِكْرَامِ❣ “ 

🎗”Allahumma Antas Salaam wa Minkas Salaamu Tabaarakta Yaa zal Jalaali wal Ikraam”🎗
Tarjumah (Aye Allah tu salam hai aur salamati teri hi taraf se hai aye izzat o jalal wale tu baa barkat hai) 
Ravi Waleed kahte hai ke maine Auzaai se pucha ke Aap sallallaho alaihi wasallam Astaghfar kis tarah farmaya karte they❓
To farmaya Aap sallallaho alaihi wasallam is tarah farmate

❣( أَسْتَغْفِرُ اللَّهَ أَسْتَغْفِرُ اللَّهَ)❣۔

Astaghfirullah Astaghfirullah. 

📚(Sahih Muslim : 591)

3.✔☘Muaz bin Jabal Radiallahu anhu riwayat karte hain ke Rasool’Allah sallallaho alaihi wasallam ne mera hath pakad kar farmaya: Aye Muaz! Allah ki qasam main tujh se muhabbat karta hu. Main tujhe wasiyat karta hu ke har (farz) namaz ke baad ye (zikar) padhna na chhodna. 
❣“اللَّهُمَّ أَعِنِّيْ عَلَى ذِكْرِكَ وَشُكْرِكَ وَحُسْنِ عِبَادَتِكَ”❣
🎗”Allahumma Aa’inni Alaa Zikrika wa Shukrika wa Husni ibaadatik”🎗 
🎐Tarjumah (Aye Allah!! apne zikr karne,apna shukr karne aur apni behtareen ibadat karne me meri madad farma). 
📚(Abu Dawood: 1522) Sahih(Al-Albani)

📚(Nasai : 1304)

4.✔☘Rasool’Allah sallallaho alaihi wasallam har farz namaz ke baad ye padhte they: 

❣”‏ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ، وَلَهُ الْحَمْدُ، وَهْوَ عَلَى كُلِّ شَىْءٍ قَدِيرٌ، اللَّهُمَّ لاَ مَانِعَ لِمَا أَعْطَيْتَ، وَلاَ مُعْطِيَ لِمَا مَنَعْتَ، وَلاَ يَنْفَعُ ذَا الْجَدِّ مِنْكَ الْجَدُّ ‏”❣

🎗”La ilaha illal-lahu wahdahu la sharika lahu, lahul-mulku wa lahul-hamdu, wa huwa ala kulli shay’in qadir. Allahumma la mania lima ataita, wa la mutiya lima manata, wa la yanfau zal-jaddi minkal-jadd.”🎗
Tarjumah (Allah ke siwa koi ibadat ke layeq nahi, uska koi shareek nahi, usi ki baadshahat hai, usi ke liye tareef hai, aur wo har chiz par qadir hai. Aye Allah jo tu de usey koi rokne wala nahi aur jo tu rokle usey koi dene wala nahi aur kisi saahibe haisiyat ko uski haisiyat tere yahan faida nahi de sakti.) 
📚(Bukhari :844, Muslim : 293)

5.✔☘Rasool’Allah sallallaho alaihi wasallam namaz ke baad in kalimaat ko padhte the

❣”‏ اللَّهُمَّ إِنِّي أَعُوذُ بِكَ مِنَ الْجُبْنِ، وَأَعُوذُ بِكَ أَنْ أُرَدَّ إِلَى أَرْذَلِ الْعُمُرِ، وَأَعُوذُ بِكَ مِنْ فِتْنَةِ الدُّنْيَا، وَأَعُوذُ بِكَ مِنْ عَذَابِ الْقَبْرِ ‏”❣

🎗”Allahumma Inni A’auzubika Minal Jubni wa A’auzubika An Uradda Ilaa Arzalil Umuri wa A’auzubika Min Fitnatid Dunya wa A’auzubika Min A’azabil Qabr”🎗
Tarjumah (Aye Allah buzdili se mai teri panah mangta hu, isss teri panah mangta hu ke umr ke sabse zaleel hisse(budhape) me pahucha diya jaaon. Aur teri panah mangta hu mai duniya ke fitno se aur teri panah maangta hu qabr ke azaab se.) 
📚(Sahih Bukhari : 2822)

