TAUBA KI QUBULIYAT KE LIYE KYA SHARAAYT HAIN?

بسم اللہ الرحمٰن الرحیم 


TAUBA KI QUBULIYAT KE LIYE KYA SHARAAYT HAIN?

Transliteration by : Bint Iqbal
__________________________________


Allah Ta’ala ki chahat aur raza is ka woh qanoon hai jis ke mutabiq amal kar ke hi insaan ki tauba qubool hoti hai. Tauba ki qabuliat ke liye mundarja zail sharait hain :

1.Agar ittifaqan gunah ho jaye to fauran Allah Ta’ala ko yaad kare der na lagaye aur yeh samjhe ke uske siwa koi nahi hai jo maaf kare. Jaan boojh kar gunah par ade na rahen .

Allah Ta’ala farmata hai :

“Aur mut-taqi woh log hain ke jab woh behayai ka koi kaam ya apni jaano par koi zulm kar baithte hain to ( fauran ) Allah ko yaad karte hain aur ( usse )apne gunaaho ki maafi mangte hain aur Allah ke ilawa gunaaho ko maaf kar bhi kaun sakta hai aur woh jaan boojh kar kisi burey kam par ad nahin jate. “
( Al-Imran : 135)
__________________________________

2.Agar nadani se gunah kar baithe to fauran tauba kare, der na kare. maut ke waqt tauba karna bekar hai .

Allah taala farmata hai :

“Allah Ta’ala sirf unhi logon ki tauba qubool farmata hai jo nadani se koi bura kaam kar baithte hain aur phir bohat jald tauba kar lete hain, Allah Ta’ala aise hi logon ki tauba qubool farmata hai aur woh bade ilm wala, badi hikmat wala hai .”
“Allah aise logon ki tauba qubool nahi farmata jo ( musalsal ) bure kaam karte rahte hain yahan tak ke jab un mein se kisi ko maut aane lagti hai to kahta hai ( Ai Allah) mein ab ( un bure kamon se ) tauba karta hun aur Allah un logon ki tauba qubool nahi farmata jo kufr ki haalat mein mar rahe hote hain, un ( sab ) logon ke liye Allah ne dard naak azaab tayyar kar rakha hai.”
( An-Nisa: 17, 18)
__________________________________


3. Tauba karne ke baad nek amal kare aur us gunah ko phir na kare .


Allah taala farmata hai :

“Aur jo shakhs tauba kare aur nek amal kare to woh goya Allah ki taraf yun rujoo karta hai jaisa ke rujoo karne ka haq hai .”
( Al -furqan: 71 )

Allah Ta’ala farmata hai :

“Magar woh gunahgaar jo gunah kare phir ( us ) gunah ke baad uske badle neki kare to yaqeenan mein bohat bakhshne wala behad meharban hun.”
(An-Naml-11)
__________________________________


4. Khulus niyat se tauba kare .

Allah Ta’ala farmata hai :

“Ai imaan walo, Allah se khalis dil se tauba karo, qareeb hai ke tumhara Rab tumhari buraiyon ko door kar de aur tum ko aisi jannaton mein daakhil kare jinke neeche nahrein bah rahi hain .”
(At-Tahreem:8) 
__________________________________


5.Gunah kitney hi ho gaye hon tab bhi Allah Ta’ala se naumeed na ho Allah Ta’ala se sachey dil se tauba karen. Allah Ta’ala tauba qubool farmayega .

Allah Ta’ala farmata hai :

“Kaho Ai mere woh Bando jinhon ne apni jaano par zayad-ti ki hai Allah ki rehmat se mayoos na hona yaqeenan Allah saare gunah maaf farma dega yaqeenan woh bohat bakhshne wala nihayat rahem karne wala hai .”
(Al- Zumar : 53)

Hadees

Abu Said Al-Khudri RaziAllahu anhu se riwayat hai ke Rasool’Allah sallallaho alaihi wasallam ne farmaya :”Bani Israel mein 1 shakhs tha jis ne 99 khoon na-haq kiye they phir woh (nadim ho kar ) masla poochne nikla. Woh ek darwesh(monk) ke paas aaya aur usse poocha kya is gunah se tauba qubool hone ki koi soorat hai?
Darwesh ne jawab diya ke “Nahin “.
Yeh sun kar usne us darwesh ko bhi qatal kar diya ( aur 100 khoon pooore kar diye ) phir woh ( doosron se ) poochne laga. Aakhir is ko ek darwesh ne bataya ke falan bastii mein chala ja ( woh adhe raste bhi nahi pahuncha tha ke ) uski mout waqey ho gayi. Martey martey usne apna seena us bastii ki taraf jhuka diya( jaha usne ummid ki thi ke uski tauba qubul ho jayegi).Aakhir rehmat ke firshton aur azaab ke firshton mein bahum jhagda hua( ke kaun usey le jaye Rahmat ke farishte kahte hain ke uski rooh ko ham le jayenge kyunki ye tauba ka pukhta irada rakhta tha, azaab ke farishte kahte hain ke uski rooh ko ham le jayenge kyunki ye sakht gunahgar tha ) lekin Allah Ta’ala ne us Nasra naami bastii ko ( jahan woh tauba ke liye ja raha tha ) hukum diya ke uski mayyat ke qareeb ho jaye aur doosri bastii ko ( jahan se woh nikla tha ) hukum diya ke uski mayyat se door ho ja. Phir Allah Ta’ala ne firshton se farmaya ke ab dono ka faasla dekho aur ( jab naapa to ) us bastii ko ( jahan woh tauba ke liye ja raha tha ) ek balisht mayyat se nazdeek paaya is liye woh bakhsh diya gaya.