6.✔☘Abu Hurairah Radiallahu anhu se rivayat hai ki Rasool’Allah Sallallahu Alaihi Wasallam ne farmaya ki jis admi ne har namaz ke baad 33 martabah SubhanAllah, 33 martabah Alhamdullillah aur 33 martabah Allahu Akbar kaha to ye 99 kalimaat ho gaye aur 100 ka adad pura karne ke liye
❣لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَىْءٍ قَدِيرٌ❣

 Lailaha illallah Wahdahu la shareeka lahu lahul Mulku wa Lahul Hamdu wa Huwa A’alaa Kulli Shai in Qadeer
🎐Tarjumah

(Allah ke siwa koi ibadat ke layeq nahi uska koi shareek nahi, usi ki badshahat hai, usi ke liye tareef hai aur wo har chiz par qadir hai.) 

kah liya to uske saare gunah maaf kar diye jayenge chahe wo samandar ke jhaag ke barabar ho.

📚(Sahih Muslim : 597)

7.✔☘Uqbah ibn Amir Radiallahu anhu se rivayat hai ki Rasool’Allah Sallallahu Alaihi Wasallam ne mujhe hukm diya ke mai har(farz) namaz ke baad muawwizatan(Quran ki akhiri do surah yani Surah falaq aur Naas) padhu. 
📚(Tirmizi : 2903)

📚(Abu Dawud : 1523)

Fajr aur Maghrib ki namaz ke baad teen teen bar Surah Falaq, Surah ikhlas aur Surah Naas padhna. 
📔(Fatawa Al-Sheikh Ibn Baaz 11/188-190)

8.✔☘Ummul Momineen Umme Salamah Radiallahu anha farmati hai ke Rasool’Allah sallallaho alaihi wasallam jab subah ki namaz ka salam pherte to kahte

❣”‏ اللَّهُمَّ إِنِّي أَسْأَلُكَ عِلْمًا نَافِعًا وَرِزْقًا طَيِّبًا وَعَمَلاً مُتَقَبَّلاً ‏”❣‏

“Allahumma Inni As aluka ilman Naafe a’n wa Rizqan Taiyyiba’n wa A’malan Mutaqabbala”

🎐Tarjumah

(Ai Allah mai tujhse Nafa dene wala ilm aur paakiza rizq aur Qubul kiye jaane wale amal ka sawal karta hu. 

📚(Ibn Majah : 925)Sahih

9.✔☘Umarah bin Shabeeb As- sabai Radiallahu anhu se riwayat hai ke Rasool’Allah sallallaho alaihi wasallam ne farmaya : Jis ne maghrib ki namaz ke baad 10 baar ye alfaz kahe 

❣لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ لَهُ الْمُلْكُ وَلَهُ الْحَمْدُ يُحْيِي وَيُمِيتُ وَهُوَ عَلَى كُلِّ شَيْءٍ قَدِيرٌ❣

“Laailaaha Illallahu Wahdahu Laa Shareeka Lahu, Lahul Mulku wa Lahul Hamdu Yuhyee wa Yumeetu wa Huwa a’laa Kulli Shai’in Qadeer” 

Allah Ta’ala uski hifaazat ke liye farishte bhejta hai jo subha tak shaytan mardood se uski hifaazat karte hain aur Allah Ta’ala uske liye 10 nekiya likhta hai, aur 10 halak karne wale gunah is se door karta hai uske liye 10 momin ghulam azaad karne ke baraabar ajar hai. 

📚(Tirmizi : 3534)Hasan

10.✔☘Abu Umamah Radiallahu anhu se rivayat hai ki Rasool’Allah Sallallahu Alaihi Wasallam ne farmaya jisne har namaz ke bad ayatal kursi padhi to uske jannat me dakhil hone se maut ke siwa koi chiz nahi rokti.