Sahih Bukhari :3470

Wallahualam

Advertisements

SALAM KARNE KI FAZEELAT AUR USKI AHMIYAT

بسم اللہ الرحمٰن الرحیم


SALAM KARNE KI FAZEELAT AUR USKI AHMIYAT

Prepared by : Bint Iqbal

https://ⓣelegram.me/paighaameislam

__________________________________

   Salam karne se dilon me mohabbat wa ulfat

Allah Ta’ala ne salam ko aam karne ka hukum diya hai aur salam ka jawab wajib qarar diya hai, balke salam ko aise umoor mein shaamil  farmaya hai ke jin ki wajah se musalmanon mein mohabbat aur ulfat paida ho .


Abu Hurairah Razi Allahu anhu se marwi hai ke Rasool’Allah ﷺ ne farmaya :

Tum us waqt tak jannat mein daakhil nahi ho sakte jab tak imaan na le aao, aur us waqt tak imaan wale nahi ban sakte jab tak tum bahami mohabbat na karne lago, Kya mein tumhe aisi cheez na batlaoon jis ke karne par tum mohabbat karne lago❓

Aapas mein salam ko aam karo.

(Sahih Muslim :  54 )

__________________________________

Salam khair o barkat ka zariya

Farmaan e Ilahi hai :

”Bas jab tum gharon mein daakhil hone lago to apne ghar walon ko salam kaha karo, (Salaam) Allah Ta’ala ki taraf se nazil shuda dua e khair hai jo babarkat aur pakeeza hai.”

(Surah Noor : 61)

__________________________________


Islam ki behtar khaslat kaun si hai❓

Syedna Abdullah bin umro se riwayat hai, ek aadmi ne Nabi ﷺ se sawal kiya ke : Islam ki kaun si khaslat behtar hai ❓ Aap ﷺ ne farmaya : tum khana khilao aur sab ko Salaam karo ( chahe) tum usey pahchante ho ya nahi pahchante ho.

( Bukhari : 12 )

__________________________________

Musalman ke musalman par 6 huquq

Abu Hurairah RaziAllahu anhu se riwayat hai ke Rasool Allah ﷺ ne farmaya : musalman ke musalman par 6 huqooq hain, Poocha gaya : Ai Allah ke Rasool ﷺ wo kaun se huqooq hain❓ Aap ﷺ ne farmaya : Jab tum kisi musalman se milo to usko salaam karo. Jab woh tum ko dawat de to uski dawat qubool karo. Jab woh tum se naseehat ( yani mashwara) talab kare to usko achi naseehat karo. Jab woh chheenk ke baad Alhamdulillah kahe to uski chheenk ka jawab  Ya Rahmak Allah kaho. aur jab woh bemaar ho jaye to uski ayadat karo. Aur jab woh faut ho jaye to uski namaz e janaza mein jaao.

( Muslim : 5389 )

__________________________________

Majlis se uthkar jaate waqt salam karne ka bayan

Rasool’Allah sallallaho alaihi wasallam ne farmaya : jab tum mein se koi majlis mein pahunche to salaam kare, aur phir jab uth kar jane lagey to bhi salaam kare, kyunki pahla dusre se ziyada haqdaar nahi hai ( balki dono ki yaksaa ahmiyat o zaroorat hai, jaise majlis mein shareek hote waqt salaam kare aise hi majlis se rukhsat hote waqt bhi sab ko salamti ki dua deta jaye ) .

(Sunan Abi Dawud :5208)


Note :-aksar logo me ye galati hai ke wo aate waqt to salaam karte hai lekin jaate waqt salaam nahi karte balki uski jagah sirf Allah hafiz waghiara kahte hain. Jabki Hame Rasool’Allah sallallaho alaihi wasallam ne aate aur jaate dono waqto me salam karna sikhaya hai. 

__________________________________


Kaun kisko pahle salam kare❓

Nabi sallallaho alaihi wasallam ne farmaya ”chhota bade ko salaam kare, guzarne wala baithne wale ko salaam kare aur choti jamaat badi jamaat ko pehle salaam kare. “

 (Bukhari 6231)

__________________________________

Apne bhai se Teen din se zyada talluq kaatna jayez nahin

Abu aiyub RaziAllahu Anhu bayan karte hain ke

Nabi sallallaho alaihi wasallam ne farmaya ”kisi musalman ke liye jayez nahi ke woh apne kisi ( musalman ) bhai se teen din se ziyada talluq kaate ke jab woh milein to yeh ek taraf mun pher le aur dusra doosri taraf aur dono mein acha woh hai jo salaam pehle kare. 

(Bukhari 6237)

📮Aqeeqah 14we ya 21we din ki hadees ka tahqeeqi jayeza

                     بسم اللہ الرحمن الرحیم    

​پہلی بات یہ ہے کی شیخ البانی کی کتاب “صحيح الجامع الصغير ” یہ اصل حدیث کا مصدر نہیں ہے بخاری مسلم کی طرح، اس کتاب میں شیخ نے اصل کتاب سے حدیث کو لیا ہے اور اور اپنی کتاب صحیح الجامع صحیح میں نقل کیا ہے اس لئے ہیں اس حدیث کو اصل کتاب کی طرف دیکھنے ہیں:
عَنْ عَبْدِ اللَّهِ بْنِ بُرَيْدَةَ عَنْ أَبِيهِ عَنِ النَّبِىِّ صلى الله عليه وسلم قَالَ : ( الْعَقِيقَةُ تُذْبَحُ لِسَبْعٍ وَلأَرْبَعَ عَشْرَةَ وَلإِحْدَى وَعِشْرِينَ ) .
اس حدیث کو طبرانی نے روایت کیا ہے : المعجم الأوسط:( 5 / 136 )

اور بيهقى میں بھی ہے : ( 9 / 303 ) .