📚(Nasaai : Fil Amaal Al Yaum wal Lail 100)

🚩Ayatal kursi

❣ٱللَّهُ لَآ إِلَٰهَ إِلَّا هُوَ ٱلْحَىُّ ٱلْقَيُّومُ ۚ لَا تَأْخُذُهُۥ سِنَةٌۭ وَلَا نَوْمٌۭ ۚ لَّهُۥ مَا فِى ٱلسَّمَٰوَٰتِ وَمَا فِى ٱلْأَرْضِ ۗ مَن ذَا ٱلَّذِى يَشْفَعُ عِندَهُۥٓ إِلَّا بِإِذْنِهِۦ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَىْءٍۢ مِّنْ عِلْمِهِۦٓ إِلَّا بِمَا شَآءَ ۚ وَسِعَ كُرْسِيُّهُ ٱلسَّمَٰوَٰتِ وَٱلْأَرْضَ ۖ وَلَا يَـُٔودُهُۥ حِفْظُهُمَا ۚ وَهُوَ ٱلْعَلِىُّ ٱلْعَظِيمُ❣

🎐Tarjumah

(Allah ta’ala hee mabood bar-haq hai jis ke siva koyi mabood nahi jo zinda aur sab ka thaamne waala hai, jise na oongh aaye na neend, us ki milkiyat mein zameen aur asmaano ki tamaam cheeze hai, kaun hai jo us ki ijaazat ke baghair us ke saamne shifa’at kar sake, wo jaanta hai jo un ke saamne hai aur jo un ke piche hai, aur wo us ke ilm mein se kisi cheez ka ehaata nahi kar sakte magar jitna wo chaahe, us ki kursi ki wus-at ne zameen wa asmaan ko gher rakha hai aur Allah ta’ala un ki hifaazat se na thakta aur na uktaata hai, wo to bahut buland aur bahut bada hai.) 

📕(Quran – 2 : 255)

📮RASOOL’ALLAH sallallaho alaihi wasallam KI MOHABBAT WA TAZEEM KA WAJOOB

🍃بسم اللہ الرحمن الرحیم 🍃

📮RASOOL’ALLAH sallallaho alaihi wasallam KI MOHABBAT WA TAZEEM KA WAJOOB

Join Our Telegram Channel 

https://ⓣelegram.me/paighaameislam


Fazilat-ul-Sheikh Saleh bin Fauzan Al-Fauzan Hafizullah
✒Romanised by : Mohammadiyah


🔴Bande par sab se pehle Allah ta’ala ki mohabbat zaruri hai, yeh ibadat ki sab se azeem qism hai.

➖Allah taala ka irshad hai :📕

▫🍃aur jo imaan wale hain woh to Allah ta’ala hi se sab se ziyada mohabbat karte hain🍃▫

📕Surah Baqara :165

➖Is liye ke Allah taala hi apne bandon ka munaim haqeeqi(true giver) hai, jisne saari zahiri o baatini nematon se bandon ko nawaza hai. Phir Allah ta’ala se mohabbat ke baad uske Rasool Mohammad sallallaho alaihi wasallam se mohabbat wajib hai, is liye ke Rasool’Allah sallallaho alaihi wasallam ne bandon ko Allah ta’ala ki taraf dawat di, is ki Maarfat se humkenar kiya, uski Shariat ko pahunchaya aur uske ehkamaat ko bayan farmaya. Aaj musalmanon ko jo duniya aur akhirat ki bhalai haasil hai woh usi Rasool sallallaho alaihi wasallam ki badaulat haasil hai. ⚡

Koi shakhs Rasool’Allah sallallaho alaihi wasallam ki ita’at aur ittebaa ke baghair jannat mein daakhil nahi ho sakta. 