اسی حدیث کو شیخ البانی رحمہ اللہ نے صحیح الجامع الصغير میں ذکر کیا ہے۔
امام الهيثمي رحمہ اللہ کہتے ہیں اس روایت کے بارے میں “مجمع الزوائد (4/59)” اس میں ایک راوی ہے جس کا نام “إسماعيل بن مسلم المكى”  ہے وہ ضعیف ہے بہت زیادہ غلطی کرنے کی وجہ سے اور وھم کی وجہ سے۔
امام ھیثمی انکی پیدائش 735ھ کی ہے یہ شیخ البانی کے 6-7 سو سال پہلے کے ہیں
ایک دوسری روایت جس پر شیخ البانی نے بھی جرح کی ہے  ” إرواء الغليل ” ( 4 / 369 ) .
عن عطاء عن أم كرز وأبي كرز قالا : نذرت امرأة من آل عبد الرحمن بن أبي بكر إن ولدت امرأة عبد الرحمن نحرنا جزوراً فقالت عائشة رضي الله عنها : ” لا ، بل السنَّة أفضل ، عن الغلام شاتان مكافئتان ، وعن الجارية شاة ، تقطع جُدُولا ، ولا يكسر لها عظم ، فيأكل ، ويطعم ، ويتصدق ، وليكن ذاك يوم السابع ، فإن لم يكن : ففي أربعة عشر ، فإن لم يكن : ففي إحدى وعشرين  ” .

رواه الحاكم في  المستدرك على الصحيحين ” ( 4 / 266 ) 

شیخ البانی اس حدیث کو ذکر کرنے کے بعد کہتے ہیں : اس کے دو علتیں ہیں: 

1) عطاء اور أم كرز کے درمیان انقطع ہے۔

2) عائشہ رضي الله عنها دوسری سندیں آئیں ہیں لیکن اس میں ” تقطع جدولاً … ” کا اضافہ نہیں ہے تو ظاہر یہ ہے کہ یہ عطاء کا بڑھایا ہوا ہے
ایک دوسری روایت جو مصنف عبدالرزاق کی ہے
عَنْ عَبْدِ اللَّهِ بْنِ مُحَرَّرٍ، عَنْ قَتَادَةَ، عَنْ أَنَسٍ قَالَ: «عَقَّ رَسُولُ اللَّهِ صَلَّى اللهُ عَلَيْهِ وَسَلَّمَ عَنْ نَفْسِهِبَعْدَ مَا بُعِثَ بِالنُّبُوَّةِ»

مصنف عبدالرزاق ج٤، ص٣٢٩، حديث٧٩٦٠
اس مین ایک راوی عبداللہ بن محرر متروک ہے یہ روایت سرے سے مردود ہے۔ 
اب یہ بات واضح ہو گئی کی جن حدیثوں کو 14 یا 21 دن عقیقہ کے تعلق سے پیش کیا جاتا  ہے وہ ساری ضعیف ہے

ابو عبداللہ 

📮AAP SALAAM KARKE SALAMATI BHEJTE HAIN YA PHIR MAUT KI DUA DETE HAIN? 

بسم اللہ الرحمن الرحیم 


AAP SALAAM KARKE SALAMATI BHEJTE HAIN YA PHIR MAUT KI DUA DETE HAIN? 

—Janiye Salaam ke sahi lafzo ki adayegi—


Tahreer : Bint Iqbalhttps://ⓣelegram.me/paighaameislam
__________________________________

Ye Paighaam mere un azeez bhaiyon/baheno ke liye khaas hai jinhe Salam karne ka sahi tareeqa nahin malum hai. Salam ke tareeqe ka sahi ilm naa rakhne ki wajah se logo me salaam ke bahut se ghalat tareeqe raaij ho gaye hain. Ke log salam to bahut mohabbat se karte hain lekin ye nahi jaante ke ham salam karke salamati bhej rahen hain ya phir usko maut aane ki dua de rahen hain. Un salamo ki kuch misaale apko pesh ki ja rahi hain taki aap samjh sake ke aap apni zaban se dusron ke liye salamati ki dua nikaal rahen hain ya kuch aur hi.

1.Salaam ke ghalat alfaaz

1.Saam Alaikum(سام عليكم )➖Tum barbaad ho
2.AsamAlaikum (اسام علیکم ) ➖Tum ko maut aaye
3.Sala’laikum( سلا لیکم)➖Tum par lanat ho
4.Asaa’kum(اساعکم )➖Tum khushi ko tarso

__________________________________

2.Salaam Ke sahi alfaaz aur 30 nekiyan

“AssalamuAlai’kum WaRahmatullahi WaBarakatuhu”
(Aap par Salamati ho, Aur Allah ki taraf se Rahmatein aur uski barkatein aap par nazil hon!)

Hadees

Imran Bin Husain RaziAllahu anhu kahte hain ke ek shakhs Nabi ﷺ ke paas aya aur usne
AssalamuAlai’kum (اسلام علیکم)
kaha to Rasool’Allah ﷺ ne uska jawab diya, phir woh baith gaya. Rasool’Allah ﷺ ne farmaya : iske liye das naikiyan hain. Phir ek aur shakhs aaya aur usne kaha :
AssalamuAlai’kum WaRahmatullah(اسلام علیکم و رحمۃ اللہ )
to Rasool’Allah ﷺ ne uska jawab diya phir woh bhi baith gaya. Rasool’Allah ﷺ ne farmaya iske liye bees naikiyan hain. Phir ek aur shakhs aaya aur usne kaha :
AssalamuAlai’kum WaRahmatullahi WaBarakatuhu( اسلام علیکم و رحمۃ اللہ و برکاتہ )
To Rasool’Allah ﷺ ne uska jawab diya phir woh bhi baith gaya. Rasool’Allah ﷺ ne farmaya : iske liye tees naikiyan hain.’ 

(Tirmizi:2689) Classed as Sahih By Albani
__________________________________


3.Salaam ka jawab behtar andaaz me de

“Aur jab tumhen salam kiya jaye to tum usse acha jawab do ya unhi alfaaz ko lauta do be-shak Allah Ta’ala har cheez ka hisab lene wala hai.”
(Surah Nisa:86)
__________________________________

Upar diye gaye hawalo se hame nasihat milti hai ke hame behtar alfaazo me salam ki adayegi karni chahiye aur behtar alfazo me hi salam ka jawab bhi dena chahiye jaisa ke hame Allah Subhanahu Taa’la ne hukum diya hai Aur Rasool’Allah ﷺ ne uska tareeqa sikhaya hai, hame usi ke mutabiq chalna hai aur behtar salam karke nekiyan kamani hai. 

Yaad rahe Salaam hamare pyare Rasool’Allah ﷺ ki sunnat hai aur ek ibadat hai, lehaza alfaazon ki adayegi sahi dhang se hona lazim hai.

Wallahualam

📮KYA ALLAH ZALIMON SE BEKHABAR HAI? 

بسم اللہ الرحمن الرحیم


KYA ALLAH ZAALIMON SE BE KHABAR HAI? 


By : Abu Zaid Zameer Hafiz ullah


Insaani taareekh ka har safha zulm o sitam ki taweel dastaan ka ek baab hai. Taqatwar ka kamzoron par zulm karna rang o nasal ki hudood o quyood ka paband nahin, aur na hi zaman o makan ke badalney se is mein koi farq waqe huwa hai. Har zamaney mein taqat ke nashey mein choor insaan kamzoron ka istehsaal karta aaya hai.

Zulm o sitam ke is tasalsul ne bohot so ko bagawat ke raastey par rawaan kar diya toh kitnon ko mayoosi aur aajizi ki zehni kothri mein band kar diya. Baaz ko gham o gussa ne sirey se Khaliq hi ka inkaar karne par majboor kar diya. Unhon ne kaha agar is dunya ka koi Khaliq O Maalik hota toh ismein ye zulm aur bigaad na hota. Unhon ne bigaad ke wujood ko Khaliq ke adam e wujood ki daleel bana liya.

Lekin kya waaqi duniya mein zaalim ka dan-danaatey phirna kamzoron ke liye mayoosi ka elaan hai? 
Kya mazlomon ke liye koi insaaf nahi? 
Kya koi nahi jo iqtedaar ke qilon men mehfooz in zaalimon ko insaaf ki adalat mein khada kar ke unke khilaaf adl ka nifaz karey aur mazloomon ko unka haqq dilakar unke zakhmon par marham rakkhey aur unke dilon ko taskeen de? 

Kyun nahi, yaqeenan ek din aaney wala hai jismein har mahroom apna chheena huwa haqq paye ga. Har mazloom apna badla paye ga. Ye woh din hoga jis din quwwat aur taaqat zaalim ka saath chhod kar mazloom ke saath ho jayegi. Ye Qiyamat ka din hoga. Isi din ke bare mein Allah Ta’ala ne farmaya:

وَلَا تَحْسَبَنَّ ٱللَّهَ غَٰفِلًا عَمَّا يَعْمَلُ ٱلظَّٰلِمُونَۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ ٱلْأَبْصَٰرُ
مُهْطِعِينَ مُقْنِعِى رُءُوسِهِمْ لَا يَرْتَدُّ إِلَيْهِمْ طَرْفُهُمْۖ وَأَفْـِٔدَتُهُمْ هَوَآءٌ


“Aur kahin ye na samajh lena ki zaalim jo kuch kar rahe hain Allah us se ghaafil hai. Wo toh unhein us din ke liye dheel de raha hai, jis din nigahein phati ki phati rah jayengi. Sar uthaaye wo daude chale ja rahe honge, unki nighaein un tak wapas na lautengi, aur un ke seeney (ghabrahat se) khali khali ho rahe hoonge. “
[Ibrahim 14: 42 -43]

Jinhein dunya insaaf nahin de saki unhein aakhirat unka insaaf zaroor dilayegi

Source:http://abuzaidzameer.com/kya-allah-zaalimon-se-be-khabar-hai/

📮QASAM PURI NA KAR PANE KA KAFFARAH KYA HAI❓

📮QASAM PURI NA KAR PANE KA KAFFARAH KYA HAI❓

📝Transliteration by : Bint Iqbal

https://ⓣelegram.me/paighaameislam


              🍃بسم اللہ الرحمٰن الرحیم🍃
Allah Subhanahu Taa’la ne qasam ka kaffara bayan karte hue farmaya hai :
▫🍃Allah Ta’ala tmhari qasmon mein laghau*** *qasam par tumhari giraft nahi krta, lekin is par giraft farmata hai ke tum jin qasmon ko mazboot kardo, uska kaffara das mohtajon ko khana dena hai ausat darje ka jo apne ghar walon ko khilate ho ya unko kapda dena, ya ek ghulam ya laundi azad krna hai, aur jo koi ye na paye to woh teen din ke roze rakhe, yeh tmhari qasmon ka kaffara hai jab ke tum qasam kha lo, aur apni qasmon ka khayaal rakho ! Isi tarah Allah Ta’ala tumahre wastey apne ahkam bayan farmata hai taa ke tum shukr karo.

📘(Al-Maida :89)

✏(**Laghau wo qasam hai jo insaan baat baat mein aadatan baghair iradah aur niyat ke khata rahta hai.)


🔴Kaffare ke liye Insaan ko teen cheezon mein ikhtiyar haasil hai :
              1⃣ Das miskeeno ko ausat darje ka khana dena jo woh apne ahal o Ayal ko khilata hai, lehaza har Miskeen ko nisf(half) sa’a ilaqe ki ghalib khurak maslan chawal, waghaira ada kare , uski miqdaar taqreeban dedh kilo(½ kg) banti hai, maslan agar unki aadat chawal khane ki hai aur uske sath saalan jise bohat se ilaqon mein pulaw kaha jata hai, to chaawlon ke sath saalan aur gosht bhi dena zaruri hai, aur agar woh dopahar ya raat ke khane mein das Miskeen jama karle to kafi hain .
2⃣ Das miskeeno ko libaas dena : har Miskeen ko woh libaas de jis mein namaz ada ki ja sakti ho, lehaza mard ko shalwar qamees, ya teh band aur oopar odhane ki chadar, aur aurat ko shalwar qamees aur dupatta .
               3⃣Ek momin ghulam azad krna .
📎Jo shakhs in teen cheezon mein se koi na paye to woh teen din ke musalsal(lagataar) roze rakhe .