✔Ek hadees ke alfaaz hain :

🍃jis ke andar teen cheeze hon gi woh imaan ki mithaas payega, woh yeh ke Allah aur uske Rasool sallallaho alaihi wasallam uske nazdeek doosri har cheez se ziyada mehboob hon aur kisi shakhs se mohabbat karta ho to sirf Allah Taa’la ke liye karta ho aur kufr ki taraf lautna, uske baad ke Allah Ta’ala ne usey is se nikala hai, aisa hi napasand karta ho jaisa ke aag mein daaley jane ko na pasand karta hai.

📚Bukhari Al Imaan, 16

البخاری الإیمان ( 16 ), muslim الإیمان ( 43 ), الترمذی الإیمان ( 2624 ), النسائی الإیمان وشرائعه ( 4988 ), Ibn ماجه الفتن ( 4033 )

Is hadees se pata chala ke Rasool’Allah sallallaho alaihe wasallam ki mohabbat Allah ta’ala ki mohabbat ke tabe hai aur uske sath lazim hai aur rutbe ke aitbaar se dusre darjah par hai. Rasool’Allah sallallaho alaihi wasallam ki mohabbat aur Allah ta’ala ke alawa deegar tamam mehboob cheezon se aap ki mohabbat ko muqaddam rakhne se mutaliq hadees ke alfaaz yeh hain :
🍃”Tum mein se koi us waqt taq pakka momin nahi ho sakta jab tak ke mein uski aulaad uske walidain aur tamam logon se ziyada mehboob nah ho jaoon.”⚡

📘Sahih Bukhari Al iman, 15

 البخاری الإیمان ( 15 ), muslim الإیمان ( 44 ), النسائی الإیمان وشرائعه ( 5013 ), Ibn ماجه المقدمة ( 67 ), الدارمی الرقاق ( 2741 ) .

➖balke ek hadees mein to aaya hai ke ek momin ke liye zaruri hai ke Rasool’Allah sallallaho alaihi wasallam ko apne nafs se ziyada mehboob rakhe.⚡

🔴Syedna Umar bin Khattab Razi Allahu Anha ne ek martaba arz kiya ke :

*🍃”Ai Allah ke Rasool sallallaho alaihi wasallam ! Aap mere nazdeek duniya ki har cheez se mehboob hain siwaye mere nafs ke, Rasool’Allah sallallaho alaihi wasallam ne farmaya : Us zaat ki qasam jis ke haath mein meri jaan hai jab tak main tumhare nafs se bhi ziyada mehboob nah ban jaoon baat nahi banegi. Yeh sunkar Syedna Umar ibn Khattab Razi Allahu anha ne arz kiya : (agar aisi baat hai to) yaqeenan Allah ki qasam ! is waqt Aap sallallaho alaihi wasallam mere nafs se bhi ziyada mehboob hain, Aap sallallaho alaihi Allah wasallam ne farmaya : ab sahih hai ai Umar ).

📒Sahih Bukhari, 6257

 البخاری الأیمان والنذور ( 6257 ), أحمد ( 4 /336 

☑Is se yeh baat wazeh ho gayi ke Rasool’Allah sallallaho alaihi wasallam ki mohabbat wajib hai aur Allah ta’ala ki mohabbat ke ilawa duniya ki har cheez ki mohabbat par muqaddam hai. Isliye ke Rasool’Allah sallallaho alaihi wasallam ki mohabbat Allah Ta’ala ki mohabbat ke tabe aur usko lazim hai. 

Jaise ke Irshaad e Baari Taa’la hai

_*”(Ai paighambar! logon se) kah do ke agar tum Allah se mohabbat rakhte ho to meri pairwi karo, Allah bhi tum se mohabbat karega aur tumhare gunaho ko maaf kardega”

📗Al-Imran :31

is liye yeh mohabbat bhi Allah Ta’ala ki raah mein hai aur usi ke liye hai aur Allah Taa’la ki mohabbat momin ke dil mein jitni badhegi utni hi Rasool’Allah sallallaho alaihi wasallam ki mohabbat badhegi aur Allah Ta’ala ki mohabbat agar ghategi to Rasool’Allah sallallaho alaihi wasallam ki mohabbat bhi ghategi, aur jo koi bhi Allah Ta’ala ka mehboob hoga to usse Allah Ta’ala ki khatir mohabbat rakhi jayegi. 