🔴Kaffara Naqdi (rupay) ki surat mein nahi ada hoga
✔Ibn Qudaima Rahimullah  kahte hain :
                    🔖” Kaffara mein ghalla aur libaas ki qeemat ada karne se kaffara ada nahi hoga kyunki Allah Ta’ala ne ghalla Zikr kiya hai, lehaza uske baghair kaffara ada nahi hoga, aur isliye bhi ke Allah Ta’ala ne un teen cheezon ke darmiyan ikhtiyar diya hai aur agar qeemat ada karni jaaiz hoti to phir un teen cheezon mein ikhtiyar munhasir na hota.”

📒(Al-Mughni ibn Qudaima, miqdisi,11/256)


☑Sheikh Ibn baz Rahimullah kahte hain :
🔖” Kaffara ghalla hona chahiye naa ki naqdi, kyunki quran Majeed aur sunnat Mutahera mein to yahi aaya hai, us mein ilaqe ki ghiza nisf sa’a dena wajib hai, woh khajoor ho ya koi aur cheez, aur uski miqdaar taqreeban dedh kilo banti hai, aur agar aap unhen dopahar ya raat ka khana khila den ya unhen woh libaas de den jo namaz ada karne ke liye kaafi ho to kifayat kar jaye ga, aur woh libaas shalwar qamees, ya teh band aur oopar odhney wali chadar hai.”

📕Fatawa islamiya ( 3 / 48 )


✔Sheikh Ibn Usaimeen Rahimullah kahte hain :
                    🔖”Agar insan na to ghulam paye, aur na hi libaas aur ghalla to woh teen din ke roze rakhe, aur yeh roze musalsal honge un mein koi din roza nahi chhodega.”

📔(Fatawa Manar ul Islam 3/667)
Wallahualam

📮QURBANI KA JANWAR ZABAH KARNE KA TAREEQA

QURBANI KA JANWAR ZABAH KARNE KA TAREEQA


بسم اللہ الرحمن الرحیم 

Gaaye, bhed, bakri aur dumba zabah karne ka tareeqa yeh hai ke janwar ko baayen (left) pehlu ke bal lita kar uski gardan par ek paaon rakh kar baayen haath se uska sir pakar kar daayen haath se
بسم اللہ اللہ اکبر
padh kar zibah kiya jaye. 
(Sahih Bukhari: 5558 Sahih Muslim: 1966 )

Oont ko zabah karne ka tareeqa yeh hai ke Usko khada kar ke baayaan paon bandh diya jaye aur teen paaon par khada rehne diya jaye phir 
“بسم اللہ اللہ اکبر”
padh kar chhuree ya nezah ya kisi tez dhaar aala ko uske halaq mein pewast kar diya jaye, is tarah khade khade hi uska sara khoon nikal jayega aur woh pehlu ke bal gir jayega. 
(Tafseel ke liye dekhye: Surah hajj: 36 Sahih Bukhari: 1713 Sahih Muslim: 1320 Sunan Abu Dawud: 1764 )

Qurbani ke janwar ko qibla rukh kar ke zabah karna mustahab hai. 
(Mu’atta Imam Malik: 1/379)

Qurbani ka janwar zabah karte waqt “بسم اللہ اللہ اکبر” ke baad “اللهم هذا منك ولك” aur “اللهم تقبل مني” kehna bhi mustahab hai. 
(Tafseel ke liye dekhye: Sahih Muslim: 1967, Irwa ul Ghaleel: 1138, 1152)

Agar qurbani karne wala ghar ka sarparast ho to usko chahiye ke qurbani mein apne sath apne tamam ghar walon ko bhi shaamil kar le, chunancha zabah karte waqt apna naam le aur apne ahl e khanah (ghar waalon) ka bhi zikr kare, misaal ke taur par agar uska naam yasir hai to zabah karte waqt yeh kahe:
“بسم اللہ اللہ اکبر اللهم هذا منك ولك اللهم تقبل من یاسر وآل یاسر”
(Sahih Muslim: 1967)

Kisi dusre ki taraf se janwar qurbaan karne wala zabah karte waqt uska naam le, misaal ke taur par agar uska naam Aamir hai to yeh kahe
“بسم اللہ اللہ اکبر اللهم هذا منك ولك اللهم  تقبل من عامر”
aur agar woh (yani Aamir) apne ghar ka sarparast ho to uske naam ke sath uske ahl e khanah ka bhi zikr kare aur kahe:
“بسم اللہ اللہ اکبر اللهم هذا منك ولك اللهم تقبل من عامر وآل عامر”

Baaz ahl e ilm ne qurbani ka janwar zabah karte waqt is dua ke padhney ko bhi mustahab qarar diya hai:
“إني وجهت وجهي للذي فطر السماوات والأرض على ملة إبراهيم حنيفا وما أنا من المشركين، إن صلاتي ونسكي ومحياي ومماتي لله رب العالمين لا شريك له وبذلك أمرت وأنا  أول المسلمين”
(Musnad Ahmed : 15022, Sunan Abi Dawud: 2795)

Ahl e ilm ne zabah karne ke aadaab mein yeh bhi zikr kiya hai ke janwar ka halqoom, khane peene ki nali, aur do ragein jo un dono ke paas hoti hain kaat di jayen. 
(Dekhiye: Salata ul Momin: 2/925)

Janwar zabah karte waqt Allah ka naam lena zaroori hai, jis par Allah ka naam na liya gaya ho uska khana halal nahi hai. 
(Dekhiye: Surah An’aam: 118, 121)

Ghairullah ke liye janwar zabah karna ya uspar ghairullah ka naam lena shirk aur bid’at hai aur us ka khana haraam hai. 
(Dekhiye: Surah Baqarah: 173)

Janwar zabah karne ka sharai tareeqa yeh hai ke kisi dhaar daar aala se zabah kiya jaye jis se uski shah e rag kat jaye aur khoon ka aksar hissa uske jism se nikal jaye. 
(Dekhiye: Sahih Bukhari: 2543, Sahih Muslim: 1968)

Is liye gala daba kar ya bijli se jhatka de kar zabah kiya hua janwar halal nahi hoga, balke woh murdaar ke hukm mein hoga jo ke Shariat mein haraam hai. 
(Surah Maida: 3)

Chunke is mein janwar ke jism se khoon nahi nikal paata hai is liye uska gosht tibbi aitbaar se sehat ke liye nuqsandeh bhi ho sakta hai.

Zabah karne se pehle qurbani ke janwar ko ya uske baaz aaza ko dhona ya uspar pani chhidakna durust nahi hai kyunki Shariat mein is ki koi asal nahi hai.

Aapka Bhai:
Iftikhar Alam Madani
Islamic Guidance Center

📮Zul hijjah Aur Jumah Ka Akela Roza

Zul Hijja Aur Jumah Ka Akela Roza

                 بسم اللہ الرحمن الرحیم

 📝Tehreer: Hafiz Abu Yahya Noorpuri Hafizahullah

Baaz Ahbaab Ka Khayaal Hai, chun ke Hadees Me Akela Jum’ah Ka Roza Rakhne Se Mana Kiya Gaya Hai, Iss Liye Jum’eh Ke Din 9 Zulhijjah Ka Roza Bhi Akela Nahi Rakha Jaasakta. Iss Dafa Pakistan (Aur Hindustan) Mein 9 Zulhijjah Jum’ah Ke Din Hai. Lehaza unke Baqaul 9 Zulhijjah Ka Roza Rakhne Ke Liye Zaruri Hai Ke Usse Pehle Jumerat (Thursday) Ka bhi Roza Rakhajaaye.

Lekin Ye Baat Durust Nahi Kyunke Hadees Ke Alfaaz Hi Iss Mauquf Ki Nafi Karrahe Hain.
Rasool E Akram (SallallaahuAlaihiwasallam) Ka Farmaan Hain:
‏« ﻟَﺎ ﺗَﺨْﺘَﺼُّﻮﺍ ﻟَﻴْﻠَﺔَ ﺍﻟْﺠُﻤُﻌَﺔِ ﺑِﻘِﻴَﺎﻡٍ ﻣِﻦْ ﺑَﻴْﻦِ ﺍﻟﻠَّﻴَﺎﻟِﻲ، ﻭَﻟَﺎ ﺗَﺨُﺼُّﻮﺍ ﻳَﻮْﻡَ ﺍﻟْﺠُﻤُﻌَﺔِ ﺑِﺼِﻴَﺎﻡٍ ﻣِﻦْ ﺑَﻴْﻦِ ﺍﻟْﺄَﻳَّﺎﻡِ، ﺇِﻟَّﺎ ﺃَﻥْ ﻳَﻜُﻮﻥَ ﻓِﻲ ﺻَﻮْﻡٍ ﻳَﺼُﻮﻣُﻪُ ﺃَﺣَﺪُﻛُﻢْ ‏»
“Baaqi Raatein Chordhkar Jum’eh Ki Raat Ko Qiyam Ke Liye Khaas Na Karo, Isi Tarha Baaqi Dinon Ko Chordhkar Jum’eh Ke Din Ko Roze Ke Liye Khaas Na Karo, Haan! Agar Jum’eh Ka Din Tumhare Kisi M’amul Ke Roze Me Aajaye Toh (Iss Surat Me Sirf Jum’eh Ka Roza Rakhne Mein Koi Harj Nahi”). 

📕(Saheeh Muslim:1144)
Hadees Ke Alfaaz Se Ek Toh Ye Baat Ayaan Hai Ke Sirf Jum’eh Ke Din Roza Rakhne Ki Mumani’at Jum’eh Ke Din Ko Khaas Karne Ki Wajah Se Hai, Jab Ke 9 Zul hijjah Ke Roze Mein  Khususiyat Ki Wajeh Jum’ah Ka Din Nahi,Balke 9 Zulhijjah Ki 9 Tareeqh Hai. Dusra Ye Ke Jum’eh Ke Din Akela Roza Rakhne Ki Mumani’at Se Wo Surat Mustasna Kardi Gayi Hai, Jisme M’amul Ka Roza Jum’eh Ke Din Banraha Ho. Jo Shaks Hafta, Itwaar,somwar,mangal,budh,jumerat ko zulhijjah ki 9 tareeqh aane par rozah rakhta hai, Agr Uss Ke yahan Jum’eh Ke Din Bhi 9 Zulhijja Aajaye Toh Uska Roza Yaum E Jumah Ka Nahi, Balke Yaum E Arafah Yani 9 Zulhijja Ka Hoga Aur Ye Uska Mamool Ka Roza Hai. Jo Jum’eh Ke Akele Roze Ki Mumaniyat Se Khud Rasool e Akram SallallaahuAlaihiwasallam Ne Mustasna Farmaa Diya Hai.
Lehaza 9 Zulhijja Ko Agar Jum’ah Ka Din Ban raha Ho Toh Sirf 9 Zulhijja Ka Roza Rakha ja sakta Hai Usske Liye Ek Din Pehle Ka Roza Rakhna Zaruri Nahi.
Wallahu A’lamu Bissawaab!!

📮ISAAL E SAWAB AUR ISAAL E GUNAH 

بسم اللہ الرحمٰن الرحیم     


<

p style=”margin-right:0;margin-bottom:0;margin-left:0;padding:0;color:rgb(0,0,0);font-family:Georgia, "font-size:18.6667px;background-color:rgb(252,252,255);text-align:center;”>
ISAAL-e-SAWAB AUR ISAAL-e-GUNAH


Tahreer : Sheikh Kiyafat Ullah Sanabali Hafizullah

Logon ke paas sawab itna ziyada hogaya hai ke woh is ka baaz hissa doosron ko isaal kar rahe hain, kya ye log qayamat ke din bhi apni sakhawat dikha sakenge .
jis ka naqsha quran ne yun khincha hai .