🍃Allah aur Rasool sallallaho alaihi wasallam se mohabbat rakhe jane ka taqaza yeh hai ke hum unki ( bina ghulu ke ) tazeem o touqeer mein koi kasar nah utha rakhen aur unhi ki itteba karen unke qoul ko har ek ke qoul se muqaddam rakhen aur un ki sunnat ki bohat ziyada tazeem karen ( aur is par amal karen ) .

🍃🔴ALLAMA IBN QAIYYEEM RAMIMULLAH FARMATE HAIN:

➖” Insan se mohabbat aur uski tazeem, agar Allah se mohabbat aur uski tazeem ke tabe(yani Allah ki ita’at) hai to woh jaaiz hai. Jaise Rasool’Allah sallallaho alaihi wasallam Allah se mohabbat aur aap ki tazeem, aap ki yeh mohabbat o tazeem darasal aap ko Rasool bana kar bhejne wale se mohabbat aur uski tazeem ki takmeel hai. *Rasool’Allah sallallaho alaihi wasallam ki ummat Aap sallallaho alaihi wasallam se mohabbat is liye karti hai ke Aap sallallaho alaihi wasallam Allah ta’ala ko mehboob hain aur Aap sallallaho alaihi wasallam ki tazeem o Takreem is liye karti hai ke Allah ta’ala ne Nabi sallallaho alaihi wasallam  ko yeh izzat wa martabah Ata farmaya hai. Lehaza Nabi sallallaho alaihi wasallam se mohabbat Allah taala se mohabbat ka ek juz(hissa) hai ya Allah taala se mohabbat ka nateeja hai.

*🍃Maqsood yeh hai ke Allah ta’ala ne Rasool’Allah sallallaho alaihi wasallam ki shakhsiyat mein itni mohabbat o ra’ab(ahteram) daal diya tha, yahi wajah hai ke koi bhi insaan kisi insaan ke liye itna mehboob, izzatdaar wa ahteraam wala nahi hai jitna ke Rasool’Allah sallallaho alaihi wasallam apne sahaba karaam ke nazdeek mehboob, izzatdaar aur ahteraam wale they .

♦🔷Syedna Amro bin Aas Razi Allahu anhu ne islam qubool karne ke baad kaha tha ke *qubool islam se pahle Rasool’Allah sallallaho alaihi wasallam se ziyada mabghoos(hateful) shakhs mere nazdeek koi nahi tha, lekin ab qubool islam ke baad Rasool’Allah sallallaho alaihi wasallam se mehboob tareen aur izzatdaar shakhs mere nazdeek koi nahi, agar mujh se aap ka huliya bayan karne ko kaha jaye to mein kuch nahi bol sakta is liye ke aap ki touqeer o Ajlal(buland martabah) mein kabhi aap ko jee bhar ke nahi dekh saka .

♦🔷Sayedna Arwa bin Mas’ood Razi Allahu anhu ne Quraish se kaha tha, Ai logo! Allah ki qasam mein qaisar wa kasra(Badshahi) aur deegar shaahaan(Shaahi saltanat) mumalik ke darbaar mein gaya hun lekin kisi ko bhi aisa nahi paaya ke uske ahbaab o ashaab uski itni tazeem karte hon jitni tazeem Mohammad sallallaho alaihi wasallam  ke ahbaab o ashaab unki karte hain. Allah ki qasam unki tazeem wa Takreem(izzat wa adab karna) aur Ajlaal(Buland martabah) wa ra’ab( ahteraam) mein unse nazar nahi milate, jab wo thukte hain to kisi sahabi ki hatheli hi mein parta hai jise woh apne chehre aur seene par mal lete hain aur aap jab wuzu karte hain to woh wuzu ke pani ke liye aapas mein lad padte hain’✨ 

📒Jala’i Al – Afham :120-121

🔚