“Is din aadmi bhagega apne bhai se, aur apni maa aur apne baap se, aur apni biwi aur apni aulaad se, un mein se har ek ko is din aisi fikar ( daman geer ) hogi jo us ke liye kaafi hogi .
Surah Abas:34-37

❓❓Mein pareshan hun ke mere paas nekiyan bohat kam hain, agar maine inhen bhi kisi aur ko bakhsh diya to qayamat ke din mera kya hoga wahan to kisi se mangne se bhi neki nahi milein gi, chay jaye ke koi khud se isaal kare !
is liye sochta hun ke apne gunah hi kisi ko isaal kardoon ❗❕

➖Chalo mein apne saare gunah ahal bidat ke imam ko isaal karta hun woh bhi kya yaad karenge .

Koi yeh na kahe ke gunah ka isaal nahi hota hai balke sirf sawab ka isaal hota hai, kyunke mein palat kar sawal karoonga ke :
↕Agar gunah ke isaal ki Daleel nahi hai to sawab ke isaal ki kya Daleel hai ❓

Agar kaha jaye ke bohat saari riwayaat mein is baat ki Daleel hai ke zindon ki baaz nekiyon ka sawab murdon ko pahuchta hai to mein bhi kahoonga ke bohat si aisi riwayaat hain jin mein is baat ki Daleel hai ke zindon ki baaz buraiyon ka gunah murdon ko pahuchta hai.

Maslan mulahiza ho yeh hadees :

Aap sallallaho alaihi wasallam ne farmaya ( jab bhi duniya mein ) koi na-haq qatal hota hai to uske gunah ka ek hissa aadam ke bete ( yani Qabeel ) par zaroor hota hai kyunke usi ne qatal ka tareeqa ijaad kiya .
Sahih Bukhari :3335

Balke ek wohi hadees mulahiza ho jis se isaal sawab ki Daleel li jati hai, agar waqai is hadees ke ibtidayi tukde mein isaal sawab ki Daleel hai, to beshak iske aakhri tukde mein isaal gunah ki bhi Daleel hai,

Hadees ye hai :

Rasool Allah sallallaho alaihi wasallam ne farmaya jisne islam mein koi acha tareeqa raaij kiya phir uske baad is par amal kiya gaya to uske liye is amal karne wale ke barabar sawab likha jayega aur unke sawab mein se kuch kami na ki jayegi aur jis aadmi ne islam mein koi bura tareeqa raaij kiya phir us par amal kiya gaya to is par is amal karne wale ke gunah ke barabar gunah likha jayega aur amal karne walon ke gunah mein koi kami na ki jayegi .
Sahih Muslim, 1017

Kya khayaal hai bhaiyon!
isaal gunah ki Daleel hai ya nahi ?


Log apne aqarba tak sawab isaal kar rahe hain .
mein apne deeni dushmanon tak apne gunah isaal karoonga, mere ye dushman jawaba apne gunah mere sar laad nahi sakte, kyunke woh mar chuke hain .

Lekin unke pasmandgaan to kahenge ke woh qabr me jane ke baad bhi zindah hain !

Mujh par yeh dhamki bhi asar hone wali nahi hai kyunke unke pasmandgaan ka jahan yeh aqeedah hai ke hamare yeh dushman zinda hain wahin unka yeh bhi aqeedah hai ke unse poori zindagi mein kabhi koi gunah hua hi nahi !

Ab jab hamare dushmanon ke paas koi gunah hai hi nahi, to woh bechare jawaba hum tak kya isaal karen, sawab to bhejne se rahe .

Agar koi mere khaufnaak irade se pareshan hokar yeh kahne lage “ahadees mein murdon tak zindon ke jin jin gunaaho ke pahunchane ki baat hai sirf wohi gunah pahunchenge bas!! “

To main bhi yeh keh sakta hun ke jin jin aamaal ke sawab pahunchaane ki baat hai sirf unhin aamaal ka sawab pahunchega bas! aisi soorat mein hum dono ko apne apne irade se baz aajana chahiye .

((( Meaning of Pasmandgaan : yani mar jane wale ke piche jo unke qareebi, azeez ya rishtedar bachte hain unhe pasmandgaan kahte hain.)))

Wallahualam.

📮DUNIYA KYA HAI❓

–Duniya azmaishon aur fitno ki jagah hai–
                ✏Transliteration by : Bint Iqbal

https://ⓣelegram.me/paighaameislam


            🍃بسم اللہ الرحمٰن الرحیم🍃       
                     Duniya amal karne ki jagah hai aur akhirat jaza pane ki , to mominon ko badla jannat aur kafiroon ko jahannum ki soorat mein miley ga .
To jab Jannat Tayyab aur achhi cheez hai to us mein daakhil bhi wohi hoga jo ke achha aur Tayyab hoga aur phir Allah Ta’ala Tayyab aur paak saaf hai to woh qubool bhi Tayyab aur paak saaf cheez hi karta hai isiliye Allah Ta’ala ka apne bandon mein yeh tareeqa raaij hai ke woh apne bandon ko azmaane ke liye masaaib aur fitna mein dalta hai taake yeh pata chal sake ke momin kaun aur kafir kaun hai aur jhute aur sachey ke darmiyan tameez hosake jaise ke Allah Ta’ala ka farmaan hai :
                    ” Kya logon ne yeh gumaan kar rakha hai ke unke sirf is daawe par ke hum imaan laaye hain hum inhen baghair aazamaaye hue hi chhod denge? Unse pahlo ko bhi hum ne khoob aazmaaya tha yaqeenan Allah Ta’ala unhen bhi jaan le ga jo sach kehte hain aur unhen bhi maloom kar lega jo ke jhute hain”

📕(Al-Ankaboot :2-3)


To kamyabi aur nijaat us waqt tak mukammal nahi hogi jab tak ke imtehan na hojaye aur Tayyab khabees se alehda na hojaye aur momin aur kafir ka pata na chal jaye jaisa ke Allah Subhanahu Taa’la ka farmaan hai :
                          “Jis haal par tum ho isi par Allah Ta’ala imaan walon ko na chhod dega jab tak ke pak aur napak ko alag na kardey aur na hi Allah Ta’ala aisa hai ke tumhe ghaib se aagah kardey ga”

📗Al-Imran 179


Woh azmaish jisme Allah Ta’ala apne bandon ko mubtala karta hai taake momin aur kafir ke darmiyan tameez ho sake uska zikar Allah ke is farmaan mein hai :
                         “Aur hum kisi na kisi tarah tumhari azmaish zaroor karenge dushman ke dar se, bhook pyaas se, maal wa jaan aur phalon ki kami se, aur unpar sabr karne walon ko khushkhabri de dijiye jinhein koi museebat aati hai to keh diya karte hain ke hum to khud Allah Ta’ala ki milkiyat hain aur hum usi ki taraf lautne wale hain, un par unke Rabb ki rahmaten aur nawazishen hain aur yahi log hidaayat Yafta hain”

📒Al-Baqara 155-157


To Allah Ta’ala apne bandon ko azmaish mein mubtala karta aur sabr karne walon se mohabbat karta aur unhen jannat ki khushkhabri deta hai .

Aur aise hi Allah Ta’ala apne bandon ko jihaad ke sath bhi aazmaata hai, 

Farmaan e Baari Ta’ala hai :

                           “▫🍃Kya tum yeh samajh baithe ho ke tum jannat mein chale jao ge halaanke abhi tak Allah Ta’ala ne yeh zahir nahi kiya ke tum mein se Jihaad karne wale kaun hain aur sabr karne wale kaun hain ?”
📗Al-Imran 142


➖Aur isi tarah maal wa aulaad bhi fitna hain jis mein Allah Ta’ala apne bandon ko mubtala karta hai taake yeh maloom karle ke kaun shukr karta aur kaun na shukri karte hue un mein mashgool rehta hai 

Farmaan e Bari Ta’ala hai :
                          ” Aur tum is baat ko jaan lo ke tumhare maal aur tumhari aulaade ek imtehaan ki cheez hain aur is baat ko bhi jaan lo ke Allah Ta’ala ke yahan bohat bada ajar hai. ”

📘Al-Anfaal : 28   


Allah Ta’ala baaz auqaat museebaton aur baaz auqaat neymaton ke sath azmaish mein dalta hai ta ke yeh pata chal sake ke kaun shukrguzaar aur kaun nashukra aur kaun ita’at guzaar aur kaun nafarman hai to phir inhen qayamat ke roz badla dega.

Allah Ta’ala farmata hai :
                     ” Hum azmaish ke liye har ek ko buraee aur bhalai mein mubtila karte hain aur tum sab hamari taraf lautaaye jaoge”.

Al-Ambiya : 35


Aur phir yeh azmaish bhi imaan ke aitbaar se hoti hai to logon mein sab se ziyada sakht azmaish Ambiya ki phir usse kam darje ki phir usse kam wale ki .
Nabi sallallaho alaihi  wasallam ka irshad hai :

                          ” Mujhe tanha itna tez bukhaar hota hai jitna ke do admiyon ko hota hai”

Sahih bukhari hadees number 5648


Allah Ta’ala ham ko kai qism ki azmaish mein dalta hai. Baaz auqaat to hame museebaton aur fitne mein daal kar imtehaan leta hai ta ke momin aur kafir aur ita’at guzaar aur nafarman aur shukr guzaar aur nashukre ka pata chal sake .

              Aur baaz auqaat jab uske bande nafarmani karte hain to woh apne bandon ko museebaton mein mubtila kar ke unhen sikhata hai ta ke woh us nafarmani se baz aa jayen .
Jaisa ke Allah Ta’ala farmata hai.
                       ” Tumhe jo kuch bhi museebatein aati hain woh tumhare apne hathon ke kartoot ka badla hai aur woh to sab baton se to dar guzar farma deta hai”.

Ash- Shuara : 30
Allah Subhana o taala ka farmaan hai :
                         ” Aur hum ne inhen azaab mein bhi pakda lekin yeh log na apne Rabb ke samne jhuke aur naa hi unhon ne aajzi ikhtiyar ki”.

Al-Momin : 76


Allah taala apne bandon par bohat zyada Raheem hai aur ummat par baar baar azmaish lata hai ta ke woh wapas lout aayen aur gunaaho se tauba kar ke Allah Ta’ala ki haraam kardah cheezon ko tark kar de taa ke Allah taala inhen bakhash de .

Allah Ta’ala Ka farmaan hai :

                        ” Aur kya unko yeh dikhayi nahi deta ke yeh log har saal ek ya do baar kisi na kisi aafat mein phanse rehte hain phir bhi na tauba karte aur naa hi naseehat qubool karte hain”.

At- Taubah : 126


Aur Allah Ta’ala ki rahmat hai ke woh gunaaho ki saza duniya mein bhi deta hai ke ho sakta hai ke log apne gunaho se baaz ajaye aur khud me sudhaar le aayen aur maut se pahle pahle Allah ki taraf rujoo kar len. 
🔴Allah Ta’ala ka farmaan hai.
                        ” ▫Aur yaqeenan hum inhen qareeb ke  chhote se baaz azaab iss bade azaab ke siwa chakhayenge taa ke woh laut ayen”

As-Sajda : 21


Aur baaz auqaat Allah Ta’ala apne bandon ko museebaton mein isliye mubtila karta hai ke unke darjaat buland kare aur unki buraiyan khatam kare. 
Jaisa ke farmaan nabwi sallallaho alaihi wasallam hai :
                         “Kisi bhi musalman ko koi takleef, bemari, gham, pareshani, afsos hatta ke agar koi kaanta bhi chubhta hai to uski binaa par Allah Ta’ala uske gunah maaf kar deta hai.”

📚Sahih bukhari hadees number 5641